يابو الحياده بفكَدتك لجمتنه..تاذي الدليل الينحب لصيحتنه
حيدر عَلينه من انطبر..دين الله بغيابه انهجر
ضلّت تنوح على الوصي جمعتنه
ــــــــــــــــــ
ضلينه مثل الوركَه وبنصهه النار..يوم الوكَع فارس بدر حامي الجار
شكوانا لله وللرسول المختار..ضيعتنه حلَّت من تواره الكرار
هاي الرعيه بغيبتك صد ليهه..منهو البعد عينك علي يباريهه
حيدر خضيب وجالجمر..دين الله بغيابه انهجر
ضلت تنوح على الوصي جمعتنه

ونينه ونّة فاكد بدمعة عين..هلبت نواسي الحرّه ونواسي حسين
ونواسي فجعات الحسن والجفّين..يابو الاشاوس يا علم بارض حنين
هلبت نواسي الزهره ومحمدهه..ونواسي زينب بالمصاب وجدهه
طاح الولي بسيف الغدر..دين الله بغيابه انهجر

ركن الرساله ويه النعش راح بعيد..والدنيه ضلت تصفك الايد بايد
بعدك حقد اهل الحقد صار يزيد..ردة كفر يابو الميامين يريد
رادو اميه بغدرك تشيل الهام..وتعلّك الزينه النواصب بالشام
يوم الرحل فارس مضر..دين الله بغيابه انهجر

سيف الغدر يوم الغدر بالطبره..الدنيا صارت للمدامع حمره
جرح التخضّب سم امر شيجبره..وسفه الامام المرتضى على الغبره
وسفه العقيله تيتّمت يا عباس..راح التشيل الدنيه بس بيه الراس
من دمه للدين المهر..دين الله بغيابه انهجر

نَعشك يجيدر شل كياني وروحي..وما ضن يراعي الغيره تبره جروحي
لجلك نزل دمعي وعليكم نوحي..ذاب الكَلب حزن وسجيبه سفوحي
حزني على حيدر ما ابطل للدوم..وعلى التدوس ضلوعه بالطف الكَوم
ويكَعد على صدره الشمر..دين الله بغيابه انهجر

ياحيدر لكَبرك نويت اتعنه..واصرخ يبو حسين وازيد الونّه
بابك يمولى الامه باب الجنّه..وخاسر وحقّك من يباعد عنّه
انته الامام وللابد حامينه..وانته الشفيع القائد ووالينه
ما ابطل بحبه السهر..بغيابه دين الله انهجر
ضلت تنوح على الوصي جمعتنه
رحيم الحسيني الحسناوي