تويت
صدك ياخوي بعد متعود وايامك تواسيني
صدك يحسين يماي العين ماتكعد تحاجيني صدك خوية بعدت عني وخليت الگلب ملچوم
صدك خوية العيال ايتام ومتشوفك ابد للدوم
صدك حل الفراك لحين بهاي الساعه هذا اليوم
والفركة كربت يحسين ما بينك وما بيني
حسبتك تظل وياي والخوتي توافيها
وما حسبت تفجعني شمعتك تطفيها
وحسبتك تظل للدوم عيال النبي تحاميها
وما ظنيت ابد روحي مرار الفركة يجويها
ولا خليت جمر فركاك ياذيني ويجويني
خوية من كلت رايح خذت روحي وشراييني
خوية مودع بالله يلجفك ترويني
خوية من الخيم من راح ماضنيت يلفيني
شخصك يا رفيج الروح يادمعي وضوة عيني
يخوية من غرت علكوم ضنيتك تفدانا
وضنيت الكمر عباس نهض يسكي عطاشانا
وجني من شفت سيفك سيف المرتضى جانا
وبركاب الاعادي يصول ويحامي صواويني
ومن شفت السرج مكلوب وفرسك ينحب ويصهل
لطمت خدي وطشت بالبيد جني البلجرح مذهل
ومن شفت السهم ياخوي عرفت الحين موتك هل
وناديتك يبن امي لونك عدل حاجيني
يخوية سهم المثلث ثلم كلبك و كطع كلبي
ويخوية الخيل من داست صحت الغوث ياربي
هذا حسين عالتربان احضر ياعلي بكربي
وصحت ياربي هلقربان ظنيته يواريني
ورفعوا بالسهم راسك جن الشمس رفعوها
ومن صاحت اجلاف الكوم للصيوان احركوها
طلعت ياخوية وي العيال وللنسوان فزعوها
كلت يازين عباد الله ماتطلع تدليني
لجن اعظم واشد واصعب من رادوا يودونا
لبن زياد للكوفة وعلهزل يركبونا
ولا خوة يراعونا ولا وليان يحدونا
يخوية منين اجيب الحيد يرجبني ويراعيني
خادم اهل البيت(ع)
امين العتابي
24/1/ 2009 م
[FONT='Arial','sans-serif']28 محرم /1430 هـ [/font]
[FONT='Arial','sans-serif']ولكم مني فائق الاحترام والتقدير لهذه الجهود الرائعه [/font]
تعليق