تدرون تدرون يشيعه بهالخبر...عباس للماي على الوادم عبر

زلزل اليسره ويمين...صاح انه ابن الطاهرين

اَنه ابن فارس مضر...اَنه ابن فارس مضر
ــــــــــــــــــــــ
طب سيل جتّال يميل بيمنته..فرسان وابطال فناهه بغارته
ملهوف عالماي جربته بيسرته..والكَوم هيهات تمر يم عتبته
خصمه يتناحب ونين...صاح انه ابن الطاهرين
اَنه ابن فارس مضر..اَنه ابن فارس مضر

ماهاد ماهاد لمن كض الجرف..والكَوم من خوف تشوفه وتنصرف
ون حيل من صار على الماي وغرف..صد شاف مضلوم على الروج وعرف
وحده باقي ابن الامين..صاح انه ابن الطاهرين

رد صاح بالكَوم مثل خيط الفجر...يمناه بالروس على المنحر تجر
من فاز عالكَاع يحط روحه بكَبر..جن سيف كرار بلش بيهم طًبر
من جهب عالمفسدين...صاح انه ابن الطاهرين
اَنه ابن فارس مضر..اَنه ابن فارس مضر

شب نار بعداه رواهم مر سَقَم..جتال والسيف شعل وجعه والم
من كام بلواه نشر لهله العلم..ماهاد هيهات فحل راعي الشيم
روّه من دم زنده دين...صاح انه ابن الطاهرين

سل سيف غدّار عدوّه برجعته..من طاح يمناه الملايك شالته
دم سيل بالكون نعاه لطيحته..ولحسين عباس تهل بس دمعته
وللزجيه اصل الحنين...صاح انه ابن الطاهرين
اَنه ابن فارس مضر...اَنه ابن فارس مضر

لحسين ناداه وسلاما صاح اله..ودماه بالعين على الخد سايله
واساه بدموع عضيده وكل هله..والصوت بالكون على الراحو عله
عمره ناذر والسنين...صاح انه ابن الطاهرين
رحيم الحسيني الحسناوي