تويت
يوم القيامه للعباس ع/ابو ايمان المجراوي
يوم ألقيامه اليوم و ألطف جهنم
وبسيفي اجل محتوم وينه التقدم
جبت ألمنيه * الكم بديه *وينه التقدم
***********
انه ألخازنها * انه الساجرها *انه العباس
انه اليحويها *انه اليمليها * بالارجاس
على عاليها *أحط واطيها * هالحراس
وارد امحيها*من ماضيها * هاي الناس
بيهم أريد النار *يشتد لظاها
ومن زمرة الأشرار *لملي فضاها
بالغاظريه * جبت ألمنيه* وينه التقدم
***********
انه القسورها * انه الحيدرها *و الچافل
إذا احظرها * أهد بيدرها * عالباطل
لطب بزمرها *أطش معشرها *والحاصل
بدّيّه ابترها * من مصدرها * ما أجامل
بيهم تضيگ إلگأع * لو شلته راسي
والموت اقسمه أنواع * وأصنع مئاسي
والزود إليه* جبت ألمنيه * وينه التقدم
***********
أطب جمعتها *اصد صولتها *أذا اغضب
وارد فزعتها * أطش لمتها * ما اتعب
شفت حالتها * من ركضتها * با لملعب
منايا وجتها * دم خلتها * تتخضب
من فزعت الفرسان *وبوجهي صدت
ما عدها ظل أذهان * مدحوره ردت
وانه العليه* جبت ألمنيه * وينه التقدم
***********
نفس شافتها * ما خافتها *بل صليت
رغم عدتها * وبهجمتها * ما باليت
رعب موتها *اجل فتتها*من هجميت
فلا هابتها * وتحدتها *روحي وجيت
لا ارهب انه الموت * يلهج لساني
وبخصمي اصيحن صوت*وينه ألاجاني
يهل ألرديه * جبت ألمنيه * وينه التقدم
***********
انه ألعددها*انه الفر هدها *انه البركان
بيد احصدها *ويد أمردها * بالتربان
أريد أوردها * دم من عدها * هالعدوان
غضّب حددها * الم هددها * بالميدان
عباس انه يرجاس * صاحب الرايه
وبسيفي ألف عباس *جاب المنايه
الكم هديه * جبت المنيه* وينه التقدم
***********
الخادم أبو إيمان المجراوي
تعليق