تويت
قصيده متواضعه للامام المهدي عج //ابو ايمان المجراوي
يالمهدي يا والينه . يمته الفرج نادينه . عجّل ظهورك لينه . يا صاحب ألغيبه
**************
يبن حيدر علي والطاهرة ألزهره . يوم الملتقى بلهفه احنه ننتظره
براكين الصبر چم جمره مستعرة . وما نحمل ابد يا سيدي جمره
إلك نرجه ونهل من مدمع ألعبره . وانته بهل أمر يا لمنتظر أدره
أعوام إلك نتنطر . والشوفتك نتحصر . من الصبر عانينه . يا صاحب ألغيبه
*************
حزن يتبع حزن دمعه بثر دمعه . والعين ألطريقك تربي يا شمعه
تدري بهل وكت متقلب بطبعه . والهم بينه حوّط يا هو اليد فعه
يبو صالح قواعد دينك وشرعه . غدت بين الخلگ مسلوبة ألرفعه
محيي الشريعه وينك. تنتفض رادك دينك. وعله النواصب عينه.يا صاحب ألغيبه
*************
فواجع بالألم نجرعها يوميه . من هجمة خصومك ولوهابيه
يا حد الدهر نشگف مراميه . ومن عدنه أنحجب حتى النصر ضيه
جهل عدنه يمهدي وعدنه أنانيه . وبالغش والخيانة ميه بالميه
ننتظر أتصفينه . وبعلمك أتغذينه . صد يا كريم أعلينه . يا صاحب ألغيبه
*************
على دمعة سهر علّگه مُنيتنه . واللسان الدعاء ما ملها طلبتنه
دنيا نه العدل يمليها غا يتنه . وبفرحة ظهورك تزهي دنيتنه
صعيبه بهل زمن يالمهدي حالتنه . لان تطمح خصومك تلوي شوكتنه
واحنه أعله هذا الحال . والمدمع الهمال . ولطلعتك حنينه . يا صاحب ألغيبه
*************
مسار الحگ صعب صارت مماشيه . وشحيحة إلي تفسر معنى حرريه
موانع بالدرب وضعتها بعثيه . ونسد الطريق بحيله شرعيه
وين أهل القيم وين ألعراقيه . بنو يالمهدي شي اسمه العبوديه
كم مؤتمر عقدوه . وبجمل اسم سموه . من هل دجل ملينه . يا صاحب ألغيبه
************