تويت
اوصيك يعباس بوصيتي * وادري بطيحتك تسبق منيتي
انه ام البنين امك يبو الغيره ***** لتخلي اخوك حسين بالحيره
اوصيك يعباس بوصيتي
*******
كبل طبت الوصي يايمه للدار **** شفت رؤيه عظيمه تزهي بانوار
شفت تضوي بسمانه اربع اقمار** يشع هذا الضوه من حامي الجار
حرت يمه شكول ومدري شحجي*** مره افرح ييمـــه ومره ابجي
شفت انه الحلم صرت انت تفسيره لتخلي اخوك حسين بالحيـــــــره
اوصيك يعباس بوصيتي
*********
ابوك اختارني وبنفسه غايه **** راد ارجال متهاب المنايــــــــه
اهل علم وبخت عدهم درايه**** بالغيره وعزم الهم سجايـــــــه
ابوك اختارني يايمه لاسباب *** ولقبني بلقب من احسن القـــاب
بعلم الباري كلشي صار تقديره ** لنخلي اخوك حسين بالحيـــــــــره
اوصيك يعباس بوصيتي
*************
حاجاني علي كبل المنيه **** وشرحلي اسباب سر هاذي القضيه
كلي بيم من تغدر اميه *** وخبرني اكلك هالوصيــــــــــــــــــــه
وصاني ييمه بضعن الحسين***انت اللي تكفله ياضوه العيـــــــــــــن
ابوك بهالقضيه جان تفكيره***** لتخلي اخوك حسين بالحيــــــــره
اوصيك يعباس بوصيتي
***************
وكلي بعدي تتغير الاوضاع *** وهاذي دنيتج تتبـــــــــــدل بساع
وكلي هالبنين ادريهم سباع*** حسين الهم سفينه وانته الاشراع
ولو طاح الحسن خلهم يصبرون*** بس يوم الطفوف البيه يبرزون
وادري بالكفيل وشنهي تدبيره *** لتخلي اخوك حسين بالحيــــــره
اوصيك يعباس بوصيتي
************
ظليت بحزن عشت انه بالخوف **** وكلبي منفطر واللون مخطــــوف
شيصير بحالي لو كربت الطفوف*** وعل حسين السبط تلتم السيـوف
لخوتك ياشهم تصبح القدوه ** وانتم الاربعه ترحوله فــــــــــــــدوه
خل سيفك ييمه ايبان تأثيره **** لتخلي اخوك حسين بالحيـــــــــره
اوصيك يعباس بوصيتي
*******
كلك مرجله تنضح بالاحساس **** بالغيره صرت يوليدي تنقـــــاس
وانت العاهدتن حيدر يعبــــاس **** ويه حسين تبكه لاخر انفــــــــاس
انت ادره ييمه بهالوصيه ** تضحي جفوف لجل ابن الزجيـــه
محتوم القــدر مكتوب تقديره ***** لتخلي اخوك حسين بالحيــــره
اوصيك يعباس بوصيتي
**********