تويت
الاكبر برز وحسين نادا يليله
الأكبر برز وحسين .. ناده يليله
عند الله رب الكون كومي أندعيله
كلبي تعلك بيه وعيوني تربي أعليه ناده يليله
************
يا ليله الأكبر من برز للميدان وتوغل أكثر
بعيوني فاضت دمعتي وضل حيران بالي وتكدر
حيلي على وليدي ركد والعدوان بالحومة تفتر
ناري أسعرت بحشاي ساعة رجوعه
من ناده بويه الماي وبكلبه لوعه
بدموعي ردت اسكيه وعيوني تربي أعليه ناده يليله
بحين اللكد غوجه وطلع كلبي يذوب وبروحي علته
وضلوعي ركّت ونحنّت للمهيوب لن وحده شفته
عازم شبيه المصطفى يخوض حروب ويبذل مُهجته
أفعاله ما تنقاس يصعب ذكرها
بالحومة والارجاس جمعت زمرها
وحده ونوّت توليه وعيوني تربي أعليه ناده يليله
كل خطوه يمشي ويبتعد عن العين تغمرني عبره
ويلتف علّي طوك الحزن وأمر البين ناويلي اخسره
زهرة حياتي و دنيتي العشت سنين يكبر انطره
فاركني من أصباه وعاف المحنه
ويفارك الرباه ما جنت أضنه
كلبي الحزن يحويه وعيوني تربي أعليه ناده يليله
البكر ابنه غانم من برز خشيه وخوف صار بكياني
وتشابكت بيض الاسل عيني أتشوف والهم أجاني
الحين الذي الغبرة انجلت بيه أيطوف دهري وزماني
كل لحضه صارت آه وبصدري باتت
صوّبني سهم أجفاه ووصالي ماتت
همي ردت يجليه وعيوني تربي أعليه ناده يليله
تيّهت دربي وما شفت حين ألصاح يحسين أودعك
وعكس المسار البيه ألمشه جدمي راح واصرخ أسمعك
ولن سكنه صاحت يا شهم صوت انياح تترجه اتبعك
عيني عمّت والشوف فاركها عيني
من طفّه يوم اطفوف شمعة سنيني
ودم الدمع ابجيه وعيوني تربي أعليه ناده يليله
*****************
خادم علي الأكبر الشاعر أبو أيمان المجراوي
تعليق