تويت
الحكَ زينبك يابا الحسن صحنه...هامت والمدامع بيهه ممتحنه
ـــــــــــــــــ
غسلت بالدمع شريان ابو اليمّه..صاحت خويه عيني بغيبتك تعمه
سل حالي النحر ما ينكَطع دمه..كوم الكتلتك لا رحمه لا ذمه
انعه وما خلص هذه الكلب همه..بعد عينك صدك يابو الطهر رحنه
رص راعي الحقد عالعايله صفوفه...غدرت اَل اميه وزمرة الكوفه
راح البالشدد صولاته معروفه..مر لابنك يبويه بعينك وشوفه
خيل الداسته بميدانك تحوفه..وسهام الغدر صارت تطارحنه
الحك زينبك يابا الحسن صحنه..هامت والمدامع بيهه ممتحنه
خيل اجتنه وخيمتك يصل طاحت...منجمعه الرماح بكل كتر لاحت
صد لوعة رقيه بحسره من صاحت...بويه الكوم اجتنه ولطمت وناحت
شمس الطالبيه من الارض راحت..راحت والحزن يرسم ملامحنه
الحك زينبك يابا الحسن صحنه...هامت والمدامع بيهه ممتحنه
محتاره وطبرتك بيش اداويهه...روحي تعذبت كل الالم بيهه
تحرثهه العلل مره وتسوايهه..عطاشاكم يخويه بعيني اساجيهه
منه اختك والعجيبه اختك تخليهه...تحت هالفاجعه وعينك تبارحنه
عيون اهل الضغاين بينه تتفكر...واجساد الشباب بدمهه تتوجر
علي الاكبر طريح بخيمته موذر...تعال وصد حشدهم يا بطل خيبر
اضن تكدر تردهم يا علي تكدر...تسل سيفك على الصعبه وتفرحنه
الحك زينب يابا الحسن صحنه...هامت والمدامع بيهه ممتحنه
اون وما نفع يم دمكم ونيني..احاجي ابن الزجيه وما يحاجيني
اصيحن يا علي ومحد يدليني...دمه نحور وخضب صار اليواسيني
عليكم تنتخي الوسعه وتبجيني...نسامح والدمع ماضن يسامحنه
الحك زينبك يابا الحسن صحنه...هامت والمدامع بيهه ممتحنه
حلت والفاجعه الصارت منو يحلهه...خيمكم بس رماد ونحتمي بضلهه
توشلني المصايب واَنه اوشلهه...خليلة فاجعات وعلعلت خلهه
اسل حيل المدامع وارتوي بسلهه...نجرّح عين ابو الدنيه وتجرحنه
عليله وبالغرب وبلا هلي وكَومي..وحيده وزلزلتني الحسره من يومي
منو اليكدر يشيعه يحمّل همومي...علامات الحزن تتوسد رسومي
عليمن يا خلك لو اعتب ولومي...دليلي بهالونين يجمل بلحنه
الحك زينبك يابا الحسن صحنه...هامت والمدامع بيهه ممتحنه
اخوي برايته على المشرعه وجوده..بطل واهل المعارف تعرف سعوده
ملايك من جهب عالموزمه شهوده...وفه ابن الطالبيه ونعرف عهوده
اخذ من الوصي الصل غيرته وزوده...جفن عينه على رمحه وضل يشابحنه
ـــــــــــــــــ
غسلت بالدمع شريان ابو اليمّه..صاحت خويه عيني بغيبتك تعمه
سل حالي النحر ما ينكَطع دمه..كوم الكتلتك لا رحمه لا ذمه
انعه وما خلص هذه الكلب همه..بعد عينك صدك يابو الطهر رحنه
رص راعي الحقد عالعايله صفوفه...غدرت اَل اميه وزمرة الكوفه
راح البالشدد صولاته معروفه..مر لابنك يبويه بعينك وشوفه
خيل الداسته بميدانك تحوفه..وسهام الغدر صارت تطارحنه
الحك زينبك يابا الحسن صحنه..هامت والمدامع بيهه ممتحنه
خيل اجتنه وخيمتك يصل طاحت...منجمعه الرماح بكل كتر لاحت
صد لوعة رقيه بحسره من صاحت...بويه الكوم اجتنه ولطمت وناحت
شمس الطالبيه من الارض راحت..راحت والحزن يرسم ملامحنه
الحك زينبك يابا الحسن صحنه...هامت والمدامع بيهه ممتحنه
محتاره وطبرتك بيش اداويهه...روحي تعذبت كل الالم بيهه
تحرثهه العلل مره وتسوايهه..عطاشاكم يخويه بعيني اساجيهه
منه اختك والعجيبه اختك تخليهه...تحت هالفاجعه وعينك تبارحنه
عيون اهل الضغاين بينه تتفكر...واجساد الشباب بدمهه تتوجر
علي الاكبر طريح بخيمته موذر...تعال وصد حشدهم يا بطل خيبر
اضن تكدر تردهم يا علي تكدر...تسل سيفك على الصعبه وتفرحنه
الحك زينب يابا الحسن صحنه...هامت والمدامع بيهه ممتحنه
اون وما نفع يم دمكم ونيني..احاجي ابن الزجيه وما يحاجيني
اصيحن يا علي ومحد يدليني...دمه نحور وخضب صار اليواسيني
عليكم تنتخي الوسعه وتبجيني...نسامح والدمع ماضن يسامحنه
الحك زينبك يابا الحسن صحنه...هامت والمدامع بيهه ممتحنه
حلت والفاجعه الصارت منو يحلهه...خيمكم بس رماد ونحتمي بضلهه
توشلني المصايب واَنه اوشلهه...خليلة فاجعات وعلعلت خلهه
اسل حيل المدامع وارتوي بسلهه...نجرّح عين ابو الدنيه وتجرحنه
عليله وبالغرب وبلا هلي وكَومي..وحيده وزلزلتني الحسره من يومي
منو اليكدر يشيعه يحمّل همومي...علامات الحزن تتوسد رسومي
عليمن يا خلك لو اعتب ولومي...دليلي بهالونين يجمل بلحنه
الحك زينبك يابا الحسن صحنه...هامت والمدامع بيهه ممتحنه
اخوي برايته على المشرعه وجوده..بطل واهل المعارف تعرف سعوده
ملايك من جهب عالموزمه شهوده...وفه ابن الطالبيه ونعرف عهوده
اخذ من الوصي الصل غيرته وزوده...جفن عينه على رمحه وضل يشابحنه