تويت
طيور الأبابيل
خلهه جروحنه التكطر ماواويل
وصوت عيونه ينزف قصيده
رتلنه الحزن من ليل قابيل
الذبح طير البراءه بغربت ايده
طخت روسنه بتشييع هابيل
قابيل الملك واحنه عبيده
يدوس اركابنه ونزحفله تبجيل
وناكل جوعنه بطعم الشريده
شتمينه الصبر من آخر الحيل
ومخنوك الهوه وميت صعيده
تراب كبورنه عله وجوهنه يهيل
وخايف موتنه باجر نعيده
نلطم عالوكت وانحورنه اسيل
وبعدنه نخاف من حر الحديده
بدمنه تخضبت رجلينهه الخيل
ورضتنه بحوافرهه البليده
وجه الفجرطاح بقبضت الليل
وحكم عالباب قانونه اليريده
السور تبجي الضلع والنزف ترتيل
وجرح الزهره يطشر وريده
اطيح عيونهه عله الكاع وتميل
بين المسجد ومحسن وجيده
الشجن ماسمعته طيور الابابيل
ضل محبوسه يتنطر وعيده
ضلوع الباب مجتوفه بزناجيل
ونياشين الجريمه اتلف وريده
هدم بيت الحزن معول التأويل
وشنق شجرتنه باحباله المسيده
والجناز يكتب عقد تأجيل
بستار الليل ضم كبر الشهيده
تيهنه الدرب بالقال والقيل
وغربتنه وطن وضايع نشيده
تخط اجدامنه بدم المجاتيل
وبوادي الرعب صرن الطريده
نخاف سنينه التاكل السجيل
وفيل ارواحنه متاني بريده
انرفع آذانه بدعوت التعجيل
راعي الامر يذبحنه نريده
شعر :حسن نجم الجبوري
خلهه جروحنه التكطر ماواويل
وصوت عيونه ينزف قصيده
رتلنه الحزن من ليل قابيل
الذبح طير البراءه بغربت ايده
طخت روسنه بتشييع هابيل
قابيل الملك واحنه عبيده
يدوس اركابنه ونزحفله تبجيل
وناكل جوعنه بطعم الشريده
شتمينه الصبر من آخر الحيل
ومخنوك الهوه وميت صعيده
تراب كبورنه عله وجوهنه يهيل
وخايف موتنه باجر نعيده
نلطم عالوكت وانحورنه اسيل
وبعدنه نخاف من حر الحديده
بدمنه تخضبت رجلينهه الخيل
ورضتنه بحوافرهه البليده
وجه الفجرطاح بقبضت الليل
وحكم عالباب قانونه اليريده
السور تبجي الضلع والنزف ترتيل
وجرح الزهره يطشر وريده
اطيح عيونهه عله الكاع وتميل
بين المسجد ومحسن وجيده
الشجن ماسمعته طيور الابابيل
ضل محبوسه يتنطر وعيده
ضلوع الباب مجتوفه بزناجيل
ونياشين الجريمه اتلف وريده
هدم بيت الحزن معول التأويل
وشنق شجرتنه باحباله المسيده
والجناز يكتب عقد تأجيل
بستار الليل ضم كبر الشهيده
تيهنه الدرب بالقال والقيل
وغربتنه وطن وضايع نشيده
تخط اجدامنه بدم المجاتيل
وبوادي الرعب صرن الطريده
نخاف سنينه التاكل السجيل
وفيل ارواحنه متاني بريده
انرفع آذانه بدعوت التعجيل
راعي الامر يذبحنه نريده
شعر :حسن نجم الجبوري