تويت
علي الاكبر ع // ابو ايمان
گلبي آوياك يا لأكبر يبني أخذته
دمعي روجات عگب عينك سچبته
تمنيتك شفتني . يا لأكبر من عفتني
**********
يبني يا لأكبر يا نبض گلبي
يا ذخر دنياي يا ثمر تعبي
انته بلحومه عيني ألك تربي
ربي دعوة أم سلمه يا ربي
روحي ملهوفه ومرتفع نحبي
ومن دمع عيني ما شفت دربي
يبني بالگاع درب اظلم سلكته
واعثر بساع لون جدمي نگلته
مصيبه منين اجتني . يا لأكبر من عفتني
***********
تدري بغيابك يا لغبت عني
ما غفت عيني ولأبرد جفني
حزني يوليدي مچلب بردني
ومن چثيرالون دهري مل مني
حتى ون يعگوب مو مثل وني
وما شبهني نوح من صرخ يبني
نبي إسماعيل كبّش ربك فداله
وانه قربان فديتك للجلاله
عجز من لطمي متني . يا لأكبر من عفتني
***********
أم نبي موسى الله واعدها
وجمرة أفراگه ألبيها بردها
هاجر الحره ماي شح عدها
ركضت بلهفه وزمزم أوردها
وانه بالعينين يبني أشاهدها
جثتّك بالگاع دهري وسدها
مريم بدور ابد مو مثله دوري
كل الأمثال فلا توصف شعوري
انه ألدهري نكبني . يا لأكبر من عفتني
**********
يا حلم عمري ونشوة الخاطر
عذبت روحي والگلب شاجر
من رحت يبني عيني اتناطر
والدليل أبهم والفكر حا ير
يا سهم هجرك مثله ما صاير
نحّله الجسمي والجفن ساهر
اسهر الليل أعدّن با ليالي
حال الشموع يا لأكبر يبني حالي
اوجّن وطفا يبني . يا لأكبر من عفتني
**********
مكدّره وحالي عالخلگ يصعب
من عگب عينك والگلب يلهب
من دمه دمعي عالجفن لو صب
حزني أبروحي يرتع ويلعب
هاجسي أحزاني صار اله مركب
ما هدت لحظه عشت انه أتعذب
گلبي ما هاد ولا گطّع ونينه
مركز أهموم صفت روحي الحزينه
حزن يمه ضهدني . يا لأكبر من عفتني
************
يبني كل حره تعشگ اضناها
وفرحة أوجوده يمها تملاها
لو گعد يمها ألدنيه تنساها
ومن يكلمها تبسم أشفاها
وانه يالاكبر روحي سلّاها
فگدك وعيني عگبك اعماها
شوف العيون رحل ما رد اليه
ساعة الغاب وجه شخصك عليه
رحل يبني وتركني . يا لأكبر من عفتني
***********
تعليق