تويت
الامام السجاد زين العابدين
صار أسنين يبن حسين ما يرضه الجرح يلتم
...............................................
من يوم السقيفة ألهاذ يومك سيدي وتدري
زمرة أل أبو سفيان حقدهم بالأرض يسري
عصابات الظلم بالشر صبغة دهرك ودهري
ونهار الشهادة أتغص دامت بالدمى اليجري
* نواة الشر غدة تكبر ترضع من مسيل الدم
...................
ألك شاهد يضل ألطف يسولف عن دناءتهم
يا بو الباقر وعينك ذيج الساعة شافتهم
كل ألي جره شفته وابد ما تخفى قسوتهم
وبعينك شهدت حسين وحده وبين جمعتهم
شفت عباس فضيخ الرأس كطيعه اجفوفه يتألم
.......................
ساعات السبي كلها مرة يا علي لاجن
خذت مأخذها من عدنه وغدة بكلوبنه تطعن
خناجر سيدي انغرست بينه والجروح اتعن
ولجمات النوايب هم علينه حشدت تعلن
* حرب ضدنه يوالدنه وتجرّعنه مرار السم
.....................
علينه مصابك ألليله عوّد يا علي بحزنه
وجروحه الشهر عاشور لا زالت تعذبنه
بعدهي ألدمعه ما نشفت بعدهي ألذكره تضهدنه
وسواد ألي تلبسه الناس بعد ما طاح من عدنه
*علينه عاد يالسجاد يومك وندفنه أبهم
...................
ما ضل باليحبك روح حين العادت ألذكره
وجبال الحزن كبرت في كلب ألهوى ألعتره
رجع دمع الجفن يهمي وابد ما سكنت ألعبره
أنلجم جرح الطفوف وصب بالدم ونعلن أمره
* تسيل أدموع تذوب أضلوع والنوح ابفضانه عم
تعليق