تويت
بسم الله الرحمن الرحيم
اللهم صلّ على محمد وآل محمد وعجل فرجهم
مشاية أبي عبد الله الحسين ( عليه السلام )
تحية حسينية صادقة
بدأت قبل أيام قليلة مشاية أبي عبد الله الحسين ( عليه السلام )
وقد تشرفت مدينة الناصرية وخاصة الجزء الجنوبي منها بالمشاية القاصدين أبي الضيم أبي الأحرار ( عليه السلام )
مهما كتبت لأنقل اليكم هذا المهرجان الحسيني لا أستطع
ولكن ضيافة أهل الجنوب وخاصة ضيافة أهالي الناصرية تشرفة هذه الايام باستضافة اخوانهم أهالي البصرة من شباب وكهول ونساء وأطفال ..
وكرامات كثيرة منها يوم أمس في مدينة ( المدينة في البصرة ) مقعد قام ومشى .
وهذا اليوم في ( ناحية كرمة بني سعيد في جنوب الناصرية ) طفلة مقعدة قامت والكرامة الثانية (( أخرس )) تكلم واتصل بأهله عند أحد المواكب وبعد أن تكلم رفعته الناس وزفته بهوساتها الحسينية المعروفة لمسافة ... وهذه ليس بغريب على أبي الاحرار ( عليه السلام ) أن يكرم زواره ..
حكايات وحكايات كثيرة
ومن أهازيج وهوسات المواكب المستقبلة أنقل القليل منها
(( الدارمي ))
· إلهم هيب زوار حسين
· أهلاً وسهلاً بيك يالكاصد حسين
موكبنا يتلكاك مطلوب الك دين
· بالكرمه لوطبيت ابشر يزاير
كل بيت الك خدام لا تظل حاير
· أتمنه روحي اتراب ببابك يعباس
تمسحكني بالرجلين من تدخل الناس
· شكد حاولو وياه صوت النعم مات
كالوله بدل اللاء بدَلْهه هيهات
· اعله جفوفي ما مندوم بس ندمة العين
جي ساعة التوديع ما شافت حسين
· امبسط بجفين بس ماكو شراي
شرط السعر للبيع مو أقل من ماي
· اتراب ارد أصير اباب كبرك يعباس
ومثل العلم من طاح خل راسي ينداس
· بس خوة العباس موش على غاية
صح ماهي بالقرآن بس هيه آيه
· ياهو بكثر عباس عاشك للحسين
بس الفداله العين واجفوفه الاثنين
· تمشي السلامه وياك للغاضريه
يلكاصد العباس وابن الزجيه
· وي مشيت الزوار تمشي الشوارع
والهه المواكب هاي صارت جوامع
· أهلاً وسهلاً بيك يالماشي مشاي
لا تسحك على الكاع اسحك علجلاي
· لو ما خدامه حسين الزاير يتعب
الأخوة الأخوات
مَن كانت لديه حاجة في عقد راية أوعلم لقضاء الحوائج فنحن بالخدمة لأي من يرغب سوى في رسالة خاصة أو على أي شيء ..
الاخوة الشعراء ساهموا في هوسات أو دارمي أو أي شيء
يساعدنا في استقبال الزوار أو لخدمة الحسين ( عليه السلام )
نسألكم الدعاء
تعليق