تويت
ثار إلجـَف أريد اوثار مـَنحـَر
شعر:فاديا الخفاجي
يا سـِتْ إلنـِسا إنتي أنقذيني...
بـِحسين إلوَلي زادَوا ونيني...
ماهـَمني إل وِلـِد,لاصـَدِّكيني...
بس كل إللي هـَمني إحسين يـُنصـَر
*****
قـَدَّمت إل كـُمـَر إلكـُم هـَديـَّه...
وِلدي إل أربـَعـَه لـَجل إل ضـَحيـَّه...
مـَولاتي إلقـَلـُب مـَمرود أذيـَّه...
بـَس بـِمـْحـَبـِّتـِج مـَولاتي يـِعمـَر
*****
مولاتي إجـَت لـَخبار ليـَّه...
كالولي إنكـِتـَل بـِل غاضـِريـِّه...
ضـَلـِّيت أضرُب إل راس اوإيدَيـَّه...
شـِِنهو إلصار؟ليش إحسين يـُنحـَر؟
*****
جان إلنـَه إلدُوَه اومـَرهـَمنـَه لـِحسين...
اونـَبضـَه إل هـَل قـَلـُب وأنوار هـَل عين...
جـِنـَّه إنشوف نورَه إيلوح ليوين...
مولاتي إل بـَدِر يتلـَوَّن أحمـَر!!!
*****
عـَل راس إل دِمـَه اومـَرفوع بـِرماح!!!
وإشلون إلبـَطـَل من هـَل فـَرَس طاح؟...
ماينطي إل ظـَهـَر...يتلـَكـَّه لـِرماح...
جـَنـَّه إل هـَل بـَطـَل نيران تـِسعـَر
*****
مـَولاتي إلدموع إتـِطيح أربـَع...
أربـَع ..وأفتـِديه كل دَم إل أربـَع...
فدوَه إنروح كـلنـَه إل ذاكـَه لـِصْبـَع...
لـِبـْكـَفـَّه إلرَحيمـَه ...اوكـَيف يـُطبـَر!!!
*****
إحسين إنتـَه إل رُكـِن للدين..تـُهدَم!!!
كيف ؟...أفديك روحي حتى تـِسلـَم...
وَيحي...اوكيف مات إلوالي ؟... مـَفـْهـَم...
وإنتـَه إتريدني يـَبني أتـِّصـَبـَّر!!!
*****
صافـُن عـَل وِكـَع تـَوَّه إمنْ إل أحضان؟...
وأبني إحسين يـَل طاح إمن إل إحصان؟..
راح إلغالي... زادَت عندي لـَحزان...
اوظـَلّيت آنـَه أنوح اوراسي يـِفـْتـَر...
*****
أرد أبجي على إلغالين كلهم...
أرد أندب وِلـِد ما وَدَّعـِتهـُم...
أرد أبجي على إلزَهرَه إل تـِوِدهـُم...
وأندِب زينـَب اوكـِلْ حـِزني يكـثـَر
****
حـِطلي إهنانه من لـِكبور أربـَع...
خـَل خامس كـبـر لحسين لـَرْوَع...
إبفـَركـَه إحسين مامن دار تـُوسـَع...
هل دِنيـَه بـِدونـَه اوصارَت أصغـَر
****
ذولـَه أبطال ...بـِشهادَه إفكـَدِتـهـُم...
اوعـَن إبنـَيتي زينـَب ؟ وإسألـِتهـُم...
مـِن جـَتني إل عـَقيلـَه إبلـَيـَّه بـِتهـُم...
وَلوَلتْ اونـِحـِت ...وإشلون تؤسـَر؟
*****
كالـَت هـَل صـَغيرَه إهناك...ماتت...
بـِسـْماع إل خـَبـَر رِجلـَيـَّه بادَت
وِل أحزان ..وإجتـِمعـَت..وَزادَت...
جـَي طـِفلـَتْ حـُسين إهناكـَه تـُقبـَر
*****
وِل طـِفـْل إل رَضيع إللي إنذِبـَح...ليش؟...
هـَم جـُندي اويـِحارِب مـِن طـِغـَه إلجيش؟
وِل أعظـَم مـُصيبـَت هـَل كـَتـِل بيش...
بـِل سـَهم إل ثـُلاثي إلرُكـبـَه تـُنحـَر!!!
*****
وإبنـَه لـَكبـَر إل يـِشبـَه رَسولي...
ليش إيموت ؟يـَبنـَيتي دِكولي؟
واولاد إل حـَسـَن وإخوانـَه ذولي...
اوكـِل إل قافـِلـَه!!!! الله أكبر
*****
الله إيساعـِد إكليبج يـَزهراء...
مـِن مـِنعـَوا عـَن آل إلبيت هـَل ماء...
غـُربـَه اوعـَطشى وإنـْكـِتـْلـَوا بـِصـَحراء !!!!
ثار إلجـَف أريد...اوثار مـَنحـَر
شعر:فاديا الخفاجي
يا سـِتْ إلنـِسا إنتي أنقذيني...
بـِحسين إلوَلي زادَوا ونيني...
ماهـَمني إل وِلـِد,لاصـَدِّكيني...
بس كل إللي هـَمني إحسين يـُنصـَر
*****
قـَدَّمت إل كـُمـَر إلكـُم هـَديـَّه...
وِلدي إل أربـَعـَه لـَجل إل ضـَحيـَّه...
مـَولاتي إلقـَلـُب مـَمرود أذيـَّه...
بـَس بـِمـْحـَبـِّتـِج مـَولاتي يـِعمـَر
*****
مولاتي إجـَت لـَخبار ليـَّه...
كالولي إنكـِتـَل بـِل غاضـِريـِّه...
ضـَلـِّيت أضرُب إل راس اوإيدَيـَّه...
شـِِنهو إلصار؟ليش إحسين يـُنحـَر؟
*****
جان إلنـَه إلدُوَه اومـَرهـَمنـَه لـِحسين...
اونـَبضـَه إل هـَل قـَلـُب وأنوار هـَل عين...
جـِنـَّه إنشوف نورَه إيلوح ليوين...
مولاتي إل بـَدِر يتلـَوَّن أحمـَر!!!
*****
عـَل راس إل دِمـَه اومـَرفوع بـِرماح!!!
وإشلون إلبـَطـَل من هـَل فـَرَس طاح؟...
ماينطي إل ظـَهـَر...يتلـَكـَّه لـِرماح...
جـَنـَّه إل هـَل بـَطـَل نيران تـِسعـَر
*****
مـَولاتي إلدموع إتـِطيح أربـَع...
أربـَع ..وأفتـِديه كل دَم إل أربـَع...
فدوَه إنروح كـلنـَه إل ذاكـَه لـِصْبـَع...
لـِبـْكـَفـَّه إلرَحيمـَه ...اوكـَيف يـُطبـَر!!!
*****
إحسين إنتـَه إل رُكـِن للدين..تـُهدَم!!!
كيف ؟...أفديك روحي حتى تـِسلـَم...
وَيحي...اوكيف مات إلوالي ؟... مـَفـْهـَم...
وإنتـَه إتريدني يـَبني أتـِّصـَبـَّر!!!
*****
صافـُن عـَل وِكـَع تـَوَّه إمنْ إل أحضان؟...
وأبني إحسين يـَل طاح إمن إل إحصان؟..
راح إلغالي... زادَت عندي لـَحزان...
اوظـَلّيت آنـَه أنوح اوراسي يـِفـْتـَر...
*****
أرد أبجي على إلغالين كلهم...
أرد أندب وِلـِد ما وَدَّعـِتهـُم...
أرد أبجي على إلزَهرَه إل تـِوِدهـُم...
وأندِب زينـَب اوكـِلْ حـِزني يكـثـَر
****
حـِطلي إهنانه من لـِكبور أربـَع...
خـَل خامس كـبـر لحسين لـَرْوَع...
إبفـَركـَه إحسين مامن دار تـُوسـَع...
هل دِنيـَه بـِدونـَه اوصارَت أصغـَر
****
ذولـَه أبطال ...بـِشهادَه إفكـَدِتـهـُم...
اوعـَن إبنـَيتي زينـَب ؟ وإسألـِتهـُم...
مـِن جـَتني إل عـَقيلـَه إبلـَيـَّه بـِتهـُم...
وَلوَلتْ اونـِحـِت ...وإشلون تؤسـَر؟
*****
كالـَت هـَل صـَغيرَه إهناك...ماتت...
بـِسـْماع إل خـَبـَر رِجلـَيـَّه بادَت
وِل أحزان ..وإجتـِمعـَت..وَزادَت...
جـَي طـِفلـَتْ حـُسين إهناكـَه تـُقبـَر
*****
وِل طـِفـْل إل رَضيع إللي إنذِبـَح...ليش؟...
هـَم جـُندي اويـِحارِب مـِن طـِغـَه إلجيش؟
وِل أعظـَم مـُصيبـَت هـَل كـَتـِل بيش...
بـِل سـَهم إل ثـُلاثي إلرُكـبـَه تـُنحـَر!!!
*****
وإبنـَه لـَكبـَر إل يـِشبـَه رَسولي...
ليش إيموت ؟يـَبنـَيتي دِكولي؟
واولاد إل حـَسـَن وإخوانـَه ذولي...
اوكـِل إل قافـِلـَه!!!! الله أكبر
*****
الله إيساعـِد إكليبج يـَزهراء...
مـِن مـِنعـَوا عـَن آل إلبيت هـَل ماء...
غـُربـَه اوعـَطشى وإنـْكـِتـْلـَوا بـِصـَحراء !!!!
ثار إلجـَف أريد...اوثار مـَنحـَر
تعليق