تويت
قصيدة في حق مولاتنا الزهراء ع كتبت والقيت في العراق 30/5/2006
يمصاب البتول اليهد ركـــــن الكون
يمصاب الكسر عين الشمس وارمد
نوّج للمنية بكســــــــــــــرة الظلعين
سهم النايبة وحيل الطهــــــــر منهد
شيهود الونين ويخمد العبـــــــــرات
تنفض بالمدامـــــــع جمـــــر مايبرد
صّبت من صدرها ودم ملــه الجفين
اتبارﮒ عالارض فيضهه واتوســـد
حنه ظهر الحسن واتلاوه ضيم حسين
وعين الحرة زينب بالحزن من صد
زلزال الارض جار وعجب من جار
اشلون السبعة فوﮒ السبعة ماتنهد
ياويل الدمــــــــــع لو ماتصبة العين
وايجور الونين ويخمش اعله الخد
اشحال ام الحسن من رفعت الجفين
والباري الخلـﮓ صاحت يباري اشهد
حرمة بلا ذنب مصيوبة طفلي انصاب
وبعتبة الدار الغدر يـــــــــــــــوم اعتد
عجبة اعله السمه ماصب غضبهه اشلون
لاﭽبدة انفطر لابرﮒ لاارعــــــــــــــــد
عفيه اعله الشمس ماغربّت واشلون
يطلع كل نجمهه الظلمه وبـــــــــلا عَد
لاريح التجور وتغبر اعله الكـــــــون
لافيض اللبـﮓ حيف ويصده الســـــــد
السماوي