تويت
عهد خدمة الحسين ع//ابو ايمان المجراوي
خدّام . نبقى لحسين الولي
خدّام . كل سنه وعام أليلي
أنذرنه العمر وسنينه ** وكل لحظه مرت بينه
*****************
ربينه بمنبرك يحسين .. وعرفنه سيدي معناه
ورضعنه بخدمتك مولاي .. نظام بهالعمرعشناه
عرفناك وعرفنه إسرار .. حلها بمنبرك شفناه
الخدم شخصك يبو أليمه .. ما خاب ونحج مسعاه
أسرار . منك اعرفنه وفكر
أسرار . والها سخرنه العمر
بخدمتك ما ندمينه ** وكل لحظه مرت بينه
***************
نبع حبك غمرنه وعاش .. بينه من الزغر يحسين
ربينه آوياه صبح بينه .. شوگ ألما نملّه بحين
على طول العمر يمتد .. واحنه آوياه گظينه سنين
قدر حبك يبو الأكبر .. فديناه برموش العين
إحساس . بينه عاش من الزغر
إحساس . لحظه ما عافه الفكر
مثله فلا حسّينه ** وكل لحظه مرت بينه
***************
اشكثر شفنه بعمرنه أحداث .. فلا ننساها يا مظلوم
وشفنه احنه اشكثر حالات .. من عدها بچينه دموم
لمسنه التضحية بحبك .. قدر كلمن يتبعك دوم
وعشگنه خدمتك يحسين .. رغم بيها الأجل محتوم
أشرار . كثره عاشت تيبغظك
أشرار . حالفت من ناهضك
شنّت حربها أعلينه ** وكل لحظه مرت بينه
****************
خدمت منبرك يحسين .. للوادم شرف صارت
ارتفع كلمن خدم بيها .. وسُمعته بكل ذكر نارت
هذا إلي خدم شخصك .. بيه أهل ألرده احتارت
لان منّك اخذ عزمه .. وروحه بمهجّك سارت
أحرار . إلي نصروا ثورتك
أحرار . والي تبعوا فكرتك
خدام إلك تدرينه ** وكل لحظه مرت بينه
***************
أمل بيه عشنه دنيانه .. وذخر يوم الحشر نرجاه
يمخلوق أعله كل شفّه .. ذكرك ما نمل طرواه
نخدمك سيدي بدمنه .. عهد احنه الكم اعهد ناه
ونموت بحبك اقسمنه .. وحتفنه بحبك اشمحلاه
إصرار . بالضمير ألخدمتك
إصرار . نبعه روح ألحبتك
منّك فلا ملينه ** وكل لحظه مرت بينه
***********
الخادم أبو إيمان المجراوي
تعليق