تويت
لا تهم يامن تشيعه لا تهم ... لا تهم بمعنى لا تسرع
لاتهم يامن تشيعه لاتهم *** لاتهم خليني اودعه لاتهم
*************
لا تهم وتوانه بالله بمشيتك
يالتشيل الحيد زينب تبعتك
هم مثل زينب تصب دم دمعتك
وتعثر بممشاك من تنگل جدم
*******
لا تهم تانيها زينب بت علي
تندبك والعين مدمع تنملي
يالمشيت بوالدي ريض الي
بيه ماضل قوه لن حيلي انهدم
********
لا تهم يالشلته ونويت البُعد
تدري روحك غيره ما عندي سند
وتدري بيه لو راح ما يبقالي احد
وتدري بيه لو غاب اصبح باليتم
********
لاتهم اعليه تنحب حرّته
ومن حرارة فگده تصرخ تبعته
وياعلي اتصيح وشگد ندبته
بويه من ريحت حضرتك ردت اشم
********
لا تهم يالبيه حديت اعله اللحد
گلبي والله اخلافه يالحادي انمرد
خلني اودعه ادري ما يرجع بعد
ومنين اجيبن مثله حر غيره وشهم
*********
لا تهم يالحادي بجنازة علي
اسألك بالله ياهو الضل الي
ومنهو باچر بعده يحدي بمحملي
وچنت اضمد اجروحي بيه من تلچم
**********
تعليق