يــــــــــــــــــــــانهر


يانهر شنهي الحصل يم جرفك اليوم


يانهر كالولي يمك طاح جيدوم


يانهر شنهي الجره وين سبع الكنطره


جيت انشدك وادري بروجاتك علوم

اجت من باب الخيال تريد تنشد عالكمر


زينب بعالم المعنى اتجاوبت ويه النهر

يانهر احجيلي كلشيولا تضم عني خبر


فارس وبيديه رايه توجه الصوبك عبر

من صفاته الشجاعه واسمه عباس الفخر


اجه يطلب ماي منك شو تخر ماسدر


يانهر كلي دليلي عليه مهضوم


هم شفت فارس عله اجروفك اجه يحوم

بيده شايل جربته ايريد ماي العيلته


شو تاخر يانهر والكلب مهموم

يانهر جابتني يمك لهفه ايتامه اله


كالهم للشاطي ورجع ليش مارد ال هله


كلبي مشه اجدامي وانه جيتك بهل مسئله


ليش مارد ابو الغيره وشنهو عاكه وعطله


كلي من بعده شسوي وياهو البضعني اكفله



خاف عاكبني يشاطي وراح يسكي العايله


يانهر شرد احجي السكنه وكلثوم


يانهر كلي اشوف بمايك دموم


كلي للخيمه رجع لو على اجروفك وكع



يانهر عكب الكمر ما تضوي النجوم


يانهر لونك تغير هدت جنهه روجتك


اصن ياشاطي عرفتني وهالسكن ون مايتك


من سمعت بئسم اخوي شبيك سالت دمعتك


يانهر كلي اشجرالك واختنكت بعبرتك

والله ياشاطي دمعتك خوفتني وسكتتك



مارد للخيمه ورجع الهىاسمع قصتك


يانهر عندك خبر عن كافل الكوم


كبلي اكلي بهجيك الخبر مضموم


يانهر كلي الخبر احجي مو كلبي انفطر


بان الي بطيات روجك حزن مكضوم


ابد لاتنكر ياشاطي انته تدري والدليل


اخوي اذا واعدني يوفي وغيرته طبع الكفيل


والوفه طبع الكفيل وكال اجيب الماي لازم


حته لودمي يسيل فوك هاذا وهاذا اعلم


طبع اخوي شما يطيل لازم يرد للخيام

وبركبته يتام وعليل


كلي ما يدري اخوه احسين ضل بلا معين


لا تكلي احسين عاف الكمر محشوم

تدي بي غيره وشهامه الكمر مفطوم


كاي عن راعي الشهامه خني اردن اليتامه


خني اطمنهم اطمنهم تراهم جافو النوم


يانهر جنك تكلي على الشريعه طلبتع


روحي يازينب هناك الجواب وطلبتج


هناك هلي دموع عينج عل شريعه وعبرتج


هناك طاح الكفل ظعنج يل عقيله وعيلتج


هناك ابو جفوف الكطيعه هناك مطلب رادتج


لون تخميلي مجانه كول صح احجايتج


يلنهر شفت الحصل على الشاطي مرسوم


بحزن روجاتك تبيلي المكتوم


ولي شفته بمايتك فطح كلشي بجعبتك



كول ريحني ياشاطي وزيح الهموم



مع تحيات ميثم الجابري


لل شاعر علاء ناصر الزيادي