إعـــــــلان

**ام محمد** · 07-11-2002, 11:44 AM

تسلمين اموووووووووووووووولة

موضوعش حلو و راح يخلى اشوية نكهه فى المطبخ ( أقصد المنتدى )

بس حبابة الكل مشغول فى اعداد الطبخات للفطور

يعنى انا وحده منهم ما اتذكر شى ء

امسامحة حبابة يمكن خواتى عندهم شىء

**امل** · 07-11-2002, 12:22 PM

قولي ماتبينا نضحك عليش
ههههههههههههههههههههه

يالله اني ابد

لاكن بلا ضحك زين

ههههههههههههههههه

وش قلت لكم

مااعندي شي ياااااااااخيوه

**عاشقه الحوراء** · 12-11-2002, 03:43 AM

انا عندي

انا سالفتي مو في رمضان!!!!!!!!!
ايام الدراسه""بالتحديد ثالث متوسط"""
وقصتيي مؤلمه شوي
انا وحده ما اعرف اذاكر الا بشاهي او قهوة
وفي يوم امتحان الانجليزي
وانا وبعد ما صبيت الماء في الدله ما حطيت الابريق على الفرن زين وانكب على رجلى الماء الحار
اختى الصغيره كانت جنى يوم شافتنى اصارخ خافت وقامت تصارخ انا خفت عليها جلست اصب عليها ماء بارد ونسيت نفسي
ويوم رجعت غرفتي الا واحس بالحراره ولا اشوف الا رجلى محروقه واقعد اصارخ واقوم اجيب الثلج وبعدين رحت المستوصف ولفيت رجلي وحطولي مرهم حروق
وفي الاخير ماذكرت بس الحمد لله نجحت
والى الان اثر الحرق في رجلي

**عاشقه الحوراء** · 12-11-2002, 03:47 AM

سالفه ثانيه

ايام ثالث ثانوي
كنت اطبخ وبعدين كنت لابسه روب الي يكون فيه
خيوط نازله من الاكمام""انشاء الله تفهمون الشكل""""""
تخيلو احترقت الخيوط وانا ما حسيت انه في شي يحترق
ماحسيت الا يوم احترقت يدي
بعد في ايام الامتحنات
وتراى معذوره يوم ما احس
كنت في حاله يرثى لها هاذيك الايام

**امل** · 14-11-2002, 02:09 AM

مشكوره خيووه

**إيمان** · 16-11-2002, 12:38 AM

سلام

اني بصراحة في شهر رمضان اطبخ وادخل المطبخ العصر قريب الادان وبعد الادان آكل واطلع من المطبخ ولا كأني اعرفه

**إيمان** · 16-11-2002, 12:41 AM

عندي لكم شي ثاني

مرة كنت قاعدة وجافسة رجولي على اطراف الكباتة (الخزانة ) في المطبخ قاعدة أقول لأخوي تعرف تسوي مثلي فجأة طحت على الأرض وقاموا يضحكون علي وأني اصيح

**محبة ال البيت** · 05-11-2004, 10:33 AM

السلام عليكم ورحمة الله وبركاته
اللهم صل على محمد وآل محمد.. مبارك عليكم الشهر واعاده الله عليكم بالخيرات والبركات
الموضوع صار شوي قديم بس مومشكلة .. طبيعي وحده اذا تدخل المطبخ وتكون مبتدئة فيه تخطأ كثير وتصادفها مواقف مؤلمة وبعضها طريفة ومضحكة وانا كفتاة بدات حياتي بالمطبخ بطبخة والطبخة فشلة لان انا كفتاة ماجربت المطبخ الا قليل بذاك الوقت المهم دخلت المطبخ وجربت اسوي بيتزا وكلم مره يكون فيها خطأ وتفشل والكل كان حاط امله في ولكنهم يأسوا وبقيت متفائلة وصرت اتعلم الى ان نجحت في اعدادها والان اعد الطبخات مع امي ومسامحة طولت عليكم

**يعرب حمامه** · 06-11-2004, 06:39 AM

أخواتي الكريمات السلام عليكن ورحمة الله وبركاته
هل لنا ات نتعاون على كتابة جديدة في هذا المنتدى لنفيد ونستفيد مثلا
نكتب كيف نحضر طبخة معينة ومن ثم نبدا ونتحاور كل بما يعرف عن فوائد عناصرها لصحة الانسان وايضا يجب ان لاننسى فقراؤنا بان لاتكون طبختنا فقط للاغنياء
وفقنا الله

***بتول*** · 06-11-2004, 06:59 AM

موضوع حلو مررررررررة انا مرة صار لي موقف الله يعني وما تضحكون علي ضحكوا شوي يعني بس لاتزودونها

مرة انا داخلة المطبخ ومطبخنا رخام مهوب مفروش يعني وكانت الخدامه توها منظفة الأرضية ورطبة شوي طبعا وانا داخلة ما ادري (مسكينة والله فقيرة)
زلقت وبغيت اطيح >>>>>(بسم الله بدوا يتطنزون)>>> بس ماطحت الحمد لله

طبعا انتم عارفين لما الواحد يزلق ياحاول يتوازن عشان مايطيح صح؟؟

وكيف يعني يرفع يدينه بشكل كنه يرقص (تخيلوا شكلي يعني)

المهم دخل الوالد وشافني وحسبني ارقص

(في احد يرقص في المطبخ لا وبدون سبب كيف تجي هذي؟؟؟؟

)

طبعا الوالد قام يتحمد ويضحك علي

(انا طاح وجهي وانحرجت

)

وووبس هذي كل السالفة عسى بس ماطولت عليكم وسويتها رواية

نسألكم الدعاء

والسلام عليكم ورحمة الله وبركاته

**عاشقـ الحسين ــة** · 15-11-2004, 07:28 AM

مشكورة عزيزتي على الموضوع الحلو ..

بصراحة كل انسان يتعرض لموافق مضحكة و محرجة ..

اما احنا البنوتات .. اغلب المواقف تصير لنا .. في وين؟؟

اكيد في المطبخ

اتذكر صار لي موقف اهو ما يضحك بس حبيت اذكره لكم

مرة كنت قاعدة احضر العشى لأخواني .. و خبركم يعني الجنس الخشن ما يساعد
في شي .. و انا وا علية .. كل شوي اروح اعطيهم صحن ..

بقى صحن الشوربة .. و اهي ساخنة وايد .. و رحت بسكبها في الصحن
و كنت ماسكة الشوربة بيد و الصحن باليد الثانية
و من العجلة .. رحت اسكب الشوربة على يدي ..
ولوووووووول

مؤلم هالموقف مو

طولنا عليكم .. يالا

سلااااام
عشوقة

**خادمة الزهراء (ع)** · 15-11-2004, 07:56 AM

السلام عليكم ورحمة الله وبركـــــــاته

أني صراحه ماأدخل المطبخ ولا أعرف أطبخ

لكن بذكر لكم موقف صار لي مع مديرة مدرستنا في صف ثالث متوسط

هو أن كان يوم مسوين في المدرسه أحتفال وكنت أني وصديقتي واقفين بجنب غرفة المدرسات وفي المقابل غرفة المديره

طلعت المديره من غرفتها وأشرت علي وقالت نادي ابله .... وكنت أدري أنها تقصدني لكن بحركه بديهيه عطيتها ظهري وكملت سوالف مع صديقتي

والمديره أنحرجت ودخلت غرفتها ومن هالموقف كرهتني

أأسفه على الإطاله

خادمة الزهراء (ع)

**محبة ال البيت** · 24-11-2004, 03:49 PM

الشيء الرائع والاحلى ان هذه المواقف تبقى معنا كذكرى فالآلام المصاحبة مع كل زلقه وطيحه نتعلم منها وتفيدنا بالمستقبل

**~*ريحانة*~** · 25-11-2004, 04:11 AM

المطبخ ...؟؟!!
لي في كل زاوية منه ذكرى وخاطرة .. وهذا ما جعلني الان ملمة بكيفية طبخ الاصناف المختلفة واثار الحروق الصغيرة تشهد على ذلك .. اقصد شهادة الجميع تشهد لي بالمستقبل الزاهر في مجال الطبخ

إعـــــــلان

للاشتراك في (قناة العلم والإيمان): واتساب - يوتيوب

مواقف وذكريات طريفة في المطبخ

مواقف وذكريات طريفة في المطبخ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين