تويت
عشنة بلاوطن عشنه بلا وطن أحنه بوطن ليش
وشيخلص الشعب من هالمصيبهعلل هالكون كلها بهل الوطن هاذ
ياهو يكون منعدكم طبيبه
*****
خايف عالوطن حيل آني خايف
اريده يعيش وترد المضايف
بفناجين الوفه نصب السوالف
ويهود هالوطن وينام مرتاح
وما واحد يمد أيده اعله جيبه
*****
هم تخلص بعد هم تكظي وتهون
ونكص أيد اليفخخ واليهدمون
وبعياد الوطن وبيومهن كون
عروسه انزفها بغداد الحبيبه
*****
ليش الزين وألأيده نظيفه
يكظي العمر يبحث عن وظيفه
بس الباك والأيده خفيفه
ياخذ ليش اكثر من نصيبه
*****
دخل نتوحد وعوفو الخلافات
وما ننذل أبد للذله هيهات
تقبلوها بلد بيد العصابات
للما يسوه ظل كله نهيبه
*****
نعيش بهل الوكت احنه انتكاسه
نشيل سلاح بس منشيل ياسه
واحدنه انشغل بعيوب ناسه
بس ياللأسف ظل ناسي عيبه
*****
وحك العاش من عدنه والاموات
شفت واحد ينبش عالخلافات
بس ويه الدول همه العلاقات
دشوفو شلون قصتنه عجيبه
*****
لا بد للحزن في يوم ينزاح
الطبيب اتجمعو عدنه أويه فلاح
جذب ماكو عنب عالي وميلاح
حقي وحقك ولازم نجيبه
*****
أظلم هالوطن ما خلص ليله
بس لو شفنه ونميز العيله
نكص الذيل لليلعب بذيله
ونطب للذيب من ذيله نجيبه
*****
عشنه بلا وطن احنه بوطن ليش
وشيخلص الشعب من هالمصيبه
علل هالكون كلها بهل الوطن هاذ
ياهو يكون من عدكم طبيبه
تعليق