تويت
السهم باسك ابعينك!الشاعر حسين الساعدي
يا عباس
يبو الغيرة الاصيله ما طحت علكاع
ماشايف كمر والكاع شايلته
لو ما غيرتك منهه تهاب اسباع
جا ما زينب الحره تجي ابخته
بالطف ترجمت قصة عشك بوداع
روحك لبو اليمه اشلون عاشكته
كلام المرتضى وياك ابد ما ضاع
جان احسين بيدك مو علم شلته
ولهذا ابيوم الطحت طاح ابساع
صاح انكسر ضهري وصعبه سالفته
السهم باسك ابعينك ما اجه فزاع
مو قصده يصيبك دولباه وكته
اجه يغفى بعيونك جي لكاهه اوساع
ما حب يبقى بيد الجان شايلته
شنهي الماي لو رته يجيك ابساع
بس عطشان جان ورحت شربته
بقلم
حسين الساعدي
تعليق