الاربعينية قصيدة 1
يهالحادي على درب الحادي ودوني..خذت حيلي المصيبه وراحن عيوني
كضت حيلي الطفوف وغدرت الكوفه....اريد انحب عل اللي طاحن جفوفه
خذت حيلي المصيبه وراحن عيوني
ــــــــــــــــــــــــــــــــــــــــــــــــــ ــــــــــــــــــــــ
انه بيا حال ارد وبيا كلب ياعين...تركته موذر وفوك الوطيه حسين
عفت يم النهر ساجي وعفت جفين...عليه من المصايب هودرن صفين
لابو الاكبر صحت منهو اليوديني..كضن بالون تراهن كلهن سنيني
انه رباة الاسد حيدرنه معروفه...اريد انحب على اللي طاحن جفوفه



سبونه ولارحم شفنه من اعادينه...صفه بسوطه الشمر يادر يماشينه
ابد ماصح نصير اللي يواسينه...بعد طيحة عجيد الكلفه والينه
وحيده انه وسليبه بمشيتي اتعثر...علَي يابا الحسن ماهان المكَدر
رجعت بحسرتي وللوالي ملهوفه..اريد انحب على اللي طاحن جفوفه




جوت كلبي الليالي ويفجع البيه...غدت بيه الجروح بكل كتر ميه
شسولف بالغرب من راحت رقيه...يبوهه وهالمفاجع للحصل ديه
تمنيتك تشوف بخربه خلونه...سحل لبن البغايا وكومه ودونه
انه وراسك على رماح العده نطوفه...اريد انحب على اللي طاحن جفوفه
خذت حيلي المصيبه وراحن عيوني



بعد عين الجفيل انباكت ضعوني...اطخ راس المذله انوبه يردوني
انه سياط وشتايم من يساجوني...تهيم على الطفوف وتوجب ضنوني
حسافه ابن الكرم عاف الضعن واخته...وانه على المشرعه بضيم وهضم عفته
اريد انخه الفرات وانشد جروفه...اريد انحب عل اللي طاحن جفوفه



اجيتك خويه وادريبك يخي تعتب...سبوني اهل المجايد والغرب ترهب
دموم ويه الدمع يبن الفحل تسجب...صفت بيه النوايب عالجرح تكتب
غريبه اختك وحيده وما وفاهه معين...يسيد اهل الجنان ورايه فوك الدين
خلص كلبي ويريتك تدنه وتشوفه...اريد انحب على اللي طاحن جفوفه
خذت حيلي المصيبه وراحن عيوني
رحيم الحسيني الحسناوي