إعـــــــلان

**على الجريح** · 04-02-2009, 09:39 AM

.................................................. ..

ساكت للذبح مثل السنابل ليش ومن بعد الذبح ينتظرك المرواح
انته الشجعتهم من صرت خواف تقفل بابك وتنطيهم المفتاح
رب البيت ساكت والحرامي يحوف ورب البيت حيهم بالجذب ماصاح............................................. .

مقطع من قصيدة الشاعر المبدع مرتضى ال ياسين............................................. ...................................

**على الجريح** · 23-02-2009, 05:44 PM

السلام عليكم..................
وهذه قصيده اخرى للثورجيه اذناب الاحتلال.............

تدري طبع الدنيه يتحاشم عليك وتدري بيه الماله اول مايجيك
وهذا طبع الغدرتدري بهيده سكتاوي غفل من يعتنيك
وصابر انته وتنتظر عود المحنه بلكي منهم فد شريف يمر عليك
خمسه وثلاثين ومكَالب حجيهم ومنهو بيهم يستحي ويعرف اشبيك
خمسه وثلاثين تتنطر دربهم وماكو واحد يعتني برجلينه ليك
وهاي سهله اومو عجيبه يبيع كلمن دوني ساسه
وسهل جداً بيعته لفكره وحياته او لو تصح بيعه يبيع برخص ناسه
وهو ماجان اعلى مبدأ حته يثبت جان جذاب الصبح يطلع بفاسه
هاي من اجل الرياسه وباس جفين القرد لجل الرياسه
ماتدوم الشاطر اليعرف غمكَه والوضيع التيه الرجلين بالهوسه ويه راسه

**على الجريح** · 02-03-2009, 09:10 AM

السلام عليكم.............
صّـدّك يـاوطـن بـاجر أمـان يــصــيــر
بـاجـر كـلشي عندي وكلـشي ماعندي
بـاجر ماكــو عـبوة وماكـو مـحـتـليـن
ومـن جـف النواصـب يـنتـقم خـــدي
بــا جـر يـــاوطــن خـيـرك يـرد ردود
وتـرد الــدول مــن عــندك تــجــدي
باجر نـنـسـعـد بـس يمته باجر هذ؟؟؟
بـاجر يا وطـن مـن يــطـلـع المهدي!!!
وافرض ماطلع تبقه إعله هـذا الحال؟؟
وايـدك فوك خـدك والجــفـن يـدمــع
بيتــك بس إسم مو أنت تـحـكـم بيه
وتـخّلـي الغابة ضــلمة وبابك إمـشّرّع
وأهـلــك ناكَـتك والنـاصبـي الخـطـار
وتـريــد تــصـيـر حاتم بينه تـتـبـرع
وجا لك كَلب ضبـيه إمسّرّد من الخوف
وعـيون الذئا ب إعــلـه الكَـلب تـلمـع
وبناتـك صّـم لـحم وبـلا غـطه تخليــه
وجـيــرانك نـمـل من عـيـنهم يطلع
ونـها رك بـي لِـثـّك دم وبنات صغـار
لـحـمـهن با لـشـوارع جـمـلة يـتـوزع
واذا فات العصر عينك تــصـب غروب
واذا فـات الــهمر مــيّـة مـتر تـرجع
وتـسـكت ما تـثـور إتـّاني عبوه تثور
وأخوك إبـّـاب بـيـتـك لحـمه يتكَطع
ويـفـتـشـون بـختــك وأنتّ كلك عين
وتــصيح إبـإذانـك وإنـتّ مـــا تـفـزع
بـعـد شـيـسـوي يطلع قابل إيدليك؟؟
مـقـر أمريكي هـذا وبـيـدك المدفع!!
لـو يـطـلع يكَلك هايّ عيني وشوف؟؟؟
لـو يـسـمع مكانك خاف ما تسمع؟؟؟
لإمامك ماثرت والـقـبـة ذيـج تـراب
وهـسـه تصيح لإبنه تريـده إلك يفزع
إذامو انامـهدي وإنتّ مـهدي تـصير
لـو يطــلــع المهدي المـهـدي ما يطلع

وبعد شيصير أكثر وإنتّ تفزع عود؟؟؟
إشتسّوي أمريكا بيك وإلها ما تخضع
زنوا با للـيل بـأرضك والصبح باكَوك
ما هـمــهـم نـهـار ولا شمـس تطلع
وتوكـلهم لـحمتك وانت ميت جوع
وتـلـّبسهـم حـريـر وثـوبـك إمركَع
ولا تـدمع عـيونـك جـن ولا حـلبوك
وعـيـون الـنـفـط بـعـيونهم تدمع
ولا سـووك سـاحـة ودوله للإرهاب؟؟
ولا بعض البعض من بعضك إتبضع
كل شبرين بأرضك دولة صارت بيك
وكـل عشـرين مـسـلم قلِدّوا مرجع
وإذا واحـد يـكَـلـك إحنا متوحـدين
خـيـطـب لـلـشمال وبـي علم يرفع

لاتـصـفن بـعد والصـفنه إلك مَتلوكَ
كَـبـل تـزأر جـنـت والـكـون يتـصدع
إزأر مـو كـفر تسـتـاسـئـد الـجرذان
وألأرنب عــليـك شـلـون يـتـضـبــع
عراقي من الحرب معقوله كَمت تخاف
وإنـتّ مـن الـقذايـف بـيـتك إمرصع
جنت طـيـنة سـواتـر والله نافخ بيك
وعــضامـك شــضايا وجـسمك إمدّرّع
إرجع مـثل ألأول حـتى حـر تـعـيش
لـو مـوت بـمكانـك كـون مـاتـرجـع
قصيده رائعه للشاعر المبدع نائل المظفر..................
(منقوله من احد المنتديات)

**على الجريح** · 05-03-2009, 09:02 AM

السلام عليكم.......... وهذذ ايضا للثورجيه اذناب الاحتلال...........

تترجه اليتامه وحسبت العيد يجي يصابحه لابس ثوب الاحزان
وتوارت بالذبول وعد الايام ونجم العيد الهم دوم مالاح
اجه داير عليهم عيد الاحزان وبدل صوت الفرح صوت الحزن الحزن صاح
ضموا ارواحكم عني يغمان ابدي الخير رايح بيد ذباح
موعدكم خلص دون المواعيد وحزنكم مايهمني زيدوا النياح
انه بحضن الخسيس بحضن الارذال اتلوه بحضنهم وانه مرتاح
ابدا مااجيكم ونتوا الاعزاز ولاافزع لَكلمن يعثر وطاح
انه اليوم يومي بحكم الانذال ويوميه حكم يوميه سفاح
صاحت كله ملكي وياي للدوم وعيد اقصوري انته ودوم ماراح
وانه بقيد السجن وبقيد سجان وهمكم يايتامه اشلون ينزاح

............ وارجو ان تكون مقبوله............... واعدكم بالمزيد.......... باذنه تعالى................

**على الجريح** · 19-03-2009, 04:59 PM

السلام عليكم........... وهذه قصيده اخرى للثورجيه اتباع الاحتلال..........

جفت شمس العراق وظلت اغيوم اجن مطرن علينه اسموم ذني
وندري بالغيوم يفرح الكاع اجن قشمرن ناسي وقشمرني
اجن شبن الكاع بنار الاحقاد وكلبي احترك منهن سممني
بس ضعنك شريف بين الضعون وبس انته الشريف ومو هذني
مشت بالباطل مسيريه الضعون وانه اخلافك صفن مايمشي ضعني
مفخر للاجيال العصه والشيب وهذني البيك هنه الي كفني
وموبس ذني بيك الذهلن الناس والاذهلن دليلي وصفنني
شوصف بيك وانه اكبالك احتار يبو اطباع الجميله الحيرني
ريتك حاضر بالهوكت مولاي وتشوف اهموم كثره من الدهني
البلد مرتع واسير بايد الاجناب وتنيت اخيول اهلي وهاجمني
وسيوف التحده امس يمناي غضن عن عدوي وكطعني
عمن من خوفهن كدام الاجناب وبشطن بس عليه وبترني
وذلن للوضيع وساس كل عار وضناً دنكت خوف وعلني
لجن حلم الحليم اهموم واهات ومن انهض امكابر لولفني
بصولاتي انعرف يدرون الاوغاد بس صابر بصبري وزاد وني
بس انته التفضه ويه الفتن هاي وانته البيك ابد ماخاب ضني
خلافك كله موته وصابه العار وفارغ ظل زبيلي اشما ادني
الجبان ايضل جبان وزده جذاب والشجاع ايضل شجاع ومالوني
ولو كلهن لفني اسيوف الاوباش ماحركن سوري وحركني

وارجوان تكون مقبوله......................

**على الجريح** · 01-04-2009, 04:40 PM

السلام عليكم........... وهذ قصيده اخرى..... للثورجيه اذناب الاحتلال

اجت لينه وغزتنه بكل جحافله بشر لاعمي الاجت غابه
اجو ا واحنه نكلهم ياهله بيكم لسه ابن العراق يخيط اصوابه
اجونه وفرهدونه بحجة التحرير من حزب الظلال وذيج العصابه
ومثل ماهلهلينه بحب ابو عداي نهلهل لبن بوش وكلشي بحسابه
بويه موهذوله الشتتوا كل شمل بالاسلام وهذوله اليوم اجوك اليوم طلابه
تريد من اليهودي تامنه هالبيت واتريد الحمايه بصاية اكرابه
اذا مايرجع الدينار اله ضعفين واذا متم حمايه تكب الطلابه
شكد واهم غشيم وكلشي يمشي عليك وتغشم بروحك ها يبو عصابه
ظل مجد امريكا ومجد الدولار واليكلك غلط صير انته كصابه
واليكلك مخالب هاليهود اتطول انبش من تسبه حته مصبابه
التخاذل والغدر والخانه بكل يوم مو مسلم ولاهم كاشف انكابه
ولاواحد شريف يخون دين احسين بس الماله غيره ايضيع اتعابه

وارجوا ان تكون مقبوله............................................ ........................................

**على الجريح** · 12-04-2009, 10:14 AM

السلام عليكم....... تا______________بع..... لقصيده اجت لينه وغزتنه

واظنك ناسي نفسك والدهر دوار شتكول على الدهر لو دار دولابه
مادام الاذه ماوصل حد البيت ميهمك اذاً لو كافر بكل الوطن عابه
وميهمك اذا ثبتت قواعد خطة اسرائيل وتيه كل عراقي منين مهرابه
وباجر من تصير امريكا اهل الكاع وكل شعب العراق يصير سلابه
باجر هم تكلي خل تروح الكاع وخل ديني يروح وينطفي اشهابه
وباجر لو وصل هل الاذه وطب البيت هم باجر تكلي لاه لايابه
وهم كلش بسيط وخل يروح البيت المهم ماليه بين الناس طلابه
وباجر هم تكله لو اجاك الموت ربي ارحم العاصي واترك احسابه

وارجوا ان تكون مقبوله................

**على الجريح** · 16-04-2009, 10:09 AM

السلام عليكم وهذه قصيده اخرى لاذناب الاحتلال.....................

السفينه من تفج بالبحر تيار مامعقوله عشره الى يقودون
لو عشره تتيه تمشي ياصوب وماتمشي بثقه لمن يديرون
اذا ربان شاطر بيه تنكاد شريف بكل امانه يسهر العيون
واذا موشاطر الربان تنعاب ويسال على الراك التغرك اشلون
السفينه هالبلد والبحر هالناس ومانعرف بيا صفحه اليجرون
هذا الحجي لوعشره اليقودون شرايك وصل ميه وهم يزيدون
بس العكده منهو يفله ياحيد وماتنفل عكدهم من يأذنون
عجيبه ومشكله وحلت بالبلاد بلد دومه ذليل بقيده مسجون
تحل بي رحمة الله بس تره الناس تستوجب عقابه ويستحقون
البلد جهره وعلن والظهر ينباك قابل حايط انتوا وما تحسون
حته الحجر والجلمود اله احساس ويتفجر بماي وهم اله عيون
كضه عمره البلد يدفع بالديون وناسه الصابره بدم اليدفعون
كضه عمره ذليل ويشتكي العوز ومنهو المهتم بذوله اليعوزون
عجيبه وياصبر مر بهاالعراق وابنائه عجايب بي يكولون

وارجوا ان تكون مقبوله واعدكم بالمزيد

**محمد محمد صادق** · 28-04-2009, 04:14 PM

احسنت اخي العزيز على الجريح

**على الجريح** · 28-04-2009, 06:51 PM

شكرا لمرورك الكريم وشرفت الصفحه اخي العزيز

**على الجريح** · 30-04-2009, 05:55 PM

السلام عليكم............ وهذه قصيده اخرى لاذناب الاحتلال...........

ايسينه نعيش حريه بوطنه شكد بجينه وهم يصاحب ناطرينه
وضيعينه اهموم عدنه بلايه معنه شكثر بيه اهموم من كد ماحجينه
وحته ملتنه السوالف والدواوين الطويله شنذكر شكد بالسوالف سفطينه
ومالكينه احلول لهوايه مشاكل وكل حلول الناس صارت موش زينه
تعلمينه نذل وندنك الهامه وياكبر فشلتنه لمن دنكينه
ومستحينه.. فوك اقدام اليهودي اتمرغينه
وفوك حريتنه تتجتف ادينه
ولسه احنه البينه بينه ومو غريب الماخجل ويند جبينه
ولاغريب الخان دينه ولاغريب الشل ادينه وراحت تصافح يمينه
هذا مو اول بلاء يمر علينه ولااخير يلملم افلوله ويجينه
لسه تنزف غيظ ياجرح العراق وعالجروح انلمه كوه اتعودينه
شيبينه من الزغر واحنه بعمرنه ورد بس كل الاعادي مكطعينه
وياحسافه الورد ماتكمل بهجته وبالمقابر هالورد جن دافنينه
واشجنينه حته نتسمه الخوارج واحنه دين النبي احنه الهادمينه
لئن دوم ادروبنه بالدمه تجري ولئن كل ادروبكم شحت علينه
ولئن اهل الغيره والعز والحميه ولئن كا كافر عنيد امكاومينه
نمثل الارهاب سمونه من فتره لئن مامدينه ادينه وصافحينه
والله مانرضه اليهودي على العراقي يضل ذليل وهو يبحر بالسفينه
وبعد مانرضه بحكم بس حكم الله وغير طلعهتم بكلشي مارضينه
ولك خويه اشكبر فشلته علينه بنستله وجكليت احنه تقشمرينه
واليكول الصدك بس تصبح حكومه يجلي كل جيش التحالف مايجينه
انته منهم يالكلت تصبح حكومه وامن واستقرار همه مامنينه
ماسمعنه بناس ترغب للسلام نالت بلاسيف حكه البايكينه
وهاي ستين لفلسطين الحبيبهواحنه خنجرنه بضهره حاطينه
بعد هم ستين ياشعب العراق تريد هم كافر جديد يعيث بينه
لون هيجي الحجي جامابعد نحجي وبشيل نسوانه احنه اتشيلينه
وبالعبي نكبع مثل نوري سعيد ومو فشل من خوفنه نكبع عبينه............................................. .

وارجو ان تكون مقبوله.................. واعدكم بالمزيد باذن الله............

**هويدي العراق** · 30-04-2009, 09:05 PM

احسنت يا بطل يا ابو حسين

**على الجريح** · 01-05-2009, 08:41 AM

السلام عليكم
حياك الله اخي العزيز واهلا بعودتك وشرفت الصفحه وشرفتني بمرورك الجميل

**على الجريح** · 06-05-2009, 07:07 PM

وهذه قصيده اخرى الى الثورجيه اذناب الاحتلال................

تعذبنه وشكينه وطالت اسنين واجروح الحزن تلتم بالاحزان
وضماد الجرح بالذله كل يوم وشوصف واني احجي لياهو ماجان
تريت على الذله الناس والحيف تصد عينك تشوف اكبالك ابدان
برهبه تعيش هاي الناس كل صوب وي كل صوت تكصد صوب ميدان
موهمه رضوا لاعزه لادين وصدوا شرع طه بحيل شجعان
نفسهم رضوا فوك اهمومهم سيف ونفسهم ضيعوا كل ذيج الاديان
الناس اشبيه لو عدنه صدك ناس قيد الذله ماكسر بالايمان
الناس الزينه راحت بس بقت حيف المائله قدر بعيون انسان
الناس اتريد حاضر اله وتريد كل واحد طلب ويريد تيجان
الناس المنصدك والعدهه نوماس ماترضه بمذله وجرم تنهان
الناس المنصدك مارضت بالنار ولبست ثوب عزته على الاجفان
شنعدد يدهر الاسر والقيد نترجاك وانته بحيل طعان
بصدور الحميه ورمحك ابليس وبسهم اللعين الطلق نيشان
صوب احسين سدد حرمله وبيك فجع كل البريه بدمه الرضعان
ماهمه الضمه ولاهمته احسين كل ذيج الجموع الجنه طوفان
ماهمه رعيل ايتام واطفال ولاالاكبر ولامن بقت نسوان
ولامنوكع فوك النهر عباس ولانحر الرضيع الصار جروان
ولامفجوع مثله باهل وانصار ولامن دره بحره اتجول الاوطان
كال الدين دمي اليثبت وبيه دمي لديني هذا اليوم رخصان
شنقدم ضحيه اكبال هالنور وياقربان قربه بهيج قربان
وتدرون شنقدم احنه كل يوم نقدم بس جذب واذنوب يخوان
انكول احسين منه واحنه وياه ونبجي بهم عليه المات عطشان
بس تدري الجذب صار الصدك دوم وضاعت كل حقيقه وبقه العنوان
شوكت يوصل وكتكم وانتوا ميتين واضن بعده وكتكم يبطي ماحان
اختكم سلبوهه وطاح الحجاب وابن عمكم ذبيح وخال جوعان
انكسر ضهره اخوكم راحت العين من ابوكم همه بس ايكود عميان
وضن باجر وعكبه ولابعد عام ولامية سنه تنفتح بيبان
مادام انتكلتوا ومطمئنين وكل واحد يصور روحه ريسان
لابد مايجي يوم وتيصيرون جيفه يقبروهه بايد دفان
وهذا اليوم من يدريه يايوم جم السان بيه ينعكد والسان...............

وارجو ان تكون مقبوله............ واعدكم بالمزيد باذنه تعالى