تويت
الدنيه غركت بالظلم تدريهه *** كومياشبلالحسن صفيهه
ناس ماتعرف حلال ولاحــــــرام
وناس عدهه الدين اصبح بس كلام
وناس ماتعرف عقيده ولا امــــام
كوم يالحـــــــــجه بعدل ساويهـــه
*****************
كلي جم دوب الصبر يبن الحسن
شاف دين الهادي انواع المحن
وعدنه رايات الكفر هاللوحن
منهو غيرك سيدي ينهيهه
******************
اليوم كلهه بالوطن ردت ردود
جيوش مرجانه ونواصب واليهود
رجعوا اعلينه زمن عاد وثمود
وسافل الدنيه مثل عاليهه
*********************
تدري موطنه انضرب بيه المثال
وصار ذبح الناس ببلادي حلال
فوكك هذا الضيم جيش الاحتلال
وتدري بالدنيه الطمع عاميهه
*************
جم سبيه اطينه احنه وجم ذبيح
جي دمانه تنادي يحسين وتصيح
وراية الكرار يردوهه تطيح
نقسم بروح ودمه نفديهه
*******************
خيبر وصفين ردت من جديد
وابن ربعي وحرمله يقوده يزيد
جمعو كل مجرم وحــــاقد عنيد
كوم نيران الفتن طفيهه
****************
اليوم كل هاذي الارض صارت طفوف
نفس ذيــــجه الزمره ردت والسيوف
وهاي هند محزمه ودك دفـــــــــــوف
تريد لاصنام الشرك تحميهه
*****************
احنه قدمنه بدريكم جم شهيد
جم نحر عدنه انكطع وجم وريد
ندري بأعدانه اشتخطط وشتريد
تريد ننسه حسين وي ماضيهه
******************
ال اميه تحـــــالفت والاجنبي
عدنه جم طف الجره وجم سبي
جي نكول المرتضــــــه بعد النبي
وصار للاسلام اهو واليهه
.........******........
كلي جم ثار التطلبه وجم دمه
ناحت اعليه ملائكــــــة السمه
وندري اول ثار كسرة فاطمه
وثار زينب والعده ملوعيهه
.........*****...........
والله طالت غيبتك يبن الرسول
حيرت الافكار كلهه والــــعقول
يمته ايام المحن عنـــــا تزول
يمته نورك سيدي يضويهه
...........*****.............
احنه لجل حسين نوهبله المهج
ونبقه نمشي بها لعقيده وهالنهج
ونبقه ننطر بالصبر يوم الفرج
الشيعه كلهه تنتظر مهديهه
***************
