تويت
لسان حال العليله ع //ابو ايمان المجراوي
يا راحلين الديرة ألمنيه * عفتوني بفراش المرض رميه
والله اعتنيكم لو يصح بديه
************
درب الحزن عگب الأهل سلكته . بلا رجعه والمدمع شعار أخذته
معلولة وفراش المرض سئمته . وجسمي النحيل من الكدر هملته
وعيوني بدموعي بقت نديه * والله اعتنيكم لو يصح بديه
*********
يالرحتو عفتوني عليلة وحدي . من الفگد لا ما هده انه وجدي
دمعة جمر باتت تسيل بخدي . أي والنبي وحيدر وصيه جدي
أسئل عگبكم منهو ضل أليه * والله اعتنيكم لو يصح بديه
***********
يهل المكارم يا ملاذي وناسي . دهري صبح بيه بعدكم قاسي
انه أعله هالحاله تضيج أنفاسي . من الصغر والشيب اخذ من راسي
حزن الدهر بيدر بنا عليه . والله اعتنيكم لو يصح بديه
************
عيني ألدربكم والگلب نبضاته . كثرن واشد منهن علّل قبضاته
ليلي بنحيبي تنطوي ساعاته .بألونه والحسره صفّت لحظاته
والّوجعه بضلوعي صفت سريّه . والله اعتنيكم لو يصح بديه
***********
انذر عليه لو يرد ظعنكم . ريحان اطش بيدي بفرح دربكم
لاما أمل منكم وأضل أحبكم . يا من مشت روحي بأثر ركبكم
أتمنى وياكم رحت سويّه . والله اعتنيكم لو يصح بديه
************