تويت
أوراق اخوي
اجيت انه وجبت كلشي تبقه اوياي
وحته ادموع عيني اوياي جايبهه
جبت اوراق اخوي الخذه مني الموت
العليه مدرسته امس گصت گصايبهه
وجبت اوراق اختي المانساها الموت
البلايه اوداع امس عافت حبايبهه
وجبت احجابهه العافت گصيبه اوياه
البدل لفت شعرهه اتلف مصايبهه
امس خطابه اجوه وشترط عزراييل
حاضرهه الحزن والموت غايبهه
الزم عود حزني وهز وتر الموت
وگل لعيوني صبري بلاعشه نامي
واموت عله الضوه بس خمديته اهواي
اخاف عله الفراش يموت بحلامي
واسامح سامحت من شلت صخرة موت
وكفرت ابهبل وعلنت اسلامي
مامجبور اجيب من السماء اشلاء
وعله ورقة ضحك ماوسخ ابهامي
عندي اقلام كتبت حلم شعبي المات
اكسرهه وعلي لو ضحكت اقلامي
وماأرضه بعد هارون الي سجـّان
ولااقبل يزيد يعطش ايامي
اجيت انه وجبت كلشي تبقه اوياي
وحته ادموع عيني اوياي جايبهه
جبت اوراق اخوي الخذه مني الموت
العليه مدرسته امس گصت گصايبهه
وجبت اوراق اختي المانساها الموت
البلايه اوداع امس عافت حبايبهه
وجبت احجابهه العافت گصيبه اوياه
البدل لفت شعرهه اتلف مصايبهه
امس خطابه اجوه وشترط عزراييل
حاضرهه الحزن والموت غايبهه
الزم عود حزني وهز وتر الموت
وگل لعيوني صبري بلاعشه نامي
واموت عله الضوه بس خمديته اهواي
اخاف عله الفراش يموت بحلامي
واسامح سامحت من شلت صخرة موت
وكفرت ابهبل وعلنت اسلامي
مامجبور اجيب من السماء اشلاء
واسميهم انجوم وتاكل اعلامي
ومااضحك بعد وانا وصلت الموت وعله ورقة ضحك ماوسخ ابهامي
عندي اقلام كتبت حلم شعبي المات
اكسرهه وعلي لو ضحكت اقلامي
وماأرضه بعد هارون الي سجـّان
ولااقبل يزيد يعطش ايامي
الشاعر الحسيني فاضل المياحي
تعليق