تويت
يا مسلم ألليله *** وكل ليله ذكراك
نارك تشب بينه *** وبيها تچوينه
وكل ليله ذكراك
1- مسلم يامرسول الديانة والدين
يبن الرسالة يا مبعوث الحسين
ذكرك يمسلم بالگلب عاش أسنين
ولمن يمر ذكرك يصب دمع العين
* واللّيله يامسلم *** بالحزن ننعاك
ياسيدي ألليله *** همك ثگل شيله *** وكل ليله ذكراك
2- چم عام مر أعله المصاب وچم يوم
أسنين مرت لاچن أعلينه أيحوم
سهمه ألمصابك بالگلب عايش دوم
والليلة يامسلم يصب دمع ادموم
* يامسلم وعينك *** لا ما نسيناك
مهما تمر الأيام *** وتتكاثر الأعوام *** وكل ليله ذكراك
3- للكوفة يوم أتوجهت واتعنيت
وسرت أعله درب الطاهرين أل البيت
بقوه وعزم أتقدمت ماذليت
أي يا سفير حسين بالدم ضحيت
* جابهت عدوانك*** وبعزم يمناك
وناصرت والينه *** يامسلم ودينه *** وكل ليله ذكراك
4- مسلم ينور أعيون كل الأحرار
تشهد عليك الكوفة بالصار ودار
حين أبرزت بيدك يلوح البتار
نكست روس أهل ألعماله الأشرار
* سيفك فتك بيهم *** والنوة يدناك
منه اگعت رأسه *** وانطيته لرجا سه *** وكل ليله ذكراك
5- تشهدلك الحرة الامينه طوعه
حين اللفت أهل الشرك مجموعه
گالت مثل هذا الشجاع أو نوعه
مامش وأريد احچي بصدق موضوعه
* من هجمت الأشرار *** وأخبرته أعداك
گال انه ابن حيدر*** وميهمني العسكر *** وكل ليله ذكراك
خادم أل البيت الشاعر أبو أيمان المجراوي
تعليق