تويت
حسين حسين ** اسم ربي العلي اختاره
حسين حسين ** ضريحك ترجف اكتارهحسين حسين ** حسين حسين
********************************************
اشوف الكاع *** تمد ذراع
تخاف تطيح ***** تصيح اسم الله من تعثر
تدنك ليك *** تحب رجليك
تصيح حسين ***** اضمك لا تظن اكدر
يفز لتراب *** لون تنصاب
غبار يصير ***** صبح مهره وركض بالبر
يبن ياسين *** اصيرن طين
وهل ادموع ***** اواسي فاطمه الكوثر
حسين حسين ** صفت حتى الارض تلطم
حسين حسين **شعر تكــــــــتب الك تنظم
حسين حسين ** حسين حسين
*********************************
سمعت الريح *** حسين يصيح
ينوح بصوت *****يشك ثوبه لون تبعد
وحك عباس *** يحلف الراس
يفتح العين ***** يرد فوق الجسم يكعد
لون عطشان ***اصب نهران
واعصر الغيم ***** لاجل ما تمطر وترعد
اجيب الماي *** الك مولاي
واصيحن حيل ***** عجزنه وما كدرنه نعد
حسين حسين **** على كل الارض فضله
حسين حسين**** ابد ما ينخــــــــلق مثله
حسين حسين **** حسين حسين
*********************************************
رماد النار *** صفت لاشجار
عليك ينوح **** غصن سدره انحنى وباسك
ورق صفصاف *** ترى من شاف
رمح بي نور **** كطع روحه ولمس راسك
عتب عل كون *** يصيح شلون
ذبيح تصير **** محمد جــــــــــــدك وساسك
يون بعتاب *** حسد لتراب
سبط طاها **** يهـــــــــــــــــنيالك لان داسك
حسين حسين **** اعاين للجذع يسجد
حسين حسين **** نعى امك وابوك وجد
حسين حسين ***** حسين حسين
********************************************
شمس عاشور *** طفت والنور
تبدل ليل **** لبس اسود نزع صـــــــــــــبحه
واظن لغروب*** صرخ مصيوب
مصاب حسين **** صبغ حتى السمه بجرحه
تون لنجوم*** على المظلوم
صفت دمعات **** خــــــــرز ونلظمت بسبحه
فجر لطلوع *** لطم لضلوع
بياض الخيط **** غمض عينه ورفض يصحه
حسين حسين **** يصلي كل فرض باسمك
حسين حسين **** شفت فوق السمه رسمك
حسين حسين **** حسين حسين
***********************************************
دمع لجبال *** جمر ينسال
على الوديان **** حرق حتى الزرع ناره
لهيب يسيل *** حجر سجيل
شفت بركان **** رسملك بالســــمه مناره
بمن سواك *** قسم لولاك
يطيح الكون **** رحمتك حافــــظه اسراره
يريد يطيح *** تهزه الريح
رجف مرعوب **** يقدم لفاطــــــمه اعذاره
حسين حسين **** جبل محني الصخر يعتب
حسين حسين **** يظل لاخر زمــــــن يندب
حسين حسين **** حسين حسين
تعليق