ونين الطيرللهاجر- ونين الطير
شضنه ايعود لوسافر- شضنه ايعود
فاركتني- ضيعتني
ءءءءءءءءءءءءءءءءءءءء
طيره انه بغـــــــــيابك فاكده لوكري
وي نكلت اجدامك هل خلص عمري
راح حسين مايــــــحمل بعد صبري
وصفه بيتي بغيــــــــابك يالابوكبري
الكبرياريت ضماني الكبرياريت \ ولابهمومي عفتوني انه والبيت
فاركتني – ضيعتني
ءءءءءءءءءءءءءءءءءءءءء
صعبه اعله العليل اتــــعوفه احبابه
وبعد ياهواليجي ويوكـــــف لعدبابه
انه امصابي العليله يواسـي بمصابه
وكل ضنج يعود وينتهـــــي اغيابه
ابوالسجاد مايرجع بعد ويعود- وكفيلج يالعليله كطعوله ازنود
فاركتني – ضيعتني
ءءءءءءءءءءءءءءءءءءءء

اصيرلك درع خليني اه يحسيـــن
لاتتركني وحدي وين اروحن وين
حياطين وحزن دارن تره صوبين
وبس ذكراك بويه يواسي دمع العين
حزن ودموع ياحالي حزن وادموع – وعلا فركك يبو اليمه الكلب مفجوع
فاركتني- ضيعتني
ءءءءءءءءءءءءءءءءءءءء
رايح انه كتلي ويرجـــــع العباس
وضلت بالصدرمحبوسه هالانفاس
لاعباس ردالي بــــــــــخبر ياناس
انه ابنيتك يبويه بالمرض انـــــقاس
عليله وحالتي صعبه بعد عيناك- اروحن للحرب كتلك اروح اوياك
فاركتني- ضيعتني
ءءءءءءءءءءءءءءءءءءءءء





رسم زينب ابد مافارك افكاري
عافتني العقيله بهمي وبنـــــاري
عكب زينب الم واهـــموم ياداري
وكطع بيه السليب المنذبح عاري
يبت حيدرتعالي وضمدي جروحي- يعمه للجره ماهودت روحي
فاركتني- ضيعتني
لودافــــــــــني بويه وهاذه اشوالي
ولاحيـــــطان دارك تنحب الحالي
يالـــــــــــــطولك ابد لاماترك بالي
وصفه بس المرض يابويه ينعالي
الحزن ياغالي ينعالي علا فركاك- المرض ياعودي سلاني وذكرطرواك
فاركتني- ضيعتني

خادم الحسين – عدنان منعم