تويت
علي الاكبر ع / ابو ايمان المجراوي
اليوم يوم الأكبر .. من دخل بالعسكر
من محمد نوره .. والعزم من حيدر
********************
هذا الأكبر والحرايب منه تتعلم درس
حين لاحت بالمعاره صورته شرگت شمس
شال سيفه وانه الأكبر صاح وبعزة نفس
جيت اطهّر دين جدي من ألضلاله والرجس
صوت رج الميدان .. يا عبيد الأوثان
أرواحكم مهدوره .. والعزم من حيدر
**************
طبها غاير والعساچر شافته وذكرت علي
صال بيهم يفني جمعه وبالأثر جمعه تلي
صاح بيكم ناوي اضرب سيفي حتى يفللي
وارد أحامي أعله الفواطم وبدماي افدي الولي
اليوم أوفّي بعهدي .. واحمي عترت جدي
والبغي اهدم سوره .. والعزم من حيدر
**************
هد حصنها وشت شملها الأكبر بحين الهجم
شگه صفها من قصفها بصولته لمن عزم
ضاع أملها بس دخلها والتگرّب ما سلم
خلّه صبها من رگبها أهل البغي تتجاره دم
من برز للأشرار .. ما ضعّف هالمغوار
رايته منشوره .. والعزم من حيدر
***************
حوّطاها بل حواها وبين أديه اتجعجعت
كل زلمها هد عزمها ومن خشيته أتراجعت
عل يمين وعل يسار أهل ألرديه اتفازعت
ومن ذعرها كل عذرها ويالمنيه أتصارعت
لفها لف بكتاره .. من رفع بتاره
أتقهقرت مذعوره .. والعزم من حيدر
**************
كر عليها وما بديه حيله ضلّت لو عذر
من گحمها خله همها الخوف واختارت تفر
وبصقيله ألي يشيله كاس تجرع منّه مر
شتتاها وهدداها وبيها ضل يبتر بتر
طشّراها ولمها .. وسبّحاها بدمها
بين أديه محصورة .. والعزم من حيدر
****************
عن نضاله والبساله شاهد أتضل كربله
والمنادي من الأعادي شاد بالحومة اله
هذا حيدر هذا جعفر حيّر أعگول ألمله
ليه تعنت من تدنت سيفه حل المسألة
عرّفاها الصوبين .. هالعجيد ابن حسين
وضّح الهم صوره .. والعزم من حيدر
**************
الخادم أبو إيمان المجراوي
*********************
يبني يالاكبر يبني .. يبني يالاكبر
فگدك نكبني يبني .. يبني يالاكبر
**************
يبني بدليلي إخلاف عينك نيران .. يشتد لضاها
تلهب وسط گلبي وغطاء الاحزان .. روحي غطاها
ملهوفه وعيوني تصد للميدان .. شوفك رجاها
عذبني دهري دهري .. عذبني دهري
وشوفك حرمني يبني .. يبني يالاكبر
**************
سل روحي يبني اموادعك والدلال . بعدك تعذّب
يا سهم هجرك يالولد ما له أمثال . بالگلب صوّب
من عگب عينك يالرحت حالي حال . مفجوعه وانحب
مرمرني فگدك فگدك . مرمرني فگدك
يبني وهضمني يبني . يبني يالاكبر
**************
للحومه اصدّن يا علي وأترجاك . ترجع لي سالم
حين الرحت راح الگلب يبني آوياك . من عندي هايم
مرهونة روحي ألصورته طولك ذاك . يبن الفواطم
ما يهده ونّي ونّي . ما يهده ونّي
دونك عسنّي يبني . يبني يالاكبر
***************
كل لحضه من دونك تمر يا مهيوب . اشعر بألمها
وبناره هجرك يالولد گلبي أيذوب . قاسي حكمها
هذا الهجر يا ضنوتي ما محسوب . روحي بعلمها
هجرك ييمه يمه . هجرك ييمه
لا ما رحمني يبني . يبني يالاكبر
****************
ما حسبت يبني تغيب أعله العين . ونحرم شوفك
ما حسبت عگب ألربه وتعب سنين . يوليدي اعوفك
تاليها يحرمني الأجل يبن حسين . بوست اچفوفك
حيرني بأمر أمر . حيرني بأمر
وشوفك سلبني يبني . يبني يالاكبر
****************
الخادم أبو إيمان المجراوي
************************
ناداها ناداها ... يا ليلى ناداها ... عالاكبر اليوم
لمن دنت تشكيله . أمّه أنتي روحي ادعي له . عالاكبر اليوم
*************
ليلى وأبو أليمه ألتگو . لاچن بيش . لحضت لگأهم . ونطرح يا موضوع
وجه بوجه صدّو بچو . گأل الجيش . الأكبر نواهم . وانهمر سيل دموع
گلها يليلى ألي مشوا . طعم العيش . ما لذ ورآهم . والگلب ضل مفجوع
گأل ألها گأل ألها ... يا ليلى گأل ألها ... من شن على ألگوم
عيني مشت تربي له . أمّه أنتي روحي ادعي له . عالاكبر اليوم
*************
گألت يبو الأكبر بعد . عگب الراح . شلّي بحياتي . ولا عشت من دونه
بيه الجروح أبلا عدد . واصفگ راح . مرهونه ذاتي . ويالولد مرهونه
فارگني يحسين السعد . والهم لاح . ناوي ألمماتي . بعده أضل محزونه
گألتله گألتله ... يالوالي گألتله ... دمعي غده ادموم
گلها بحزن يا ليله . أمّه أنتي روحي ادعي له . عالاكبر اليوم
*************
گلها دُعاء ألوالده . من تدعيه . بيه استجابه . والإله يتقبــــــــل
للخيمه عودي راشده . قسمي أعليه . يفتح له بابه . ينتصر ما ينذل
ادعي الله يشتد ساعده . ويقوّيه . ويحفظ شبابه . ويظفر بهالجحفل
وصّاها وصّاها ... تدعي له وصّاها ... وبگلب ما لوم
هم فگده گلبي يشيله . أمّه أنتي روحي ادعي له . عالاكبر اليوم
*************
للخيمه رجعت تندعي . وتترجاه . بجاه الايمه . يا ألاه ألقدره
بجاها ألمحمد والولي . وأعظم جاه . يا ربي سلمه . خلي عيني أتنظره
يا رب يرد سالم إلي . واتلگآه . وبصدره أشمه . واروي عيني بسحره
يا باري يا باري ... سر گلبي يا باري ... يا حي يا قيوم
ما بيدي ضلّت حيله . أمّه أنتي روحي ادعي له . عالاكبر اليوم
*************
من الحرايب رد علي . وبيمناه . بتاره احمر . من دماء العدوان
شاف أمه لنها بلا وعي . يا أماه . ناداها الأكبر . ناوي أرد للميدان
وادعها لاچن تندلي . من عيناه . دمعه وتحسر . يدري الموادع حان
روّاها روّاها ... من دمعه روّاها ... والحزن مرسوم
وتوادع ويالعيله . أمّه أنتي روحي ادعي له . عالاكبر اليوم
***************
الخادم أبو إيمان المجراوي
تعليق