ما ننسه والعباس عملة كربلا
ما ننسه والعباس عملة كربلا

ـــــــــــــــــــــــــــــ
زينب تصيح وتنادي يا علي...جتلت حشود النواصب كل هلي
منهو ينغر يا علي بهالشدّه الي...وراس ابو الاكبر ذبيح ومعتلي
من عدهه شاب الراس عملة كربلا
ما ننسه والعباس عملة كربلا


حركَو خيمنه وسبوهه العايله...وعالارض تسعر زلمنه مجندله
دولبتني ارض المصايب والبله...ودمعتي بحيره على جفني سايله
سلبتني ابو النوماس عملة كربلا
وما ننسه والعباس عملة كربلا


جلجل الليل وبقيت بوحدتي...وتنطر ارجاس الخوارج خيمتي
منهو يا حيدر يجيني بوحشتي...ينضر لحالي وينَشّف دمعتي
بالدنيه ما تنقاس عملة كربلا
وما ننسه والعباس عملة كربلا


ما بكَه بحيلي وخلص منّي الصبر...يحدي بينه ويشتم اليمّه الشمر
عذّبو حالي وولو بينه شكثر...ما بعد يسوه ويصح بيه العمر
وتنصّب الانجاس عملة كربلا
وما ننسه والعباس عملة كربلا


يالزجيه عالهزل بنتج صفت...بيهه دمعه وبالجفن تلهب غفت
شمعه بيهه من العمر بالهم طفت...شالت افراح العمر منهه وجفت
لاهل النصر مقياس عملة كربلا
وما ننسه والعباس عملة كربلا


شوصف بجَرف المدامع والعلل ...هضمي بمحرّم يبو الزهره اكتمل
دهري بانواع العذابات اشتمل...مُر عليّه وصد يبو الغيره الفحل
من تنصر الارجاس عملة كربلا
وما ننسه والعباس عملة كربلا
رحيم الحسيني الحسناوي