تويت
لسان حال يتيمة مسلم ع وهيه تكلم طوعه
بالهم من جيت ياطوعه بالهم من جيت
وگصدت البيت وبلوعه بالهم من جيت
متغير حالي ونشد عالغالي
************
حميده بلوعه وبلهفه اجت تنشد على طوعه
والحيره بوجها اتخط حزن ويهل دمع لوعه
خبر عن والدي تگلها وجفنها فايضّه ادموعه
يعمه جيت اريد اسمع وجسمي ذابت اضلوعه
نار الايام بفراگه نار الايام
تسعر الام بشواگه تسعر الام
والهم يبرالي ونشد عالغالي
من حين الجدمها طب للكوفه بنّت مسلم
جرت بالعبره فوگ الخد دمعات الحزن والهم
شهگت شهگه وصاحت يجرحي المااله مرهم
وينك يا سفير حسين عجيبه اتعوفني اتئلم
نادت انخاك حاچيني نادت انخاك
انه بليّاك ياذيني انه بليّاك
سهر الليالي ونشد عالغالي
شهگت شهگه وصاحت يمسلم يا ضوه عيني
عليك بكل كتر انشد وانه بغربه تدريني
يمهجت گلبي يا بويه ردت منك تحاچيني
حالي مدهور وتدري فگدك ناره تچويني
تسعر بي نار يا مسلم تسعر بي نار
والمدمع صار يجري بدم والمدمع صار
محترگه اوصالي ونشد عالغالي
علّي جار الوكت بالهم وانه بزغري يتمني
من عندي اخذ مسلم وبسم الحزن سمني
عجيب اعله الدهر طبعه قاسي وطبعه يالمني
حط اجروحه بالدلال ونوه من عودي يحرمني
بي جار البين وبصغري بي جار البين
وبدمع العين ضل يجري وبدمع العين
ودموعي اتلالي ونشد عالغالي
گلبي من النوايب سل والام الحزن تسعر
حزينه وفاگده الوالي عشت ايامي وتحصر
يا عمر العشت بعدك وجروح الكدر تكبر
يغالي وغله من عمري دونك ابگه ما اگدر
ناديت وياك يالغالي ناديت وياك
مات بلياك دلالي مات بلياك
يا كنزي ومالي ونشد عالغالي
***********
ابو ايمان
تعليق