إعـــــــلان

**جعفر الموسوي** · 05-01-2009, 06:04 PM

[quote=السيد ابو الفضل]السلام عليكم اخي وابن العم جعفر الموسوي

في البداية انا رادود حسيني واطلب منك طلب

وهو ان تسمح لي ان اقوم بقراءت هذه القصائد

الحسينيه الروعة هذا وجعلها الله في ميزان حسناتك

مأجور ادامكم الله لخدمة الحسين ونصرة الدين والمذهب[/quote

تامر اخوي ابو الفضل الغالي
ورحم الله والديك

وماجور مولاي

ولكن عندي رجاء تقول

الشاعر سيد حسين العرداوي الموسوي]

**جعفر الموسوي** · 05-01-2009, 06:09 PM

المشاركة الأصلية بواسطة على الجريح

فكرانته وعقيده ونور وانهار
يسمس الماطفت لاليل ونهار
انهدم كلما بنا اليخشاك ونهار

على راسه وتظل انته القضيه.....................ياحسين

احسنت واجدت اخوي

العزيز الغالي

على الفاضل

ورحم الله والديك

**جعفر الموسوي** · 05-01-2009, 06:28 PM

واقعة الطف

أنا لم أرى طف الحسين
لكني رأيت طف العراق
***

صح اني بحلم وبچفي الطفوف
لچن اعليه واجب أنصر الدين
على جيش النصاره اكتبت الاحرار
وكتبت اعله الكفر جيش الملاعين
وعلى صوب الشريعه ثنين خليت
زينب أولاً والثاني الحسين
واذا تسألني ليش انطيك الجواب
لجل عباس يوگع بين الاثنين
وخليت الزجيه بصوب الحسين
حتى بنص حظنهه يغمض العين
وجبت أم البنين بصوب عباس
لجل يغفه بحظنهه ابلايه چفين
ولأن كفره الرضيع تذبحه السهام
بدلت السهام اني بقرائين
ولجل تدري العليله بحال العيال
جبتهه الكربله بنص الميادين
ولأن تشهگ رقيه بشام الانذال
طعنت الشام بنواع السچاچين
ولجل ما يخطي سيف حسين الرگاب
على ارگاب الكفر صغت الشياطين
ولميت الصبر من گلب الايتام
وللحوراء سلمته بوصل دين
وخليت الفرات يطوف الخيام
وعلى اشفاف اليتامه يحط نياشين
ولأن ما ريد خد الحر ع الرمال
تحت خده افرشت ورد ورياحين
ولأن بحسين عابس صار محنون
دعيت الله يحطني اويه المجانين
ولأن وهب المسيحي بصوب الانصار
قدست الصليب النصرت الدين
وتحت جسم النصاره افرشت الورود
حتى اعله الورد تغفه الميامين
ونيمت النصاره وأني فزيت
من حلمي الگلب كل الموازين
ونفس حسين شفت اعراقنه اليوم
لا ناصر أله اولا واحد يعين
هذا الحظنه دافي ويجمع الناس
هظيمه اولاده بحظان الجوارين
هذا الما قفل المضيف لحظات
ولا بردت گهوته البلفناجين
أبو الخيرات هذا شلون ترضون
نص شعبه يتامه ونص مساكين
مو ذنب الشعب صدگوني والله
الذنب معروف برگاب السلاطين
ردناهم يشبعون اليجوعون
وينسونه المرار وتعب السنين
ما قصرو شبعونه لچن بيش
شبعونه بصورهم عل حياطين

**جعفر الموسوي** · 05-01-2009, 06:49 PM

ابد والله ما ننسه حسيناه

وا حسيناه

على شفت الزمن جرحك نزف أهات

وبجف المنايه أحروفك مرايه

وراسك جف شمس يزرع ضوه أعله الناس

ويخضر كرامه وموقف وغايه00

حجمت القدر من كلت لا00يحسين

وبعين الوكت حطيت سلايه

وعليت المجد بالواحد وسبيعين

وطاح السان صوتك عالضمير أيه

رتلت النصر 000

والموت رتل بيك صوت الدم

وظل صوتك عطش والناس تبراله

أنته حسين

جرحك من نزف خله المنايه أتصيح

أنته أول جرح يتعنه يم السيف

ويغسل دم ركبته بسيف جتاله

أنته حسين 00

دم كل كطره من صبرك وشم عالكاع

وأعليهه الركاب الحره مشايه00

يمن دمك علك بيد الحياه والموت

وعلى كصته المجد حط موقفك رايه

يلراسم أبصبرك لوحت التاريخ

مد00روحه أعله طولك من طحت جبريل

وجاب القيم كلهه وكالك هايه

أنته حسين00

صوتك دم 00صوتك بالضمير يدور

ينبض 000لا

يرسم لا000

يكتب لا000

وي كل 00 دمعه طاحت من جفن تعبان

وي كل جف يبس بس ظل خجل غركان

وي كل 000قفل زنجر بيد هذا00وذاك

ومالوث ضميره ونام عالبيبان

وي كل 00رمش يحلم بي شعب جوعان

وي كل لا0000صوتك ظل فرج مشدود

بعيون السجين وخزرت السجان

وي كل 0000أمل مات أبداخل الأنسان

وي كل 00000حرف رتل بي جبرائيل

بالتورات

بالأنجيل

بالقران

أنته حسين 000

صوتك دم

لهسه يصحي بالوجدان بس هذا الزمن حالم

لهسه أيثلم الخانوك 00

ويكسر صفنت المظلوم والظالم

يدك أبروس من عافوك000من جهلوك

والظنو000قضيتك حنت القاسم

صوتك دم 00

يدور أبكل سكون أبظلمة التاريخ

ويأشر على السهران والنايم

يترس كل أذن من صفحت الأجيال

ويفرزن غوه الجلاد والحاكم

يعبر على أشفاف الماي

يعطش مايجيس الماي

يرسم شوك000صوتك يشرب الوادم

يجر أمن العطش خوفه بألف عباس000

والعباس واكف عالجرف يتنطر القائم

صوتك دم00

يصيح حسين

يخيط شفت الدنيه وتصيح حسين

صوتك دم00يظل للموت

يتفجر غضب ويصير00

صرخه أبوجه كل طاغوت

يلبسنه000ويلبسنه رفض من كربلائك 000لا

وأحنه أصواتنه أبلا000صوت

يعبرعالزمن ويطوف بالأصلاب

يكسر شوكت البسكوت

يترسنه صبر من زينب الحوراء

ويفجر صبرنه وعالمنايه أنفوت

ينفخ بينه روح الثوره وكت الغيض

ويطلع شعبنه 00ويشك بطن الحوت

يشطب عالبس ثوبك رياء000وزور

أوصله بسبحت الياقوت

يسحك على خشم الطابخ أبعاشور

والشيطان كله أبكصته منحوت

يكسرعين كل ظالم 00شبع بس شعبه ظل جوعان

ودنك000راسه لجل القوت

صوتك صوت 00

أي يحسين

وأحنه أصواتنه أبلا000صوت تتلعثم

مد00جفك علينه وشيل جف الموت

طف ثاني بده

والدم غرك بالدم

**جعفر الموسوي** · 05-01-2009, 07:10 PM

السلام عليكم

هذه القصيده

قرأها العام في شهر محرم

واليوم لم يشارك في مهرجان الطف

لآنه فارق الحياة

عين الله علي وبي باس باس الله
وبذني الصفات اتميز اعله الناس
ولجل يضمن حضوره بواقعه عاشور
برحم طاهر زرعهن كون العباس

ويتامى اعيون حيدر صبن ادموع
على جفوف الكمر لحضه فطامه
ابمغزى ادموع ابوه احتار عباس
لجن بالطف ضهر واضح امامه
ابوفه الجفين راده يحزم احسين
ويصير الماي لعيون اليتامه
مشه وشايل علم بس ياهو وياه
مشه وحيدر علي رافعله هامه
مشه ومهره البراق ودرعه جبريل
وملك الموت يكطر من حسامه
غضب لعيون اخيه ونفخ بالصور
وكلبهه المشرعه يوم القيامه
وثنين ابدنيتك شبعو عزرائيل
حيدر شبعاه جان وكفر وارجاس
ومن حيدر رحل سد جوعه ملج الموت
وسمن كلش سمن من رافك العباس
ورجف عضم النهر موبرد رجفه خوف
لان جان الوكت لابس جلد صيفه
رجف عباس اجاه جن موت شايل موت
حتى الموت يمشي ويوكف ابكيفه
اعله شين المشرعه شاف الشمر واشرار
وشوارب مهزله ومن كاعهم جيفه
هجم عالمشرعه وشكك حلكهه الشين
وسوه الباقي مرعه لرايته وسيفه
وقط ماشرب ماي ورادهه ابرهان
الهم نفس وحده ويثبت الايه
واثبتهه الكفيل ان بكيانه حسين
وصيح العكس قرهه العلكمي ومايه
العلكمي مرايه ودمك العباس
شاف حسين من دنك عالمرايه
ومحزم بالوفه وشايل لواء حسين
وشبن عالشجاعه وشابن اسنينه
وبارض الطف جريمه يشوفهه يجر سيف
على اشباه الزلم يتعبهه جفينه
لذلك علشريعه الموته صفره وجوه
لابيهم جرح لاطعن جفينه
اذن جان بخزرته ايحارب العباس
ولهذا السبب صابو نضر عينه
الشمس راسه واجدامه المشرعه الضرغام
الشمس مااقتنع بالهامه مصيوبه
اصدك بحاله وحده الكمر راسه انصاب
الا الدنيه جانت هيج مكلوبه

للدكتور المرحوم عدنان الركابي

**جعفر الموسوي** · 06-01-2009, 09:16 PM

اذا عندك دمــع لا تبخل اليوم
لان دمعك ذخر يوم القيامــــه
اذا قطرة دمع تبچيهه لحسين
صك غفران الك وانته ابسلامه

__________________

**جعفر الموسوي** · 06-01-2009, 09:29 PM

النبي جدنه اوخوارج انسبونه
عكبكم لو ولونه وانسبونه
واذا داسوا جثثكم وانسبونه
حرم منهو اليرد عنه الاذيه

على لسان العقيله ع

**جعفر الموسوي** · 06-01-2009, 09:36 PM

الگلـــب عطشان يروى ... من نداهم

واحس الـــــــروح ذابت ... من نداهم

عطاشى اطفال... يتامى عيال

تحير البال ... اليحب وفاي

نجيب الماي ... واقر بهاي

وحگ عبـــاس نقسم ... من نداهم

نخلي الروس تسجد عل الوطيـــــــه

**جعفر الموسوي** · 08-01-2009, 08:26 AM

اذا عندك دمــع لا تبخل اليوم
لان دمعك ذخر يوم القيامــــه
اذا قطرة دمع تبچيهه لحسين
صك غفران الك وانته ابسلامه

__________________

**جعفر الموسوي** · 08-01-2009, 08:27 AM

ابوذيه لمولاتي السيده زينب
عليها السلام

وحگ من بالطفوف نذبح شبله
دليلي بالحزن والنوح.... شبله
الرضيع الي سمع بلواه. شبله
وزينب تشتكي لرب البريه

**على الجريح** · 08-01-2009, 09:35 AM

احسين الفكد اولاده وشبله
بليه الماجرت لحد وشبله
احط بالكلب جانونك وشبله
دمعاتي الصفت نيران هيه

ياحسين......................................