تويت
إذامو انامـهدي وإنتّ مـهدي تـصير
لـو يطــلــع المهدي المـهـدي ما يطلع
هذان البيتان
منتهى الروعه في التعبير
لـو يطــلــع المهدي المـهـدي ما يطلع
هذان البيتان
منتهى الروعه في التعبير
-
-
حياك الله الاخ العزيز اوراس وشكرا لمرورك الطيب والعطر
ونعم هاذين البيتين قمه بالروعه للمبدع نائل المظفر وفقه الله لكل خير
وشكرلمرورك مره اخرىتعليق
-
بسم الله الرحمن الرحيم
اللهم صل على محمدٍ وآل محمد الطيبين الطاهرين وعجل فرجهم ياكريم
واهلك أعدائهم من الأولين والآخرين إلى قيام يوم الدين آمين يارب العالمين .
السلام عليكم ورحمة الله وبركاته
بوركت أناملك الدهبية أخي علي الجريح وجعلها لك في ميزان حسناتك .
والله يفرج عن العراق الجريح وعن جميع الشعوب المضطهدة في البلاد الإسلامية
بحضور القائم المؤمل والعدل المنتظر الإمام الهادي المهدي (عج) بحق محمدٍ وآل محمدتعليق
-
السلام عليكم ... الاخت زهرة النبراس شكرا لمرورك العطر وشرفتيني .....
وشرفتي الصفحه اختي .... بارك الله بك....تعليق
-
اختي الغاليه وبنت ولايتي كربلا المقدسه......
ارجو المعذره اختي على الاشتباه بالاسم فعند قرائتي لاسم اوراس تبادر الى ذهني انك ذكر
ومن ثم تبين خلاف ذالك فااكرر اعتذاري واسف جدا.........تعليق
-
احسنت ايها الاخ المبدع
تعليق
-
نورت الصفحه ابو جاسم اخي العزيز شكرا لك......تعليق
-
وهذا مقطع من قصيده للثورجيه اذناب الاحتلال......
راح اكعد واشوف افلام هنديه وحته البلد مااسمع بطاريه
انام واستجن مرتاح ولاظل للسجن ماخوذ يوميه
مادام الحجي بلا مستحه ومكشوف واولاد البلد صاروا ارهابيه
ومادام العله دينه نكر هالدين وحجي كوه صبح بيد الوهابيه
وبيد النصبوهم كوه الامريكان لجل المصلحه ولجل الحراميه
خل اهل البلد غيرته منه اتروح موكلش مهمه الغيره بالميهتعليق
-
السلام عليكم وهذه قصيده اخرى للثورجيه اذناب الاحتلال
شنعدد اجروح وياك ياوكت الغدر جندوب من انعد
واسهامك كَصت بكلوب كل الناس ومن سهمك ولاواحد كدر يشرد
الناس اتحملوك وطاوعوك بظيم وظلمك مو ظلم ظلمين يااسود
شجاك مسودن على الكون وبيبانك يدهر الغدر ماتنسد
طبعك عرفتك كل الخلك غدار ولايوكف بعينك والتريده ازود
بس صنفك تخبل مثلك وخاواك وضن اتدوم اله يادهر وتايد
ومارد لصوابه ونشد عالاسلاف ولاشاف الامم وحطامه اليشهد
ولك عاشك صدك اهل الرذيله وليش وياهم احزام اظهورهم تنشد
وك تشرد.... من الرادك تجي وياه واجه برجليه وبين احظانك اتمدد
شوجنك ولك تتوالف ويه الليل والليل انته رمحه وصوبنه امسدد
وحته النوم مانمناك يوم وراح بال النامك وكل ظنه يتنهد
ولامن فز عليك بهم بس ضدك وكف من شايل الجرغد
حيل ويانه طكاتك بعد شتريد شماتاخذ يدهر الغدر ماترد
لئن مو ناس احنه وياالف ياحيف والمابيه حميه وثلج ومبرد
تهيس بي رجه ياوكت يوم ايكوم وليل الجن عليه بجفوفه يتسرد
ويشمر ساعده بغيض ويكظ اصواب جرحه وجرح ناسه بهمه ويضمد
منهو ايشد جرحنه وجرح شمس العين ومنهو ايزيل ماي العين لو يركد
وادموع اليتم معذوره عالخدين جم دمعة حزن سالت على اشجم خد
وغربان السهر مهدوده نص الليل فوك اهمومنه ولوعاتنه اتزود
واحنه بكل مذله نخدم الغربان وجن نور الشمس بكبورنا اتلحد
من تسمع ولك صاحب تشك الثوب قراءن العظيم بكبره يتوعد
فسقت جم قرى عن امر للرحمان وجم راي اقتظح بيناته وهدد
الباري ايكول اذقناهم لباس الجوع والذل والبعده ذليل اشوكت يتنهد
بالك لاتطيح بجفة ابن ازياد ولبن هند اللعين اتصير اله مسند
همهم رادوا ايزيلون هذا الدين اودوا للكفر كل الخلك ترد
بس مارد ابونه وسيد السادات واصبح صوته صرخه ابينهم يرعد
وارهبهم ثباته او كفة الابطال واشلون على وكفة ليث نتعود....تعليق
-
وهذه قصيده اخرى للثورجيه اذناب الاحتلال؟؟؟؟؟
رادوا عمي ادينه انمدهه للناس ونتوسل غصب محنيه هامتنه
ونقدمه التحيه اجلا ل ا له واكرام للحايف الباكَ الظهر ظحكتنه
وحنت وادم اهواي وداست اهواي وسحك جابوهه حدهم باب عتبتنه
بتاره السيوف وتعله فوك الموت وياهو الاخو خيته ايجيس سلتنه
عدونه ماينام ودومنه طلاب ويظل مرعوب ميت خوف صولتنه
صحيح احنه ولك مر بينه يوم العوز ونكابر مستحه والناس لامتنه
وحملنه من الظلم انواع من هدام وماطاح اللعين ابغير حوبتنه
ومر بينه الحزن والماكَصه بانسان ومطابكَ امس واليوم ونتنه
بس مامشتكين ونشتكي فد يوم لوادمنه الرذيله تغيث لهفتنه
المن نشتكي وكل اليجيك ايزيد ويزيد المايريد انعيش فرحتنه
وصديقي لاشريف ولابنسله احرار وطبكَ ويه عدوي وعاف صحبتنه
تمرغ هالذليل من الجدم للراس على اقدام الامريكي الراد فركتنه
وسياف انتخه لعدواني نص الليل وملثم اجاني ابن ديرتنه
رادوني مثل مارادني هدام واخوتنه الامس هاليوم ذبحتنه
صح فرعون جان وجنه منه انخاف وطوابير عله باب الموت وكَفتنه
بس نعرف عدونه الظالم وسفاح وخسيس ومايراعي بيوم حرمتنه
وانتوا بلا فشل لامستحه بلا عيب كلكم رايدين اتموت عزتنه
احنه اسيوفكم وامريكا هاي اتشوف ياهو الباع للجلاد قوتنه
وياهو البيه حميه وغيره من عباس وصوت الحكَ يدوي وهاي هوستنه
ضنوا تنحني هاماتنه من الخوف خوف الله يتدفق بغيرتنه
وكلا ثم كلا كلا ياشيطان وكلا ياعدو الله ردتنه.......
وارجوا ان تكون مقبوله واعدكم بالمزيد باذنه تعالىتعليق
-
وهذه قصيده اخرى للثورجيه اذناب الاحتلال...... اللا سحقاً لقوم ادعوا المباديء الحسينيه وتركوها
من اجل كرسي من كراسي هارون عليه اللعنه والعذاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماحركوا اخيامك يبو السجاد وحنايه البيت ظلت ترهب اعداك
تشمخ بالفخر والهيبه لليوم وذليل ايعيش عمره الحقد ناواك
طحت مولاي بالطف وانته منصور وعليت اعله العلو لو راد يعلاك
وخسرت كله ضدك صابه الخوف ويكتله الرعب من يمر طرواك
الشجاع انته الوحيد العالي الزود لو هالدنيه كله اتريد تنساك
عدوانك امس ولاده اليوم على نفس الطريق اتعوف مسراك
هدت كله ضدك حقد واجرام والصابك امس هاليوم ينعاك
جانت تنخه بسمك جذب مولاي وجانت جذب تنخه اتريد تفداك
وجانت تنخه بسمك تملك بيوم ومن عوفك ابد يحسين حاشاك
ماتحتاج اخبرك بيه ولاي اسهام اعداك ابد مايوم تخطاك
يبن حامي الدخيل وحامي الجار يمن من تغضب انته اتدير الافلاك
تحله ويه العصاة الباعت الدين وتحله ويه الرعيع الباع دنياك
تعليق
تعليق