إعـــــــلان

**صندوق العمل** · 05-07-2008, 10:52 PM

ههههه

ذكرتيني بمعرفة ، راحت لبيت جدها ابو ابوها فسألت بيبيتها عن البقرة (كونهم عَرَب) فبيبيتها جاوبتها بيبي هاي يسموها هايشة مو بقرة.

راحت الشهيگة بس اعرف لحترجعلي لانه البارحة اشتريت چيس جزر ومااريد ارميه من ورا الشهيگة

فالعلاج مازال مطلوبا.

**سيناء الرافدين** · 05-07-2008, 10:54 PM

اقلكم هاي حولتوها ديوانية عراقية مال سوالف راح ننقل الموضوع لقسم السوالف

واذا صندوق العمل كتب موضوع رياضيات راح ينتقل الموضوع الى قسم الحسابات الرياضية

في احد الايام مدرست الرياضيات اخبرتني انها تستخدم الرياضيات في علاج المشاكل المستعصية وفي الطبخ وفي غيرها تعجبت وقتها وقلتها اشلون ؟؟؟؟؟؟ لمن كعدت تشرحلي

**زهر السوسن** · 05-07-2008, 11:06 PM

اي سيناء كملي شلون

**سيناء الرافدين** · 05-07-2008, 11:14 PM

ههههههه

كعدت تقولي اذا تريدين اتسوين كيكة وعندج مقدار معين وتريدين تضاعفي لازم تعرفين شقد حليب وشقد شكر وشقد طحين وبيض

واذا تريدين تسويك كوكتيل هم لازم تعرفين شقد المقادير ولازم تضبطيهن حتى تضبط الطبخة

واذا عندج بيتزا هاي تكفي 8 نفرات بس كل اثنين يعني ربع
هههههههه

شفتي شلون الرياضيات داخل بالمطبخ اشلون ؟؟؟

واذا تريدين تشترين موكيت لو زولية على قد غرفتج لو بيتج لازم تعرفين اشقد تشترين وياهو ارخصالمتر لو الكمية 4ب ....$$$$
لو 6ب.....$$$$

يعني احنا حياتنا كلها رياضيات

**صندوق العمل** · 06-07-2008, 12:32 AM

المشاركة الأصلية بواسطة سيناء الرافدين

اقلكم هاي حولتوها ديوانية عراقية مال سوالف راح ننقل الموضوع لقسم السوالف

واذا صندوق العمل كتب موضوع رياضيات راح ينتقل الموضوع الى قسم الحسابات الرياضية

في احد الايام مدرست الرياضيات اخبرتني انها تستخدم الرياضيات في علاج المشاكل المستعصية وفي الطبخ وفي غيرها تعجبت وقتها وقلتها اشلون ؟؟؟؟؟؟ لمن كعدت تشرحلي

اختي سيناء

اذا كتبت موضوع الرياضيات ونطيتچ عليه لزمة انه مايخص الاسرة حتى تنقليه فآني معتّب.
ولحبرهنلچ ان شاء الله قوة الاسلوب الكتابي

**صندوق العمل** · 06-07-2008, 12:56 AM

يابة اخاف احچي تضحكون عليّ

ترة رجعت الشهيگة
ماكو فد علاج؟

**زهر السوسن** · 06-07-2008, 10:15 AM

مولاح نضحك عليك
ضحكنه هاهاهاها
عود مقرره اليوم ابد ما اضحك لان كلش ضايجه اليوم
السيده الوالده عرفت بشغله المرض وكالبته مناحه من الصبح
كتله ضميج لطمه للفاتحه
الله كريم
اليوم الصبح شفت مره شايله علاكته
اخذته من ايديه وساعدته
ولمن وصلنه لبيتهم علساس اني فرحانه لاح تدعيلي
تدكلي الله يخليلج خواتج
هههههههههههههههه
يعني التعب راح بلاش
ايكلك الماعنده حظ كعد بصحراء وكع علي شباك

**سيناء الرافدين** · 06-07-2008, 01:28 PM

اذا كتبت موضوع الرياضيات ونطيتچ عليه لزمة انه مايخص

الاسرة حتى تنقليه فآني معتّب.
ولحبرهنلچ ان شاء الله قوة الاسلوب الكتابي

هاي اللهجة العراقية غريبة علية ما افتهمت شنو تقصد؟؟؟

**صندوق العمل** · 06-07-2008, 01:34 PM

خلي نسأل أم اللغة الچفچيرية هل كتابتي كانت عراقية او لا

القصد انه لحكتب (ان شاء الله - اظن انه اصبح امر مشكوك فيه) موضوع رياضيات لكن مالحتلگين عليه لزمة انه مايخص الاسرة والسبب هو التغطية على الرياضيات مع العلم انها لب الموضوع.

**حلم اللقاء** · 06-07-2008, 01:35 PM

المشاركة الأصلية بواسطة صندوق العمل

يابة اخاف احچي تضحكون عليّ
ترة رجعت الشهيگة
ماكو فد علاج؟

الله يكون بعونك ، الحازوقة شي مزعج
أنا أعلم أنه يمكن التخلص من الحازوقة عن طريق قطع النفس
يعني حاول أن تتوقف عن التنفس ما استطعت ذلك وبعدها إن شاء الله سوف لن تعود الحازوقة من جديد وهذه طريقة جربتها ونفعت
بالمناسبة وجدت هذا على موقع طبيب دوت كوم
كيف تتخلص من الحازوقة؟

تنشأ الحازوقة عادة من الإفراط في الطعام أو السرعة في الأكل أو من أكل الطعام الكثير البرودة أو الحرارة على السواء، كما يتسبب فيه التأثر النفسي الشديد، ويمكن أن يكون علامة على اعتلال في المعدة إذا استمر لأكثر من يومين متواصلين مما يستدعي استشارة الطبيب.
والعلاج في الوضع الطبيعي يكون عادة بالطرق التالية:
أخذ ملعقة من الخل أو عصير الليمون.
مص قطعة من الثلج.
الغرغرة بماء ساخن.
ضم الفخذين إلى البطن لإعادة الحجاب الحاجز إلى وضعه الطبيعي.
إخراج اللسان من الفم بأقصى ما يمكن ومحاولة التنفس على هذه الحال لبضع دقائق مع أنفاس عميقة وطويلة.
ولكني لا أنصح بما يقوم به البعض من إفزاع الشخص المصاب، مع أنها قد تنجح فهذا منهي عنه في ديننا.

وان شاء الله جزر العافية

**صندوق العمل** · 06-07-2008, 01:43 PM

شكرا جزيلا اختي شآم
هسة آني اختصاصي الهامستر شجابني على الارانب

مشكلتي وية الشهّيگة انه اذا اجتني تبقى وياية فد كم يوم تروح وتجي
صحيت اليوم الصبح ، رجعتلي ، بعدها راحت، وهكذا

ترجعلي بمزاجها وتروح بمزاجها.

**حلم اللقاء** · 06-07-2008, 01:46 PM

المشاركة الأصلية بواسطة دموع الغربة

الله يساعدك اختي شآم و الله شي محزن
بس خيرها بغيرها ان شاء الله ...
كنت اود العودة للعراق في هذا الصيف و وعدني الجميع بذلك .. و قمت بالاستعداد نفسيا و تجهيز الكثير من الاشياء
و فجأة تم الغاء الموضوع ...
لو لم يعدني احد بشئ منذ البداية لما حزنت و لكن المحزن هو تفكيري بالموضوع و تجهيزي له في الايام القادمة مما سيُصعب نسيانه ...
الله يكتبلك و يكتبلنا جميعا العمرة قريبا ...
و يكتبلي روحة العراق للزيارة ...

الله يكون بعونك أختي دموع وبعون كل العراقيين الي بالغربة
لا أستطيع أن أتخيل نفسي خارج سورية ولا اقدر العودة إليها أو زيارتها

الوطن غالي والله
الله يكتبلكم زيارة العراق أنتي والجميع ويأمنا بأوطاننا

**زهر الشوق** · 06-07-2008, 01:46 PM

المشاركة الأصلية بواسطة دموع الغربة

.
همسة >>> اختي زهر الشوق ... قرأت كلامك باتجاه عكسي و فهمته ! كلامك للاخت عطر مريح و يُقرأ من جميع الاتجاهات ! لاعدمنا تواجدك ...

تسلمين عزيزتي دموع
أشكرك وأتمنى رؤية كلماتك والعزيزة راهبة دائما بلا انقطاع

**زهر السوسن** · 06-07-2008, 01:50 PM

لا والله كلامك كان عراقي
بس يسمى عراقي دريدي
يعني نازك من جماعت المنصور
شارع فلسطين
هههههههههههه

**زهر السوسن** · 06-07-2008, 01:58 PM

سيناء شبسرعه عرفتي بموضوع الشكوى وتردين هنا الله يساعدج
كتبتلج رد بموضوع الشكوى شوفي

	المواضيع		إحصائيات	آخر مشاركة
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, 02-05-2025, 07:21 AM		ردود 2 14 مشاهدات 0 معجبون	آخر مشاركة بواسطة ibrahim aly awaly 02-05-2025, 07:23 AM
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, 02-05-2025, 09:44 PM		استجابة 1 12 مشاهدات 0 معجبون	آخر مشاركة بواسطة ibrahim aly awaly 02-05-2025, 09:48 PM

إعـــــــلان

للاشتراك في (قناة العلم والإيمان): واتساب - يوتيوب

الصداقة . . . . . ماهي ؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين