تويت
نتيجة العراق للعام الدراسي
3008 قبل الميلاد
3009 ميــلاديــة
إدرس يا وطن انه إمتحنتك ليش
المفروض منك تاخذ إنتّ إعفاء
ناجح مدري راسب مدري طحت إكمال
مجموعك شعب شيجمعه صار أجزاء
أقرالك درجتك كلها بالتفصيل
وأنطيك النتيجه وتفرح وتستاء
خذت باللغه ميه عالعروبة إلبيك
وصفر كل العرب من الألف للياء
لأن كلك قواعد يا وطن مملوء
صرت أشطر بلد عمي أنتّ بالإملاء
ولهذا السبب كسلان بالإعراب
ولهذا السبب ليهسه ماكو إنشاء
أمريكا وإختها يرفعن الخيرات
وينصبن قواعد ترسن البيداء
وفعل ناقص تعربه وشعبك المسكين
مفعول به بل حتى بالآباء
والفاعل تعرفه وتبني للمجهول
تحالف مستتر تقديرهم أعداء
وبغداد وإختها أعربهن بيا حال
مكسورات خاطر هي والحدباء
وأكسل بلد إنتّ بالرياضيات
يحكمونك جبر وتكول إستفتاء
وإحنه بدائره وطول المحيط ذياب
والمركز عميل ونص قطرنه أعداء
مثلث سني جنه وشيعي متحدين
كسرت ضلوعنه وما مكتفي بما جاء
إضربتنه وقسمتنه ونقصتنه هواي
وبعد ما ننجمع حاصل جمعنه أشلاء
وباوعت إعله شعبك شفته كلة أموات
وإنطيتك صفر يا وطن بالأحياء
وعفيتك بالزراعة وهسة أكلك ليش
لأن صارت فحم كل أرضك الخضراء
ولأن أكثر بلد بي تنزرع عبوات
أسئلة الزراعة تحلها بالكيمياء
ودرجتك مو صفر مية صفر بالدين
بيك حسين ميت والطغات أحياء
وبيك العسكري ومحد يزوره بطيف
مسجون بحضرته إم لا سقف جرداء
وخيرك ينسرق سراقة معروفين
حتى ألأعمى أسأله يكلي هؤلاء
ولا فتوة إسمعت من كل رجال الدين
وسماك من العمايم تنفرش سوداء
حسرتنه إعله حقنا وحقك المسلوب
بكبر حسرة فدّك عد فاطمه الزهراء
لازم يا عراق إتعيد بالتأريخ
إكتب من جديد وإمسح ألأخطاء
خلص عمرك حرب عالماكو شي ملموس
إكتب مات داحس وإعقر الغبراء
وإمسح كل رشد بي غلفوا هارون
وإكتب مو رشيد أبله وإبن بلهاء
وعوف الجامعه ومن عمرو موسى إرتاح
وإمسح كل حرف بي أوهم ألأبناء
وإمسح كل بلد ضَم راسه وكت الضيج
وإمسح كل رئيس ودولته الخرساء
وإكتب مو عرب كلهم مسخ للضاد
كلهم مو بزر بطن إمتي السمراء
بس آنه ألأبن بس آنه روح الله
بس آنه إطلعت من مريم العذراء
فيلسوف الشعر
نائل ألمظفر
3008 قبل الميلاد
3009 ميــلاديــة
إدرس يا وطن انه إمتحنتك ليش
المفروض منك تاخذ إنتّ إعفاء
ناجح مدري راسب مدري طحت إكمال
مجموعك شعب شيجمعه صار أجزاء
أقرالك درجتك كلها بالتفصيل
وأنطيك النتيجه وتفرح وتستاء
خذت باللغه ميه عالعروبة إلبيك
وصفر كل العرب من الألف للياء
لأن كلك قواعد يا وطن مملوء
صرت أشطر بلد عمي أنتّ بالإملاء
ولهذا السبب كسلان بالإعراب
ولهذا السبب ليهسه ماكو إنشاء
أمريكا وإختها يرفعن الخيرات
وينصبن قواعد ترسن البيداء
وفعل ناقص تعربه وشعبك المسكين
مفعول به بل حتى بالآباء
والفاعل تعرفه وتبني للمجهول
تحالف مستتر تقديرهم أعداء
وبغداد وإختها أعربهن بيا حال
مكسورات خاطر هي والحدباء
وأكسل بلد إنتّ بالرياضيات
يحكمونك جبر وتكول إستفتاء
وإحنه بدائره وطول المحيط ذياب
والمركز عميل ونص قطرنه أعداء
مثلث سني جنه وشيعي متحدين
كسرت ضلوعنه وما مكتفي بما جاء
إضربتنه وقسمتنه ونقصتنه هواي
وبعد ما ننجمع حاصل جمعنه أشلاء
وباوعت إعله شعبك شفته كلة أموات
وإنطيتك صفر يا وطن بالأحياء
وعفيتك بالزراعة وهسة أكلك ليش
لأن صارت فحم كل أرضك الخضراء
ولأن أكثر بلد بي تنزرع عبوات
أسئلة الزراعة تحلها بالكيمياء
ودرجتك مو صفر مية صفر بالدين
بيك حسين ميت والطغات أحياء
وبيك العسكري ومحد يزوره بطيف
مسجون بحضرته إم لا سقف جرداء
وخيرك ينسرق سراقة معروفين
حتى ألأعمى أسأله يكلي هؤلاء
ولا فتوة إسمعت من كل رجال الدين
وسماك من العمايم تنفرش سوداء
حسرتنه إعله حقنا وحقك المسلوب
بكبر حسرة فدّك عد فاطمه الزهراء
لازم يا عراق إتعيد بالتأريخ
إكتب من جديد وإمسح ألأخطاء
خلص عمرك حرب عالماكو شي ملموس
إكتب مات داحس وإعقر الغبراء
وإمسح كل رشد بي غلفوا هارون
وإكتب مو رشيد أبله وإبن بلهاء
وعوف الجامعه ومن عمرو موسى إرتاح
وإمسح كل حرف بي أوهم ألأبناء
وإمسح كل بلد ضَم راسه وكت الضيج
وإمسح كل رئيس ودولته الخرساء
وإكتب مو عرب كلهم مسخ للضاد
كلهم مو بزر بطن إمتي السمراء
بس آنه ألأبن بس آنه روح الله
بس آنه إطلعت من مريم العذراء
فيلسوف الشعر
نائل ألمظفر
تعليق