إعـــــــلان

**~علوية الهوى~** · 27-03-2011, 12:51 AM

المشاركة الأصلية بواسطة كويت-1993

خوش بيت والله يطير من الهوا شالبيت شكله من بيوت الحكومه مترين ونص ههه

اما بخصوص الموظوع وعن الغبار

كنت يومها اب 360 طبعن الوظع سبهلله شياب طايحين عالارظ وصاير اصراخ بالمجمع اما انا قاعد ادخن ومستانس وماطلعنا من المجمع الا ساعه 12 ونص تقريبن

أتمنى تناقشني بالعقل وبهدوء ليه تضحك على الناس إلي ساكنين في بيوت الحكومه؟
وليه معظم أهلنا وحبايبنا في الكويت يقيمون الناس بالماديات يعني البيت و موديل السياره........الخ؟
والأهم من هذا كله إنك تعتبر طفل كيف إدخن؟وكيف تجاهر بهالشي يعني مو مدخن وتستحي لا تفتخر إنك مدخن
قدام الله وخلقه ليه (إذا بليتم فستتروا) هذي مو رجوله مثل ماتفكر بالعكس
أخي الكويت تأكد أنك مهما قلت ومهما كانت مشاركاتك صادمه راح تبقى بنظري أخوي الصغير
حاول إنك تقرأ مشاركتك مره ومرتين وثلاث قبل لاتعتمدها لأنك الله يهديك ماتوزن كلامك.

**معالج** · 27-03-2011, 12:51 AM

اللهم صل على محمد وآل محمد وعجل فرجهم
العواصف حصلت بالكويت وأتذكر عاصفة حصلت في محرم يوم السابع لأبو الفضل العباس عليه السلام
وهي عاصفة صفراء اللون ولم نتمكن من الرؤية
ولكن هذه العاصفة جاءت بشكل آخر مخيف من شكلها حيث ظهرت إبتداءاً من منطقة الروضتين من فجوة من الأرض
كالدوامه وبدأت تصعد الى السماء كما ترونها بالصور
وإجتاحت دولة الكويت بأكملها ثم ذهبت للسعودية ومن ثم البحرين
عواصف كهذه العواصف التي تخرج من باطن الأرض يتبعها زلازل لكن الله حفظنا
والحمد لله عدت على خير

دمتم بعافية

**كويت-1993** · 27-03-2011, 10:04 AM

اضحك اضحك ..
حكومتك قاطين الكويتيات وعيالهم بقواطي جينكو
الله ع الحكومة مالتك هذه
وبعدين انت ياهل ما يصير تدخن
ما عندنا يهال يدخنون احنا

ليش حكومتي مو حكومتج يعني ولا شنو المفروظ انتي متظامنه معاهم انتوا امسوين لوبي شيعي بتحالف حكومي صح ولا قلط كلامي

زين بالصيف شلون؟

بالصيف الشمس تكون عاموديه قرب خط الاستواء علشان جذي يصر حر وايد

وبهدوء ليه تضحك على الناس إلي ساكنين في بيوت الحكومه؟

ماظحكت بالعكس اعرف جم واحد ببيوت حكومه بس اهما بيتهم شكله من طين يطير من الهوا شكله شارينا اب 70 الف دينار من بنق التسليف ههه

وليه معظم أهلنا وحبايبنا في الكويت يقيمون الناس بالماديات يعني البيت و موديل السياره........الخ؟

حبيبتي في مثل اكويتي يقول افلوسك اتعزك وبهالزمن اللي ماعنده افلوس يكون قندره من وجهت نظري هالزمن زمن ملايين امثالنا

والأهم من هذا كله إنك تعتبر طفل كيف إدخن؟وكيف تجاهر بهالشي يعني مو مدخن وتستحي لا تفتخر إنك مدخن
قدام الله وخلقه ليه (إذا بليتم فستتروا) هذي مو رجوله مثل ماتفكر بالعكس
أخي الكويت تأكد أنك مهما قلت ومهما كانت مشاركاتك صادمه راح تبقى بنظري أخوي الصغير
حاول إنك تقرأ مشاركتك مره ومرتين وثلاث قبل لاتعتمدها لأنك الله يهديك ماتوزن كلامك.

وليش شايفه عمري 12 سنه عشان اتقوليلي هالكلام ؟؟ كلامج ماخوذ خيره والنصيحه ماتكون بالجهر
واقلب الناس يدخنون ردت علي انا

**الجرم الصغير** · 27-03-2011, 10:31 AM

المشاركة الأصلية بواسطة أبو الحر

الله يعينكم اختي.
زين بالصيف شلون؟

تعودنا أخوي ..
ولكن احنا نخاف لما الجو يتغير
لأن هذي الأماكن الأسوأ في تحمل الظروف الجوية .

وهذي الشعبيات وجدت للعسكريين من الجنسيات المختلفة
وللبدون من غير محددي الجنسية
وللكويتيات المتزوجات من غير كويتيين ممن يحملون جنسيات أخرى
ونحن من الفئة الأخيرة نعيش مع الوالدة هناك

نسألكم الدعاء
وأشكر المشاركين

**~علوية الهوى~** · 27-03-2011, 02:58 PM

المشاركة الأصلية بواسطة الجرم الصغير

تعودنا أخوي ..
ولكن احنا نخاف لما الجو يتغير
لأن هذي الأماكن الأسوأ في تحمل الظروف الجوية .

وهذي الشعبيات وجدت للعسكريين من الجنسيات المختلفة
وللبدون من غير محددي الجنسية
وللكويتيات المتزوجات من غير كويتيين ممن يحملون جنسيات أخرى
ونحن من الفئة الأخيرة نعيش مع الوالدة هناك

نسألكم الدعاء
وأشكر المشاركين

الله يصبركم ويطول بعمر الوالده وأحب أقول لج عمر ماكانت قيمة الناس بكم تلبس ولا بكم سيارتها ولا بكم الفيلا ...........الخ
أبداً هذي موازين مغلوطه لقياس البشر والناس معادن ياقليبي لاتهتمين بكلام احد لأنج أنتي أثمن بكثير مما تملكين
ودائماً العلم والثقافه هم إلي يرتقون بالأنسان
وغالباً الأنسان المترف يكون أجوف من الداخل

**خادمة كافلةالايتام** · 27-03-2011, 03:18 PM

اتمنى الاداره يفتحون قسم خاص للاطفال والمراهقين
ويكون بيه مشرف خاص بشكل يومي متواصل مع اطفال
الي اهاليهم ما ربوهم ويحتاجون تربيه من اول ويديد

**~علوية الهوى~** · 27-03-2011, 03:20 PM

المشاركة الأصلية بواسطة كويت-1993

ماظحكت بالعكس اعرف جم واحد ببيوت حكومه بس اهما بيتهم شكله من طين يطير من الهوا شكله شارينا اب 70 الف دينار من بنق التسليف ههه

بيوت الطين قويه على فكره روح الرياض وشوف بيوت الطين كيف معمره

حبيبتي في مثل اكويتي يقول افلوسك اتعزك وبهالزمن اللي ماعنده افلوس يكون قندره من وجهت نظري هالزمن زمن ملايين امثالنا

يعني أنت قيمتك تعتمد على رصيدك ورصيد أبوك بالبنك متى مازاد تزيد ومتى مانقصت تنقص قيمتك
سبحان الله
بس كلمته قندره غريبه شوي ماخبرنا أخوانا بالكويت يقولون قندره هذي كلمة حبايبنا العراقيين

وليش شايفه عمري 12 سنه عشان اتقوليلي هالكلام ؟؟ كلامج ماخوذ خيره والنصيحه ماتكون بالجهر
واقلب الناس يدخنون ردت علي انا

لا شايفه عمرك 17 سنه أدري أغلب الناس يدخنون بس إلي يدخن وهو بسنك تكون
أخطر عليه وحتى إلي بسنك لما يدخنون يدخنون بالسر لأنهم يعرفون أنهم يسوون شي غلط و أهلهم مايرضون لهم وموزين على صحتهم على العموم أنا أعتذر منك أن كانت طريقتي بالنصيحه غلط

**~علوية الهوى~** · 27-03-2011, 03:26 PM

أقول أختي الجرم الصغير إذا جاكم عج مره ثانيه دقي علي عشان أجيكم نشطف البيت من التراب مع بعض
أدري بمأساه التنظيف بعد العج والتراب

**علي أبل** · 27-03-2011, 03:44 PM

كويت-1993 ، ولد ما تعرف تكتب سطر من غير بدليات ؟! تكفى انت من وين متخرج ؟! منو مدرسك عربي ؟!

حبيبتي في مثل اكويتي يقول افلوسك اتعزك وبهالزمن اللي ماعنده افلوس يكون قندره من وجهت نظري هالزمن زمن ملايين امثالنا

حبيبي روح اخذ شوي منهم وروح اي معهد يعلمك عربي قبل ما تكتب ، اوكي بابا يا اكويتي

اسمه مثل كويتي مو مثل اكويتي ... يا اكويتي

**ايتام علي** · 27-03-2011, 04:44 PM

المشاركة الأصلية بواسطة كويت-1993

حبيبتي في مثل اكويتي يقول افلوسك اتعزك وبهالزمن اللي ماعنده افلوس يكون قندره من وجهت نظري هالزمن زمن ملايين امثالنا

طيب يا صغير عندي لك نصيحة لوجه الله اقولها لك وان كنت لا تستحقها
هذا الوقت وقت الزلازل والفتن والبلاء ولم يعد للمال اي اهمية اي ان زمن الفلوس طويت صفحته
وجاء زمن الاعمال الصالحة التي هي فقط من سينجي من البلاء المقبل على كل العالم
يعني بالمختصر المفيد روح صلي واقراء القران وبطل حقد كراهية على المؤمنين
لان فلوسك هاصير جوه القنادر

**زهرة الرمان** · 27-03-2011, 10:03 PM

ههههههه
اشفيكم على الأخ كويتي !!
كليتوه بقشوره !!
ترى ما نرضى على أهل الكويــــــــــــــــــــــــــــــت .. حكومةً وشعباً

**كويت-1993** · 28-03-2011, 12:07 AM

اي والله زهروه المشكله قاعد اقول رايي ويقولون عني ياهل

ترا ماحب جذي والله انا زعلت ابصراحه

وكل اشوي تعليقات بلبلاغه مايدرون اني اتكلم احسن منهم هالايرانيين

**زهرة الرمان** · 28-03-2011, 12:13 AM

المشاركة الأصلية بواسطة كويت-1993

اي والله زهروه المشكله قاعد اقول رايي ويقولون عني ياهل

ترا ماحب جذي والله انا زعلت ابصراحه

وكل اشوي تعليقات بلبلاغه مايدرون اني اتكلم احسن منهم هالايرانيين

بس تبي الصراحة ؟؟
أنت اتقول رايك بطنازة .. صح؟

و اشفيها لو قالوا الياهل ؟؟ ... (( كل صغير يكبر ))

ههههه .. الله لا يجيب الزعل .. احنا في النهاية أخوان

أمممم .. يمكن لأنك ما تتكلم بالفسحة

ههههه .. ومن قال إنهم إيرانيين ؟!!

الله يهدينا جميـــعاً ويوحدنا يــــــــــا رب

**أم غفران** · 28-03-2011, 12:34 AM

المشاركة الأصلية بواسطة كويت-1993

اي والله زهروه المشكله قاعد اقول رايي ويقولون عني ياهل

ترا ماحب جذي والله انا زعلت ابصراحه

وكل اشوي تعليقات بلبلاغه مايدرون اني اتكلم احسن منهم هالايرانيين

[l]

]
أتمنى تعجبك وتكون في مستوى تفكيرك والناس ليس بما يملكون من مال بل بما يفكرون وكيف ثقافتهم وما يميزالناس ليس المال إنما الأخلاق والخصال الحميدة و الأخلاق هي كل شي وهي اداة التقيم للفرد وليس المال
وأن شاءالله ياكويتي ترتقي بأسلوب أفضل من هذا الاسلوب الطفولي الاستفزازي
وإنما الأمم الأخلاق مابقيت
فأن هم ذهبت أخلاقهم ذهبوا
وإذا أصيب القوم في أخلاقهم
فإقم عليهم مأتما وعويلا

**بيعة الغدير** · 28-03-2011, 01:58 AM

بسم الله الرحمن الرحيم

الموضوع انحرف 180 درجة بسبب مراهق من أتباع الهايف

بخصوص الظاهرة قبل فترة شاهدت مقطع فيديو لعاصفة رملية قادمة من السعودية باتجاه العراق محملة بالاتربة ووقفت عند الحدود العراقية يمكنكم البحث عن المقطع، والعاصفة كانت شبيهة لما حصل قبل أيام قليلة بالكويت يعني الظاهرة ليست جديدة ولكن ربما لأول مرة تحصل بهذا الحجم في الكويت وقد شاهدت ببرنامج للوهابي نبيل العوضي وكان يعتب على الحكومة اهمالها وعدم تحذيرها للشعب.

	المواضيع		إحصائيات	آخر مشاركة
	لقد كرمنا بني آدم بواسطة ibrahim aly awaly أنشئ بواسطة ibrahim aly awaly, يوم أمس, 09:44 PM		استجابة 1 11 مشاهدات 0 معجبون	آخر مشاركة بواسطة ibrahim aly awaly يوم أمس, 09:48 PM
	اثرة العترة في بقاء الاسلام بواسطة ibrahim aly awaly أنشئ بواسطة ibrahim aly awaly, يوم أمس, 07:21 AM		ردود 2 12 مشاهدات 0 معجبون	آخر مشاركة بواسطة ibrahim aly awaly يوم أمس, 07:23 AM

إعـــــــلان

للاشتراك في (قناة العلم والإيمان): واتساب - يوتيوب

خبر عاجل : تراب قوي ظهر فجأة حول السماء إلى كتلة سواد في الكويت

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين