يــــا هـلا باللي عـيوني مــا تملـه
مـــن لنــا غـيره بها الدنيـا حـبايـب
منزلـه في خـافـقي مــاحدٍ وصـلــه
جـيت لـــه في لهفتي حـاضر وغـايـب
لـك حـبيبٍ صــار طيفك مـثل ظـلــه
مـثل وصـل العشب مـــع ديم السـحايب
صـب عـشـقك فـوق جـمـر الشوق كله
ليــن يصبح مـــن لهيب الشـوق ذايـب
كــــل دربٍ في شـــراييني تـدلــه
لا تقول انــك عــــن التعـذيـب تايـب
سـيف هـجـرك في عـتابـك لا تسـلـه
يــا بعـد كــل الحضور اطـف اللهـايـب
تـعـقـد حـجـاج الزعـل والا تحــلـه
هـاجـسك لو غـاب مــن سـبـع العجايب
يــا حبيبي لـك مــع الغـيبات طـلــه
والنهــايــة جـيت لـك وانــت السبايب