إعـــــــلان

**صندوق العمل** · 05-03-2008, 10:19 PM

أجمل موضوع في الاسرة
كلش ضحّكني
تسلم ايدچ اختي سيناء
الزوج العراقي
صفر علشمال
ههههه
معليكم بيّة.

**سيناء الرافدين** · 05-03-2008, 10:25 PM

ههههه

اضحك الله سنكم

الله يستر من العراقيين البقية ليخبلونة بردودهم

وشكرا لمروركم

**صندوق العمل** · 05-03-2008, 10:28 PM

اضحك الله سنكم

اضحك الله شيعكم

**سيناء الرافدين** · 05-03-2008, 10:31 PM

المشاركة الأصلية بواسطة صندوق العمل

اضحك الله شيعكم

اني سامعة اضحك الله سنكم بس ماسامعة شيعكم بلى هاي شنو تعني

**صندوق العمل** · 05-03-2008, 10:35 PM

ههههه
نسيتي آني عراقي !!
شفتهة حلوة ، ليش بس السنة يضحكون خلي الشيعة هم تضحك

**صندوق العمل** · 05-03-2008, 10:50 PM

الفرق بين الزوجه العراقيه والزوجه السوريه ..

اذا وقع زوجها على الدرج:

السوريه : ولي على آمتي، سلامتك حبيبي أنشاء الله ، انا ولا انتا ابن عمي

( ميته خوف عليه )

العراقية:ها شبيك دخت ؟ الله ما يضرب الناس بحجار

اذا الزوج يريد يسافر:

السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

العراقية :أسبوع مبوزة قبل السفر، وكل شوي دموع، وشوكت تروح؟ ويامن تطلع هناك ؟ مو تباوع عالبنات !! إحلف إنك مراح تروح على أماكن فيها بنات! ما تتأخر اخاف ينقصنا شي وانت مسافر. وكل يوم تتصل بالتلفون علمود تشوف وينك و تكلك إنه الولد مصخن، وبنتك تريد تموت، كل المصايب بتكلكياها تلاحقك فيها وين ما تروح

إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )

العراقية : شرّفت !! وين جنت؟ مهو أني كائنة حيوانه بالبيبت طول نهاري أكنس و أمسح !! ويامن من أصحابك التعبانين جنت ؟ إي شجبتلنا وياك ؟وللا جاي إيد ورة وإيد كدام زين عرفت إلك بيت واجيت

إذا طلبت شى منه :

السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

العراقية : إغلط مرة وجيبلك شغله حلوة معك بقلاوة وللا زلابية اريد أحلي حلكي إللي مرّر من هالعيشة إللي تذبح

( هاى قتلها حلال )

إذا جابلها :

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

العراقية : والله غاب وجاب، وياما جاب الغراب لمه، منين جايبها وشكد سعرها هاي، لو جايب مسواك للبيت مو احسن

( حسبي الله )

اذا تريد شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

العراقية : مو حرام نستريح شوي، لازم حياتي تظل تعب ونكد، هو ماكو غيرك بالبيت.ماعندي مجال وللا اكلك اطلع من البيت فك عني ياخة روح شوفلك شغله سويها، طكت مرارتى من شغل البيت اففففف اففففف.

لو طلبت منها استكان جاي:

السورية : من عيونى ابن عمى، أحلا كوب شاي من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي

( تخيل استكان جاي بس )

العراقية : تريد جاي ؟ اصدقائك ملطوشين بالكهوة روح اشرب وياهم، وللا أكلك روح عد امك تسويلك جاي، أترك شغلي وأسويلك جاي؟؟ هذا اللي ناقص، ياااا رب موتني وخلصني من هالعيشة اللى تكصر العمر

( كل هذا علمود استكان جاي ياريتة سم ياشيخة )

اذا كالها (تردين شي) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟

( تكون غبى لو طلعت وتركتها )

العراقية : لأأأأ (مع تبويزه طولها شبرين)... ما اريد شي .وين تريد تروح؟ ويامن راح تكعد؟ انشالله تطوّل وتخلّيني وحدي مثل الخبلة ولو اكلك جيب وياك حفاظات للولد وإنت جاي.

الذوق والتنويع فى الاكل:

السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها معدنوس راح تسويلك تبولة هههههههههه يكفى انها راح تقعد جنبك وتفتح نفسك على الأكل، تكولك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

العراقية : لو عندها كل أنواع الخضار، والثلاجة مليانة اغراض ولحم وسمك، هو هو ماكو غير التمن والمرك والدولمة بالزايد والمقلوبةوالبرغل اذا جانت! مصلاوية وإذا تعبت روحهة دجاجة مشمورة بالفرن، هذا اذا كنت محظوظ و ما حكتلك ماكو طماطة و خيار روح اشتري، أو خلص الغاز بنص الطبخه، روح جيب غاز اذا تريد تاكل.

طبعا بوزها عالسفره شبرين، وبتبلش ضرب بالولد علمود طش الماعون ، و حديثها بيكون كالتالي: اليوم اجة ابو المولدة يريد الاجار مال الخط لو يكول راح اكطعة والمي اجتي القسيمة مالتة وشوكت راح تدفعهم ؟ اليوم انكسرت الحنفية وأنا اغسل المواعين، روح جيب ابو البواري (طبعا بوري) يصلحها بس تخلص أكل، إبنك يريد عشرتالاف دينار يشتري قندره.

وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل مثل الخلق
(مبيوگ)

**التوبه والغفران** · 05-03-2008, 11:07 PM

والله ونستونا بهل حجي الحلو
تسلم ايدكم

**صندوق العمل** · 05-03-2008, 11:33 PM

كيف تقولين لزوجك احبك بدون كلام ( هله هله )

(مبيوگ)

-------
شفت هذا الموضوع بقسم المراه

اسمه

(((كيف تقولين لزوجك احبك بدون كلام )))

الموضوع من كتابة الاخت ام سيف

واجئتني هواي اتصالات من نسوان بالعراق في داخل العراق

الموضوع

للزوج حق على الزوجه هذا ما قاله الدين القيم والأعراف السماويه
فكيف تبادر الزوجه لأرضاء زوجها

اي ياخال كوليلهن للنسوان ارضاء الزوج عليج العباس وصيهن علينه
تره طاكنه النعال طك من يوم صدام لهذا اليوم راح صدام اجتي الاحزاب
كله اطكنه بالنعال كله اطلك الزلم بالنعال كلنه بلكت نسوانه يسون ارضاء للزلم ازواجهم وصيهن يابعد روحي وصيهن تره كرفنه خيسه كرف من يوم صدام لهذا اليوم

كيف تقولين لزوجك أحبك ... بدون كلام

اي بدون كلام خليها ساكته لا تلغي

يأتي الإعراب عن الحب بين الزوجين بالكلمات فقط ! .. وإنما هناك أيضاً وسائل عملية وتصرفات ملموسة وإيحاءات ذات معنى كبير تجعل الطرف الآخر يشعر بحبنا العميق حتى وإن لم نعرب عن مشاعرنا العاطفية بكلمات صريحة ..

وسائل علميه خاله ام سيف اني مرتي نعجه طرنه لا تقره ولا تكتب شلون تعرف
الوسائل العلميه جا هي الله وكيلج القائمه مال الكهرباء ماتعرف تقراها النوبه
تتعلم الوسائل العلميه بس يمكن تعرف الايحاءات اي هي دائما تلمح اليه من تشوفني
تكلي والكبر لفك

1ـ استخدمي حبات الفاكهة الصغيرة ( الكرز ـ العنب ـ الفراولة .. ألخ ) لتكتبي بها عبارة "أحبك" وسط طبق الفاكهة الكبيرة .

خاله ام سيف هاي ام عباس اتصلت بيه تكول خاله ام سيف شمالج ناصبه علينه
هو احنا بالعراق ماكلين ركي حتى نكتب على الكرز والعنب كلمه احبك وتكولين طبق الفاكهه خاله شمالج هذا رجلي ابو عباس كتبتله كلمة احبك شكبرها على الركيه
وابن النعال ياكل الركي ولا يشوف الكلمه اكل الركي وبقه الكشور كالي ام عابس علفي الكشور عاد اني تخبلت كتبت على النعال الاسود مالتي كلمه احبك وسمطته بالنعال لابو عباس

2ـ ضعي مكعبات ثلجية على شكل قلب في كأس العصير الذي سيشربه .

خاله ام سيف هاي ام ستار اتصلت بيه من السماوه من جنوب العراق تكول ضحكتيني والله يا ام سيف وانا موش اطويبه مكعبات ثلج خاله هي الكهرباء وينها حتى نسوي ثلج اشو قالب الثلج نشتريه وره ربع ساعه يذوب يصير ماي خابط

اكلج ام سيف بدل مكعبات الثلج يصير احطله مكعبات مال شوربة ماجي اسويها على شكل صره مال بطن عجوز مو شكل قلب

3 ـ ضعي وردة داخل الكتاب أو الصحيفة التي يقرأها .

هاي ام سعدون تكول حطيتله ورده حمره بالجريده الي يقره بيها بس اشو تفل عليه حطيته يم الخبر الي يكول الحكومه راح تستورد دوه اصلي مال خافض حراره انتي بايرول يخفض الحراره وهذا الدوه استوردته الحكومه علمود معالجه انقطاع الكهرباء بفصل الصيف حتى المحتر ياخذ زقنبوته وحده يخفض الحراره ويجرش من البرد

اشو هو قره الخبر والورده يمه اشو تفل بوجهي اني شنو اسوي

4ـ في يوم الإجازة حضري له إفطاراً دافئاً وقدميه له في فراشه .

هاي ام رعد تكول اني راح اسويها الجمعه الجايه وانطيه الفطور بس هي نكول
احنا مو برمضان حتى انطيه فطور راح انطيه ريوك وهو بالفراش مطمور بس
قسما بالله وحق لا الله الا الله وبروح الحسين والائمه والقران اذا وكع جاي
لو مربى على الشرشف مال الفراش قسما بالله انزع النعال مالتي واسمطه على حكله اني مابيه حيل ياخاله ام سيف اغسل الشرشف الجناين مالتي الجايفات كلهن مسافرات رايحات هولدي

5ـ علقي صورته في مكان بارز .

هاي ام قاسم تكول خاله ام سيف اعلك صورته خاله شنو قابل اني مزوجه صدام حسين اعلك صورته ابمكان بارز وتكول ام قاسم زوجها بوجهه بهاك وطكع وتلعب نفسي من صورته مو خوش فكره مال صورته ابمكان بارز ميخالف احط صورته
بالتواليت يم البريج حتى الي عنده قبض ويشوف صورته يصير عنده اسهال

6- أرسلي رسالة عاطفية رقيقة ومختصرة بالموبايل إليه أثناء العمل .

هاي ام غالب تكول خالهام سيف اذا انتي الرصيد مالتج مال الموبايل هواي تره احنا الموبايل مالتنه حتى سيم كارت مابيه هي هاي هم فكره ادزله مسج بالموبايل مايصير ادزله ابني الصغير غالب يوصل اله الرساله العاطفيه الرقيقه بس هذا ابني وكيح سرسري اخاف يفضحني كدام ام هاشم وبناتها الخبلات

7-بعد الاستحمام ارسمي على مرآة الحمام بإصبعك صورة قلب على البخار ليراها وهو داخل بعدك .

ههههههههههههههههههلى ههههههههههههههههههه لا هاي حمودي جاي يضحك لا ام ستار ولا ام سعدون ولا ام اربعه واربعين شنو يمه على البخار يالله شكد حلو خاله ام سيف احنا اندخل الصوبه للحمام وشمعه ماكو كهرباء ياعيني ولا كيزر منين يجي البخار من زرف الدوش لو من الفتحه مال المقعد مال التواليت ياخاله شمالج انتي

بس هاي ام كامل تكول سويتها ودخل هو عبالي يشوف القلب على البخار اشو طلع وكلت خلي ادخل اشوف شنو السالفه اشو يم القلب الي رسمته كاتب لو راسمه مطي هواي احلى على البخار هسه شنو اسويله اجيب المرايه اكسرها على راسه لو اطمس راسه لابو كامل بالمقعد الغربي مال التواليت

**لواء الحسين** · 05-03-2008, 11:40 PM

الموضوع جناية بحق الرجل العراقي

أنا اعترض

ههههه

والله إحنا مظلومين

موضوع لطيف في المحتواه و لكن بشرط عدم التعميم

شكرا لك أختي سينآء

**دموع الغربة** · 05-03-2008, 11:42 PM

\
/
ما هذا يا سيناء الرافدين ؟
ألمتِنا !
و ضربتي احلامنا و أوهامنا بعرض الحائط ...
من المفترض ان نلامس ارضية الواقع ... ولكن خطوة خطوة لا بشكل مباشر و مفاجئ هكذا !
اذا هذا هو المستقبل المشرق الذي ينتظر كل شخص عراقي ( سواء كان رجل او إمرأة )
ربما تكون سلبية .. او ربما تكون هي الظروف التي جعلت منا أُناس مختلفون ...
و مع ذلك فنحن متميزين عن البقية كما هو واضح و هذا امر جيد .. حتى و إن كان هذا التميز سلبي !
و لا أقول غير ( لو خُليت خُربت ) .... !

موضوع لطيف و ظريف و ترفيهي
اضحكتني فعلا :p

بارك الله بكِ عزيزتي

**صندوق العمل** · 05-03-2008, 11:50 PM

اذا هذا هو المستقبل المشرق

منو هذا
اني اللي اعرفة المستقبل المُغرب
اما المُشرق
فإحنا مانعيّد وياكم ، مايجمعنا أفق واحد .

**سيناء الرافدين** · 06-03-2008, 01:28 AM

ههههههههههه

رد الاخ صندوق بحق المراة العراقية هضيمة هضيمة والله هضيمة

هههههههه

لكنه ممتع
فلا تزعل يا لواء الحسين لان صندوق العمل كحلها وتمم الموضوع

بس ترى العراقيات جربن يقولن للعراقي تؤبرني ابن عمي حبيب ألبي تدرون شيقوللها العراقي؟؟؟؟

..
.
.
.
.
.
.
.

.
يقللها ماطالعة من قلبج

بس الصراحة هم لازم احنا الشيعة نضحك فاضحك الله سن الشيعة كلهم ان شاء الله

**سيناء الرافدين** · 06-03-2008, 01:37 AM

المشاركة الأصلية بواسطة لواء الحسين

الموضوع جناية بحق الرجل العراقي

أنا اعترض

ههههه

والله إحنا مظلومين

موضوع لطيف في المحتواه و لكن بشرط عدم التعميم

شكرا لك أختي سينآء

اكيد اكيد ماكو تعميم بس مو تأيدوني بأن هذولة الناس زواجهم ناجح مو!!!!!

**الزهرة الزينبية** · 06-03-2008, 01:40 AM

هههههههههههه حلو
بس ماكو رومنسيه الظاهر هههههههه
شكرا للموضوع ...........

إعـــــــلان

للاشتراك في (قناة العلم والإيمان): واتساب - يوتيوب

زوج عراقي مخبل مرته

زوج عراقي مخبل مرته

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين