تويت
يايمه ياعريس للحومه زفوه !! الشاعر حسين الساعدي
يايمه ياعريس!!
يايمه ياعريس للحومه زفوه...و بدم ركبته السال بجفوفه حنوه
يايمه لا تبجين...روحي فدى لحسين
يايمه ياعريس للحومه زفوه
.........
وصيتي وتكولين هاليوم اريدك.
والحرب يا جسام ادريها عيدك
حامي اعله عمك هاذ سيفك بأيدك
بروحك تذود اعليه وبدم وريدك
يايمه شتوصين!!!
روحي فدى لحسين
يايمه ياعريس للحومه زفوه
.....
لا تنسى يبني اوياك سهر الليالي
.وأشكد تعبت اعليك يوليدي غالي
دللتك ابهل يوم جازي دلالي.
راسي ترفعه اليوم فوك الاعالي
هاليوم اوفي الدين
روحي فدى لحسين
يايمه ياعريس للحومه زفوه
.....
للحومه من طبيت سيفي بديه.
عرفت نفسي ابزود لجيوش اميه
ابن الحسن جسام راعي الحميه
ولأجل عمي احسين تحله المنيه
ابن الحسن تدرين
روحي فدى لحسين
يايمه ياعريس للحومه زفوه
.....
يايمه لا تبجين ساعة مصابي
لو طفت هذا اليوم شمعة شبابي
لو غيباني الموت يسهل غيابي
لكن ابعمي احسين زايد عذابي
ماهمني سهم البين
روحي فدى لحسين
يايمه ياعريس للحومه زفوه
....
من طحت صحت ابصوت وينك يعمي
لحظه وبذاك الموت لن هوَ يمي
من شاهد الجفين حناهه دمي
اشبيدي يعمي صاح وبهذا همي
وصب لجلي دمع العين
روحي فدى لحسين
يايمه ياعريس للحومه زفوه
و بدم ركبته السال بجفوفه حنوه
بقلم
خادم الحسين
حسين الساعدي
يايمه ياعريس للحومه زفوه...و بدم ركبته السال بجفوفه حنوه
يايمه لا تبجين...روحي فدى لحسين
يايمه ياعريس للحومه زفوه
.........
وصيتي وتكولين هاليوم اريدك.
والحرب يا جسام ادريها عيدك
حامي اعله عمك هاذ سيفك بأيدك
بروحك تذود اعليه وبدم وريدك
يايمه شتوصين!!!
روحي فدى لحسين
يايمه ياعريس للحومه زفوه
.....
لا تنسى يبني اوياك سهر الليالي
.وأشكد تعبت اعليك يوليدي غالي
دللتك ابهل يوم جازي دلالي.
راسي ترفعه اليوم فوك الاعالي
هاليوم اوفي الدين
روحي فدى لحسين
يايمه ياعريس للحومه زفوه
.....
للحومه من طبيت سيفي بديه.
عرفت نفسي ابزود لجيوش اميه
ابن الحسن جسام راعي الحميه
ولأجل عمي احسين تحله المنيه
ابن الحسن تدرين
روحي فدى لحسين
يايمه ياعريس للحومه زفوه
.....
يايمه لا تبجين ساعة مصابي
لو طفت هذا اليوم شمعة شبابي
لو غيباني الموت يسهل غيابي
لكن ابعمي احسين زايد عذابي
ماهمني سهم البين
روحي فدى لحسين
يايمه ياعريس للحومه زفوه
....
من طحت صحت ابصوت وينك يعمي
لحظه وبذاك الموت لن هوَ يمي
من شاهد الجفين حناهه دمي
اشبيدي يعمي صاح وبهذا همي
وصب لجلي دمع العين
روحي فدى لحسين
يايمه ياعريس للحومه زفوه
و بدم ركبته السال بجفوفه حنوه
بقلم
خادم الحسين
حسين الساعدي
تعليق