تويت
نبينا ** شفيعنا ** أبا الزهراء
خلق كريم ***** قلب رحيم
ابا الرزهراء
********************
رحمه انته واجت للعالم بأسره**وسبحانه الذي بيك اعرج واسره
الجليل بحكمته سخرلك القدره** وصرت انته حبيبه ياابو الزهره
يانور الاله ومنهجه وسره***حملت الام حين البلغت بامـــــــــره
انت الختام **** فيك السلام
ابا الزهراء
*********************
ربيت النفوس المؤمنه بصبرك**وبهمه وفضيله وضحت امرك
ولجل درب الهدايه منحني ظهرك**وبكل خير ربنه سيدي ايبشـــرك
بعلم الغيب يحجي الباري ويسرك**وباسرار الخليقه يوحي ويخبرك
سيد الانــــــام****خير المقـــــام
ابا الزهراء
******************
من نور العرش ربنه بعلم صبك** ماعندك ذنب ربنه غفر ذنبك
وانوار الجلاله نورت دربك**وانطاك الشفاعــــه وزال كل كربك
تشفع للمحب لو ناده ويندبك**ومن حانت منيتك اخبرك ربـــــك
وحيي لديك ***** اشتقت اليك
ابا الزهراء
****************
عله فراش الاجل والكوم ماراعوك**ما عدهم يقيـــــن وبالحجي اذوك
ردت تكتب وصيه وبالهجر تهموك**بلا وجدان ذوله البالهجر وصفوك
ماتنطق ابد عن الهوه عرفوك**ومن ذيجه الوصيه بالحقد منـــــــعوك
انت اليقـــــين *** انت الاميـــــن
ابا الزهراء
******************
شلون اسلام تتسمه شلون اصحاب** ماحضرو دفنتك نعرف الاسباب
لجدل الدنيه ينعق بالسقيفه اغراب**وهجم بوم الظلام واسس الارهاب
عادو منهجك وتحاربت الاطياب** دارك حاصروهه واحركوهه البـــاب
ضلع ينـــــادي **** ايها الهادي
ابا الزهراء
******************
نسو كل الوصايه وتركو القران**ناس بلا ضمير ولا حيه اوجــــدان
لا رحمه بكلبهم لا دخل ايمـــان**وعله العتره الشريفه طالت الاحزان
من كل صوب طبكت خيل ابوسفيان**واصبح للعده نهج الوصي نيشان
صبـــر طويــل **** دم يســـيل
ابا الزهراء
************