بالدم كربلا وبالعين ... ونبجي لفاطمه ولحسين
بين الرايه والجفين


ـــــــــــــــــــــــ
ادريهه الزجيه لكربلا تعنّت .. لمن طاح الحسين بمنحره تحنت
علا صوت اليتامه وسمعته وونت .. تموت بلا غسل ويه الضنه تمنّت
وتلهب بيهه هاي النار ... ولا تدنه الكفر للدار
ولا زينب تهيل العين ... بين الرايه والجفين


اشوفنهه الزجيه بكل شبر تعثر .. تنوح على المصيبه وبالهضم تجهر
دنت شافت يلوج مبضّع الاكبر .. ولا شافت نصير لهالطهر ينغر
وصاحت يا رضيع الطاح ... بعدك بس حزن ونياح
وين الساجي عنك وين ... بين الرايه والجفين


اجت يم زينب وشافت على الغبره .. ذبيح مخضّب ويم حاجبه الطبره
جسم بس مو جسم صاير الف وذره ... بكَت بس تلهج باسمه وتهل عبره
صاحت يمه حاجيني ... مصابك والله ياذيني
دوهني ورماني البين ... بين الرايه والجفين


مشت ويه العقيله وبالدرب نادت .. ييمه الرايه كولي بيا كتر طاحت
تجاوبهه العقيله ودم دمع سالت .. ييمه على النهر كل الشيم شالت
يمه على النهر عباس ... نالت منه هاي الناس
والجود انجسم نصين ... بين الرايه والجفين


صاحت يابو فاضل زادت الونه .. اريدك يم اخوك الساعه تتعنه
تضمد جروحه وتشيل الالم عنّه .. اسمعنه يريدك يالشهم جنه
انهض يا عجيد الكَوم ... انهض مملي كَلبي هموم
رمحك بالكلب رمحين ... بين الرايه والجفين


اريدك يابو فاضل تلحك حسينك .. ولو ادري السهم صار بوسط عينك
يمن راحت يساجي الخدر سنينك .. بعد منهو اليزيل الكلفه عن دينك
منهو الينضر لحالي ... يابدر السمه العالي
يبني وللغرب ماشين ... بين الرايه والجفين
رحيم الحسيني الحسناوي