تويت
ام البنين توصي اولادها .ع//ابو ايمان المجراوي
أم البنين بالحسين توصّي الاربعه
****************
أم الأقمار للأنوار اجت تأخذ عهد
گألت حسين يطيبين إمام المعتقد
اطلب آوياه فدى أثراه تصيرون وسند
والوعد حان يشبّان وإذنكم سامعه
****************
يبني عباس أوصّيك ولتهون إخوتك
رايده أتطوف بالطفوف ترفرف رايتك
أوفي الوعود بالعهود ترى أمك وصّتك
يبني چفين للحسين ردتها أمگطعه
****************
يبني عثمان أوصّيك وأريد بكر بله
بدمك ألگاك على أثراك فداء العايله
احمل الآم يضرغام لأجل هل مسأله
يبني ويّاك اخذ هاك وصيتي أمودعه
****************
گألت أوصيك وأناديك يجعفر بالحرب
گطّع الروس والنفوس تبث بيها الرعب
دمك أوسام يمقدام على صدرك يصب
زامطت بيك انه أدريك جبيني ترفعه
****************
من تغيرون على ألگوم يعبد الله ردت
ما تعودون تضلون لان بيكم شدت
من تباهيت تعلّيت لأني تأكدت
ما تخيبون الضنون شمسكم ساطعه
****************
بيكم اليوم تباهيت ييمه بكل فخر
أربع أولاد انه انطيت لبن فارس مضر
فدوه لحسين يروحون ثلا ثه والگمر
خلها بالگأع هالسباع تضل موزعه
********************
الخادم أبو إيمان المجراوي
تعليق