تويت
ابوي اليحضر الناس!!! الشاعر حسين الساعدي
حيدر ما حضرني!!!!ابوي اليحضر الناس..طحت وما حضرني
اوليدي اكبالي طبروه
ورضيعي ابأيدي ذبحوه
وحيدر ما حضرني
حيدر ما حضرني
....
طحت يايمه وألتموا عليه..وحيدر ما حضرني
يدروني أنه ابنج يلزجيه..وحيدر ما حضرني
علي دارت ييمه اجيوش اميه..وحيدر ما حضرني
وربعي موته طاحوا عالوطيه..وحيدر ما حضرني
كلهه أتصَيح أمنين!
تخلص منهه يحسين
وحيدر ما حضرني
حيدر ما حضرني
.........
اكتلوا عباس كَدامي اونهوني..حيدر ما حضرني
عليه من البجي راحن اعيوني..حيدر ما حضرني
طحت ابناس ما اظن يرحموني..حيدر ما حضرني
ييمه اشكال كَلبه من ولوني..حيدر ما حضرني
علي مرفوع الرماح
كَلبي امن العطش راح
وحيدر ما حضرني
حيدر ما حضرني
....
ييمه اعيالي كلها شتتوهه..وحيدر ما حضرني
مثل ظلعج اضلوعي كسروهه..حيدر ما حضرني
زينب من تجيني يمنعوهه..حيدر ما حضرني
على حالي بجت ندبت ابوهه..حيدر ما حضرني
تكله الحك يكرار
شوف بأبنك اشصار
وحيدر ما حضرني
حيدر ما حضرني
.......
ييمه من طحت ما بين الاشرار..حيدر ما حضرني
توقعته يجي وبيده ذو الفقار..حيدر ما حضرني
يصول ايجول بيهم ياخذ الثار..حيدر ما حضرني
ويرويني ويطفي بالجبد نار..حيدر ما حضرني
اشعجب داحي البيبان
تركني انذبح عطشان
طحت وما حضرني
حيدر ما حضرني
ابوي اليحضر الناس طحت وما حضرني
بقلم
خادم الحسين ع
حسين ااااااالساعدي