اللهم صل على محمد وعلى ال بيت محمد وعجل اللهم فرج مولانا صاحب العصر والزمان وانصره واهلك اعدائه من الاولين والاخرين انك سميع مجيب الدعاء
البرنامج الكامل لليوم العاشر من محرم للرواديد2012



اصد لا والي يمي اليحضر بهالليل..يمكسورة ضلع ماضل باهلكم حيل
انه اشكيلج ضليمه وهم يهد جبال..يمحروكة كلب ياذي ويسل الحال
يمكسورة ضلع ماضل باهلكم حيل



اسولفلج وانه ادري الهم فطر كَلبج...يسيره ولا اعرف يم الحسن دربج
خذوني الشعلو ونصبو اصل حربج..حرمني ابن الحرام ابن الحقد كربج
ولتني الماتعرف من العدل ذره...وانه رباة الامام الطاهره الحره
حسبتي بكربله وعينج فلا تنكال..يمحروكة كلب ياذي ويسل الحال
يمكسورة ضلع ماضل باهلكم حيل







وحيده وبالضلام لوحدي خلوني....وعلى مر القهر يايمه سلوني
سليت وبالغرب راح وذبل لوني...صبح جدمي العليل على العلل عوني
اريدج يالزجيه بهالعلل تدرين...لاخوتي العالرماح العاليه تحضرين
صبح راعي الرمح لابن الفخر جتال..يمحروكة كلب ياذي ويسل الحال
يمكسورة ضلع ماضل باهلكم حيل







شفت بين الكفر يمه العذاب اشكال...حمل زينب فلا صح مثله دوم عدال
اريد انحرعلى الشط واندب الجفّال...احاميج اَنه اخوج ابن الشدايد كال
تون بنتج ييمه وما تمل ونهه...دنت منهه المنايا وغربت جنهه
صبح نوحي على اخوتي بكل وكت موال...يمحروكة كلب ياذي ويسل الحال
يمكسورة ضلع ماضل باهلكم حيل







جوت كَلبي النواصب يا علي وعينك....رحت عني وبقيت اَنه وصحت وينك
اخوي العالرمح ساجه بنزف دينك....وفه وجافل ضعنّه اتعذر حسينك
وكع يم النهر وي رايته وجوده....تلوج على الترايب تنزف زنوده
وكع من للشدد يوم الشدد خيال.....يمحروكة كلب ياذي ويسل الحال








دريت اَنه البعيده على الاهل تحتار.....ييمه وشرد اكولن من علت هالنار
ركضت اَنه وصفت روحي الهوت تحتار...صحت وينك يبو الغيره ويحامي الجار
اخوي العالترب عاف الدنا وجالك.....وانه بحيرة مصابي وفجعة عيالك
دليلي بكربله لهاي الشدد حمال....يمحروكة كلب ياذي ويسل الحال
يمكسورة ضلع ما ضل باهلكم حيل








خوارج والكفر مثل النفس بيهه....جثيره وبيه نار ومن يطفيهه
مصايب تبتدي وماادري تاليهه.....يبنتج من يجيهه ومن يواسيهه
يحيدر عيلتك بارض الغرب مرهه... تساجي ابنك عذابات الكلف مرهه
صرت بين الحرم بين الجيم واطفال...يمحروكه كلب ياذي ويسل الحال
يمكسورة ضلع ماضل باهلكم حيل









من يكلك فاطمة على الطف بعيده..يوم ابو الاكبر ظلم كطعو وريده
صدت لدمه وهوت....بالدمع نار انجوت
يوم ابو الاكبر ظلم كطعو وريده
ـــــــــــــــــــــــــ
من بكَت زينب وحيده بلا حميه..جانت تنوح بهضم يمهه الزجيه
تندب وتلطم صدر بالغاضريه..عالكمر يوم انذبح هوه واخيه
شمعه ذابت والتوت....بالدمع نار انجوت


عالي ما يخفه الزجيه الساعه ونهه..بتهه بين العسكر ومذبوح ابنهه
وجهت صوب النهر همهه وحزنهه..هامت بنار وهضم يسعر جفنهه
وسفه جم عبره احتوت..بالدمع نار انجوت
يوم ابو الاكبر ظلم كطعو وريده



شافت اطفال وحرم بارض الرزيه..شافت الطفل الجرع سهم المنيه
شالته ونادت على الهادي ووصيه..هذه طفل ابني انجتل وبّين اديه
شبت الحسره ودوت...بالدمع نار انجوت
يوم ابو الاكبر ظلم كطعو وريده


شافت ايتام على كبر البر تجول..شافت جيوش الكفر يمهم تصول
شافت رجال وحرم تسعى وخيول..منهوصاحت ينصر الحك بالذهول
بس كلف همهه ارتوت..بالدمع نار انجوت
يوم ابو الاكبر ظلم كطعو وريده


ناحت لخير البريه وهضم اخوه..نادت بحسره وتناطر سيف ابوه
سل عكلهه ابن الرساله الوذروه..وصلو جسمه الكفر من كطعوه
والمصايب من علت...بالدمع نار انجوت
يوم ابو الاكبر ظلم كطعو وريده


يامصيبه الماحصل ابدا مثلهه..ياحمل زينب الم يالم حزنهه
بالطفوف تمنت ويه الدر جتلهه..ما بعد يلتم باهلهه كل شملهه
بيهه جم ونه انطوت....بالدمع نار انجوت
يوم ابو الاكبر ظلم كطعو وريده








ايه وادي الطف نحر السبط يدمي في ثراكا...وارتمى الحزن هيام عاشقاً يرنو هواكا
انت اهل للتجنّي...كيف تدنو من حسيني
وارتمى الحزن هيام عاشقاً يرنو هواكا
ـــــــــــــــ

ويلي يا وادي الطفوف وكربله..جددت بينه المصايب والبله
راس ابو الاكبر صدكَ بيك اعتله..مخضب وفوكَ الرمح ينضر هله
من سهام اهل الغدر جسمه انمله..ويمَه تصرخ يا ولينه العايله

بغربتك ضلت عليله وتندب حسين العقيله..تكفكف على المر دمعهه عالمشو عنهه وتهيله
ياليالي خاب ظني..كيف تدنو من حسيني
وارتمى الحزن هيام عاشقاً يرنو هواكا



جم جرح بينه انلجم يوم الطفوف..يوم ابو الاكبر دنت منّه السيوف
وحده ضامي ابن الفحل بين الالوف..وضل يسير بغربته بنص الصفوف
ريته يحضر قالع الحصن ويشوف..لزينب اشباه الزلم تسعى وتحوف

وينه حيدر يحضر ابنه وبالمصيبه يواسي سكنه..بشوفته عيون الهواشم تروه وبهالشدّه تهنه
نلت حقا انت مني..كيف تدنو من حسيني



ويلي من شدّو على جتاف العليل..كَيد المحدّد غده من الحر يميل
وين الاكبر من دنو وين الجفيل..شالت ضعون الاهل ويه الدليل
وين ابو الزهره وعلي ووين الخليل..بالهضم بيت النبي وبالهم يشيل

بالحبل من شددوهم وليه يا حيدر ولوهم..وبغيابك روعوهم ما رووهم ما سكَوهم
شمر غنى في التمنّي..كيف تدنو من حسيني



جم عزيزه بكربلا وطفهه نولت..وجم عقيله بهضم ابو اليمه انسلت
وجم ارض بالدم يهالدنيه انملت..وجم حرم بين الملاعين ابتلت
هايه رايه بكربلا وبالدم علت...ولولا دمهم غاصت الارض وخلت

لولا حيدر لولا ولده ما بقت هالدنيه صلده..ولا تضن تنجه الوطيه بس لاجلهم والله تنده
مال طير السعد عني...كيف تدنو من حسيني



شارد اوصّف لو كَلت هم فاطمه...يا مصيبه الزلزلت ارض وسمه
من دمه جروح الضلع فوكَ الدمه..ولاحضر مسلم تره ولا مسلمه
هيمه وتلوج الرعيه من الضمه...عميه عينه الماوفه وبيهه العمه

عميه عينه البيه اذيه على الفواطم والزجيه..الله ذل كلمن يعادي من البشر بيت الابيه
في دموعي صار فني...كيف تدنو من حسيني



ياجفون الما تمل سيل الدموع...يادمه القاسم صفت حنه وشموع
يا حوافر داست بغيض الضلوع...ويا عقيله الزلزلت صوت الخنوع
داست بزود الفحل ذيج الجموع...ثبتت دين العدل اصل وفروع
زينب الحره الابيه رايه بارض الغاضريه...ذلت رجال الخوارج من مشت عدهم سبيه
ارتوي حزن كاني...كيف تدنو من حسيني
وارتمى الحزن هيام عاشقا يرنو هواكا