تعالو نمشي للدار..نخدمكم يزوار
وصلتو بهل المسيه..ضيوف عل الزجيه
عليهه اليوم خطار

هلا وكل الهله بالكاصد حسين
علامه عالوجه وتضوي للحين
موشح بالسواد وتهمل العين
تلاكي الحجه بحشود الملايين

وياه الزجيه..تتلكه البريه
جميع الاجت زوار

وكفنه بالمواكب نخدم اهواي
ننتظرك يزاير تجي مشاي
نفس موعد العام الجنت وياي
نتذكر جفوف الطاح عالماي

عباس الشفيه..عنوان الخويه
ابن حيدر الكرار

هلا وكل الهله نصرخ نلاكيك
يالكاصد حسين اتوسلت بيك
امشي الزهره والحره انه عليك
عيني عالدرب تنطر تتانيك

مانخاف الاذيه..وظلم النصابيه
وهايه بيهه اسرار

جوادر عالدرب كلها لجلكم
نحضر الماي ونحضر اكلكم
وبجلمه حزينه احنه نكلكم
عساه الباري ايخفف تعبكم

تعنه خويه ليه ..وحط ايدك بديه
تفرح بيكم الدار

عاين عالضريح وعينك تشوف
كل زاير يجيك ابكلب ملهوف
ماهمه اليفجر داس عل الخوف
بس الاهم عنده بحضرته ايطوف

روحه وي دليله ..تواسيهه العقيله
شنهي تهمنه الاخطار

خادم اهل البيت
ابو علي السعيدي