تويت
عبد الله الرضيع ع/ابو ايمان المجراوي
رسمك اگبالي ... يمه يبرا لي
عبد الله يبني . بعيني ويلا لي . والمهد خالي
****************
قصت عذابي ويالمهد يا مظلوم
من ساعة ألبيها غبت گام تحوم
لا غفت عيني ولا شفت يبني النوم
عاشت أوياي وما هديت انه بيوم
لازمّت روحي ... وهيّجت نوحي
بالهم تذبني . والكدر فالي . والمهد خالي
*************
الكاروكك امشي بلا وعي ووصل ليه
بلچن يعبد الله وعسى أشوفك بيه
يتراوه ألي رسمك واوطي انه أعليه
وبروحي اگول من العطش خلني ارويه
تالي من أوعه ... اشعر أبلوعه
دهري نكبني . وما رحم حالي . والمهد خالي
**************
ليهسه صوتك يالولد بالأذهان
يا يمه اسمعه وبيه أحس بالوجدان
لو تدري بعدك بالجرى يبني وكان
عگبك تفصل ثوب إلي من الأحزان
يبني مهمومه ... بجرحك ويومه
حزني غلبني . وما اله تالي . والمهد خالي
**************
أتفكر واذكر قبل بأحلى أيام
من چنت أللولي يالولد يبني أتنام
اسهر ليالي وما أحس بالآلام
أترجه تكبر واحسب الساعة بعام
بالأمل يبني ... ارسم أوابني
لاچني شبني . ضاعت أمالي . والمهد خالي
***************
يبني بغيابك موحشه ودمعي يسيل
وأصبح نهاري بغيبتك ظلمه وليل
رك مني حيلي وما بقى يبني الحيل
يالما حسبتك عن نظر عيني أتشيل
رحت وعفتني ... ما ودعتني
سهمك ضربني . وگطّع أوصالي . والمهد خالي
**************
الخادم أبو إيمان المجراوي
*********************
يا عبد الله الروح ما تگدر تنساك . اسود عمري أيصير لو عشته ابلياك
شاغل فكري وبالي ... ريتك تنظر حالي
اسود عمري أيصير لو عشته ابلياك
********************
أذكرك من چنت يوم المحرم .. تلوج من العطش وسط المخيم
شفت منظر وسط گلبي زرع هم .. رضيعي وبدمه نحره توسم
شفتك شوف العين بيدك يبني أتلوح . ما چان أعله البال يبني من أيدي تروح
يبني انطر دلالي ... ريتك تنظر حالي
اسود عمري أيصير لو عشته ابلياك
********************
سهم نحرك يعبد الله رماني .. بمهجتي وبفؤادي صوّباني
وسهم هجرك ييمه أمنين أجاني .. على عيوني توجهلي وعماني
يالغالي بسهمين صوّبت الدلال . واحد صاب العين والأخر بالبال
يالگطعت أوصالي ... ريتك تنظر حالي
اسود عمري أيصير لو عشته ابلياك
********************
كثر يبني الكدر وتمادى همي .. ونحل من البچي واللطم جسمي
إذا لحضه نسيتك أنسى اسمي .. وارد اذكر أمس من چنت يمي
أتذكر لحظات بيهن چنت اوياي . واذكر لو ناغيت يا هرشي البحشاي
وبذكرك موالي ... ريتك تنظر حالي
اسود عمري أيصير لو عشته ابلياك
********************
عگب عينك يريتك لو شفتني .. يعبد الله عگب ما فارگتني
يهل دمعي مطر دم أعله جفني .. واصد أعله المهد يالولد يبني
اصفن واسرح بيك وافرك بالراحات . وبحين أوعه الروح تختار الحسرات
يالرسمك يبرا لي ... ريتك تنظر حالي
اسود عمري أيصير لو عشته ابلياك
********************
يالمسافر سفر بيه عذبتني .. المصايب بالأثر بعدك لفتني
إذا تخلص مصيبة الاخرى جتني .. وأعاني من إلفگد يالودعتني
در صدري وناديت يوليدي العطشان . حن گلبي وحنيت وبدمعي البرهان
وانظر مهدك خالي ... ريتك تنظر حالي
اسود عمري أيصير لو عشته ابلياك
********************
الخادم أبو إيمان المجراوي
***********************
يا زينب اخذي ها لطفل **عدواني صابوه أبنبل
***********************
من چنت بيدي شايله ***ومتجه ماي اطلب اله
صوبة بنحره حرمله***بنبلته ألما عنده أصل
*********************
من شلته واگصدت ألعده***هذا العله أوليدي سده
حرملة شممر ساعده *** وبنبلته انطاه الآجل
******************
رگبته لا لت بالشمس ***صارت دليل أهل الرجس
صوبو نحر اوما يحس *** ودم رگبته الايده نزل
******************
بيده لزم دمه وشرب *** متئمل الماي العذب
ما يدري دم نحره اليصب ***ها لطفل عايش بالامل
**********************
ظل يشرب أبدمه ويضن *** ماي اليرويله البدن
أجروح البصدره ارتون ***لاچن جرح نحره اشعمل
*****************
يا زينب الطفل أنذبح ***وجروحي زيدهن جرح
بأحضاني ودمه سفح ***هذا الجره وهذا الحصل
****************
يا زينب بهذا البلد ***ما يضل من عدنه احد
ينذبح حتى البل مهد ***غير أبو الباقر ما يضل
*************
الخادم أبو إيمان المجراوي
تعليق