تويت
جيتك يل قبر/مابين السائلة والموتى/قصيدة ل:فاديا الخفاجي
جيتك يل قبر
شعر: فاديا الخفاجي
جيتك يل كـَبُر بـَلكي انته تحجي*عن كل اللي ماعندي علم بي
شنهو البرزخ ؟اوشنهو نعيمه؟*ياهو اللي الكـَبُر نار اوتـِشـِب بي؟
ما معنى اللحد؟شنهو حِسابه؟*منهو اللي تـِحِبَّه اومنهو تاذيه؟
كـِللي يا كـَبُر...خبِّرني لعلوم*خبرني كبـُل لا انطمُر بي
كللي الجوع ويَّه العطش اشلون؟*كللي الميت الصالح تـِرَوّيه؟؟؟
كللي الدّود في اكلـَه للأجساد *اونخره اعظامهه,إلميت يحِس بي؟
كللي يا كبر ,كل ملك ايطوف*المن يطلب الرحمه التنجيه؟؟
كللي يا كـَبُر كيف اب ظـَلامك؟والوحشه ال تـِحَيْر إلمـَيِّت إلبي؟؟؟
كللي يا كَبـُر هل ميِّت البيك*هم يسمعني من آنه أحاجيه؟؟
يللي بالكبر رد او تـِكـَلَّم*سمع هل خلـَك بـِللي تـمُر بي
(ثم تكلم الميت الفاسق بقبره وقال):
يا خيتي الكَبُر ظـُلمه معَ احزان*عل ماضي اللي فات او ديني هـِملـَيت
خَيتي الزاد تقوى او شـُربَه ايمان*بس كم ركعة اريد ..آنه تـِأذّيت
ماكو واحد إمخلَّد ..تره الموت*دوَّر اولـِكاني ,اوغفله وَلـّيت
ماحسّيت بالحسرة إلى الموت*اوشوفي... هاذه كَبري صار إلي البيت!!!
حُفرَتْ نار يا خيتي تـِحَوَّل*تارك للصلا ..للزنا رِكضَيت
آذيت الخلـَك ,ضلـّيت ال أقوام*كل شي من حرام إب بطني حطـّيت
اوداضوك العذاب أصناف هـَليوم*جـَيف الدنيه نادت وآنه لبـّيت
لو عندي عقل ماجان حالي*بس فسق اوضلال اولـَيما ملـّيت
اوكلما أسمع الوادم تـِأذِّن*كل صبح او مِسا جـَنّي مَسِمْعَيت
لو عندي عقل مثل الاوادم*جان إلصوت رَبنه آنه حـَنّيت
بس سَولـَتلي نفسي اتبع بل أهواء*بالتالي النتيجة النار طـَبّيت
لـَتصيرون مِثلي اوتوبوا ياناس*بالدنيه ضِحَكت ..اوهسَّه ونـّيت
(اتجهت الى قبر آخر):
ونته يا كـَبُر ياهو انطـُمَر بيك؟كللي يا كـَبُر ...بالخوفـَة حـَسّيت
صاح ال بل كـَبُر :ياخـَيتي أمني*الله اشتاق إلي اوللموت ناديت
كـِتلـَه يا مـَلـَك بالموت أقبـِل*أرد الكـَه الاهي...الدنية كِرهَيت
ماتكفي الصلا,ماتكفي دعواي*أرد الكه حبيبي ...الله .. وإمشَيت
كل عمري كِضـَيتـَه اتبع بل أنوار*آل المصطفى العِدْهُم تـِرَبّيت
جـِنتْ انطـُر مماتي اغروب واشروق*و الكـَهْ احمد وَخيَّه اوآل هل بيت
وإصْبَرْت إعلى سوء إلحال كل يوم*مافـَوِّت فـَرِضْ ...هسه تـِهَـنّيت
كَبري مو كـَبُر...قصر إمن إل إقصور*إبكل مرَّه أصلّي يُبنى لي بيت
لمن جاني عزرائيل يقبض*ساعَتهـَه حِضـَر كلمن تـِوَلـّيت
اوياهو اللي يـِشوف إكباله هل آل*وإيريد إلحـَيا ؟؟؟ شنهو آنه جَنـَّيت؟؟؟
هاذ المصطفى إيزور إللي حَـبّوه*وإلزاروا حُسَين اوكل أهل بيت
كم دعوة يـَخَيتي ..الله!!!رَحمة*كـَد كثر الدُعا بالنعمه غـَطـّيت
ابْحُبْ إلمصطفى اوآلـَه وإلاهـَه*ضـُمني إقصور في جـَنـتْ الله مو بيت
جيتك يل قبر
شعر: فاديا الخفاجي
جيتك يل كـَبُر بـَلكي انته تحجي*عن كل اللي ماعندي علم بي
شنهو البرزخ ؟اوشنهو نعيمه؟*ياهو اللي الكـَبُر نار اوتـِشـِب بي؟
ما معنى اللحد؟شنهو حِسابه؟*منهو اللي تـِحِبَّه اومنهو تاذيه؟
كـِللي يا كـَبُر...خبِّرني لعلوم*خبرني كبـُل لا انطمُر بي
كللي الجوع ويَّه العطش اشلون؟*كللي الميت الصالح تـِرَوّيه؟؟؟
كللي الدّود في اكلـَه للأجساد *اونخره اعظامهه,إلميت يحِس بي؟
كللي يا كبر ,كل ملك ايطوف*المن يطلب الرحمه التنجيه؟؟
كللي يا كـَبُر كيف اب ظـَلامك؟والوحشه ال تـِحَيْر إلمـَيِّت إلبي؟؟؟
كللي يا كَبـُر هل ميِّت البيك*هم يسمعني من آنه أحاجيه؟؟
يللي بالكبر رد او تـِكـَلَّم*سمع هل خلـَك بـِللي تـمُر بي
(ثم تكلم الميت الفاسق بقبره وقال):
يا خيتي الكَبُر ظـُلمه معَ احزان*عل ماضي اللي فات او ديني هـِملـَيت
خَيتي الزاد تقوى او شـُربَه ايمان*بس كم ركعة اريد ..آنه تـِأذّيت
ماكو واحد إمخلَّد ..تره الموت*دوَّر اولـِكاني ,اوغفله وَلـّيت
ماحسّيت بالحسرة إلى الموت*اوشوفي... هاذه كَبري صار إلي البيت!!!
حُفرَتْ نار يا خيتي تـِحَوَّل*تارك للصلا ..للزنا رِكضَيت
آذيت الخلـَك ,ضلـّيت ال أقوام*كل شي من حرام إب بطني حطـّيت
اوداضوك العذاب أصناف هـَليوم*جـَيف الدنيه نادت وآنه لبـّيت
لو عندي عقل ماجان حالي*بس فسق اوضلال اولـَيما ملـّيت
اوكلما أسمع الوادم تـِأذِّن*كل صبح او مِسا جـَنّي مَسِمْعَيت
لو عندي عقل مثل الاوادم*جان إلصوت رَبنه آنه حـَنّيت
بس سَولـَتلي نفسي اتبع بل أهواء*بالتالي النتيجة النار طـَبّيت
لـَتصيرون مِثلي اوتوبوا ياناس*بالدنيه ضِحَكت ..اوهسَّه ونـّيت
(اتجهت الى قبر آخر):
ونته يا كـَبُر ياهو انطـُمَر بيك؟كللي يا كـَبُر ...بالخوفـَة حـَسّيت
صاح ال بل كـَبُر :ياخـَيتي أمني*الله اشتاق إلي اوللموت ناديت
كـِتلـَه يا مـَلـَك بالموت أقبـِل*أرد الكـَه الاهي...الدنية كِرهَيت
ماتكفي الصلا,ماتكفي دعواي*أرد الكه حبيبي ...الله .. وإمشَيت
كل عمري كِضـَيتـَه اتبع بل أنوار*آل المصطفى العِدْهُم تـِرَبّيت
جـِنتْ انطـُر مماتي اغروب واشروق*و الكـَهْ احمد وَخيَّه اوآل هل بيت
وإصْبَرْت إعلى سوء إلحال كل يوم*مافـَوِّت فـَرِضْ ...هسه تـِهَـنّيت
كَبري مو كـَبُر...قصر إمن إل إقصور*إبكل مرَّه أصلّي يُبنى لي بيت
لمن جاني عزرائيل يقبض*ساعَتهـَه حِضـَر كلمن تـِوَلـّيت
اوياهو اللي يـِشوف إكباله هل آل*وإيريد إلحـَيا ؟؟؟ شنهو آنه جَنـَّيت؟؟؟
هاذ المصطفى إيزور إللي حَـبّوه*وإلزاروا حُسَين اوكل أهل بيت
كم دعوة يـَخَيتي ..الله!!!رَحمة*كـَد كثر الدُعا بالنعمه غـَطـّيت
ابْحُبْ إلمصطفى اوآلـَه وإلاهـَه*ضـُمني إقصور في جـَنـتْ الله مو بيت
تعليق