تويت
اه يحسين ومصابه
××××
هالمستهل من الطفوله اعشكته
بالامي واحزان ودمــــه كتبته
خطيته وبلب الحشـــــه طبعته
رادوني اعوفه اهل البدع ماعفته
نبقه خدم لحسين ويه احبابه
******************
هالمستهل من اجله انه الـــضحيت
عايش يظل وصط الدمه شما ظليت
عاشك اله وبكل كياني حــــــــــبيت
الله ايرحمه الشاعر الكال البيت
انخه الحسين ايسجله وسط اكتابه
********************
بها المستهل تبده المئاتم باحزان
مثل القصيده اللي بكت بالاذهان
يبقه الحسين بكل ضمير اوجدان
رددهه ياسين الرميثي بايمان
واسمه صبح ويه الخدم باخطابه
*****************
ينادي دمعنه والشعر والاقــــــــلام
يحسين باسمك رفرفت هالاعلام
يبقه الحزن والنوح طول الايـــــام
بهالمستهل حاربنه بيه الظلام
وذلينه فكر الناصبي وارهابه
****************
ما ينسي يوم الطفوف وعاشور
وما تنسي جفوف الكمر والمنحور
لجل العقيده هالدمه تصبح سور
لحسين يبقه كل عمرنه منذور
نزوره ونقبل عتبته وي بابه
****************
الباري خلق هالفطره والحب لحسين
جي هو ثبت بالدمه ســــــــــر الدين
والفطره تنعرف بيـــــــــهه الموالين
تملكهه اصحاب الشهامه الطيبين
وما عنده فطره الما بجه اعله مصابه
**************