تويت
قصيدة رثاء الى أمّ العجرشي على لسان ولدها..
بيتي اخلاف عينج چنة مو بيت ولا دنيا دنيا اشلون تمشين ..
يمّة اخلاف عينچ اظلم الكون شمس دنياي انتي وبيها تظوين ...
بعدني إزغير يمّه احتاجچ وياي وين انطي الوجه لو عني ترحين ..
يالمّة شمل يابلسم اجروح وياضحكة امل بشفاف الاسنين ...
اعيوني أتصب دمع من رحتي لليوم يتيم اصبح دليلي وبس الونين..
يومية اعلباب البيت اتانيچ اصبر الروح ها بلكت ترجعين ..
لاباب انفتح لا جاني مرسال لا مرّ الفرح لا هوّدتْ عين ..
اغمض العين بلكت تهده وتنام احس بيدچ ييمّة من تمدين ..
نايم يلولد يبني دلي اللول اسمعچ يلولد يبني تگولين ..
افز مرعوب ادوّر بلكت الكاچ واصيح بصوت يمّة هذا انا حسين ..
يمّه العيد اجه والباب مسدود وگلبي من الحزن مطعون سچين ..
فصلّت الهموم اثياب الي دوم والاسود شعاري لأن غالين ...
بعد ما ظن اشوفچ واگعد وياچ لان برض النجف انتي تسكنين ..
بقــــــلم ...... السهـــــــــلانـــي
بيتي اخلاف عينج چنة مو بيت ولا دنيا دنيا اشلون تمشين ..
يمّة اخلاف عينچ اظلم الكون شمس دنياي انتي وبيها تظوين ...
بعدني إزغير يمّه احتاجچ وياي وين انطي الوجه لو عني ترحين ..
يالمّة شمل يابلسم اجروح وياضحكة امل بشفاف الاسنين ...
اعيوني أتصب دمع من رحتي لليوم يتيم اصبح دليلي وبس الونين..
يومية اعلباب البيت اتانيچ اصبر الروح ها بلكت ترجعين ..
لاباب انفتح لا جاني مرسال لا مرّ الفرح لا هوّدتْ عين ..
اغمض العين بلكت تهده وتنام احس بيدچ ييمّة من تمدين ..
نايم يلولد يبني دلي اللول اسمعچ يلولد يبني تگولين ..
افز مرعوب ادوّر بلكت الكاچ واصيح بصوت يمّة هذا انا حسين ..
يمّه العيد اجه والباب مسدود وگلبي من الحزن مطعون سچين ..
فصلّت الهموم اثياب الي دوم والاسود شعاري لأن غالين ...
بعد ما ظن اشوفچ واگعد وياچ لان برض النجف انتي تسكنين ..
بقــــــلم ...... السهـــــــــلانـــي