تويت
كَريم ال الرسالة!!الشاعر حسين الساعدي
شايفلك كَمر ينقاد للظلمة؟!!!!!!!!!!
كَريم ال الرسالة والحسن معصوم
أول سبط هوَ إوثاني اليِمهَ
الحسن لمن نوصفة ابصيغة المظلوم
نقصد بالظلم من غدرته الأمه!
الحسن لوما غَدرهم وارتحل مَسموم
جا طف الحسين بأسمه يتسمه
الحسن وحسين حق وبالعدل مقسوم
وحسين الاخذها النخوه من عَزمه
الحسن نفس الحسين ابقسمة القيوم
هَم حيدر ابوه اَوفاطمة أمه
بالك يالموالي اتوصفة بالمهَموم!!
اعتب عالظروف الواكبت حكمه
باعوها الظماير عالزمن لتلوم!
لُوم الغيرته ابدنياه منعدمه
واليرضه ابيزيد ويغدر المعصوم
هذا اشتعتقد دين الله شيهمه!
والتاريخ بيه كل الحجي مرسوم!
ما كَدروا ولا مسحوا ولا كلمة
الحسن ما سكت عالباطل ابد مايوم
صوت الحق لجن جف الغدر سَمه
شاف الدين متأسر صفه ومهضوم
فده روحه اعله دينه كاشف الغمه
ومسألة الصلح شاف العدل مَثلوم
وسيوف ال اميه اعليه مِلتمه!
مابايع كذب هذا الخبر معلوم!
وبكل المصادر هالحجي اتلزمه
بس خله النقاط الكشف هاي الكوم
حتى الناس تعرف باغي الأمه!
الحسن ما يعترف بمعاوية المهزوم
شايفلك كَمَر ينقاد للظلمه!!!
شايفلك كُمر
ينقاد للظلمه
!!!
بقلم
حسين الساعدي
تعليق